Спорт
Федерер бил тажен поради промените во Девис купот
Интернационалната тениска федерација (ИТФ), реши да направи радикални промени во престижното репрезентативно натпреварување, Девис куп. Досегашниот формат од Светската група со 16 репрезентации, ќе биде заменет со седум дневен турнир, на кој ќе учеству…


Интернационалната тениска федерација (ИТФ) реши да направи радикални промени во престижното репрезентативно натпреварување Девис куп. Досегашниот формат од Светската група со 16 репрезентации ќе биде заменет со седумдневен турнир, на кој ќе учествуваат 18 селекции. Турнирот ќе се игра кон крајот на ноември.
Најголем дел од тенисерите ги поздравија промените бидејќи, според нив, актуелниот календар е пренатрупан и не можеле секогаш да играат за своите репрезентации. Поради тоа голем број од нив едноставно ги прескокнуваа репрезентативните натпревари.
From 2019, the competition will see 18 nations and the world’s best players compete in a week-long season finale to be crowned #DavisCup champions.
Here’s the new calendar…
Find out more: https://t.co/hprNmHUcqg pic.twitter.com/E3POfiZzeF
— Davis Cup (@DavisCup) August 16, 2018
Еден од оние тенисери кои долги години не играле за својата репрезентација е Роџер Федерер, но и покрај тоа тој не ги поддржува промените што ги направи ИТФ.
„Не знам што да кажам, не знам ниту како се одвивало гласањето, знам дека ИТФ никогаш не ги вклучувал тенисерите во своите одлуки. Тука се нашите Сојузи, но ние сме таму, а вистината е дека не сме таму. Изненаден сум од оваа одлука. Тажен што повеќе Девис купот нема да биде истиот. Никогаш повеќе ништо нема да биде исто“, рекол 37-годишниот Швајцарец.
ИТФ потпишале договор со инвестициската групација „Космос“, која се обврзала во наредните 25 години да вложи три милијарди долари во Девис купот.
„Ова е натпреварување за наредната генерација и јас се надевам дека ќе го наплатат секој цент од тој голем договор. Мораме да им пружиме шанса да видиме како ќе функционираат“, рекол Федерер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
ПСЖ испратил понуда до Ван Дајк

Пари Сен Жермен трагна по потписот на капитенот на ливерпул, Вирџил ван Дајк.
Според француските медиуми, спортскиот дирекотр на ПСЖ започнал прелиминарни преговори со Холанѓанецот, што само долеа масло на огнот на видеото кое се појави по натпреварот помеѓу Ливерпул и ПСЖ.
Имено, по осминафиналниот реванш во Лигата на шампионите се појави видео на кое Ван Дајк комуницира со првиот човек на ПСЖ, Насер Ал-Келаифи и спортскиот директор Кампос.
Последните информации говорат дека ПСЖ на Ван Дајк му нуди двегодишен договор вреден 40 милиони евра (20 милиони годишно), со опција за продолжување на уште една сезона и со потенцијални бонуси и заработка од дури 50 милиони до 2027 година.
Навивачите на Ливерпул се загрижени бидејќи клубот се уште не направил конкретни потези во преговорите и знаат дека клубот не може да и парира на оваа понуда.
По елиминацијата од ПСЖ, Ван Дајк изјави дека тимот од Париз е „најтешкиот противник и најдобриот тим против кој Ливерпул играл во последните четири години“.
Спорт
Франција без Турам против Хрватска

Францускиот напаѓач Маркус Турам (27) поради повреда нема да настапи на двата меча против Хрватска во четвртфиналето на Лигата на нации. Турам, во понеделникот се појавил во Националниот фудбалски центар во Клерфонтен.
Напаѓачот на Интер бил прегледан од докторот Франк Ле Гал пред да биде подложен на дополнителни тестови.
„Тој имаше болки во левиот скочен зглоб, поради што нема да може да учествува на натпреварите закажани за четврток на 20 март во Сплит и в недела на 23 март на „Стад де Франс“ против Хрватска. Дидие Дешам му дозволи да се врати во Милано. Селекторот продолжува да работи со преостанатите 23 играчи“, соопштија од Фудбалската федерација на Франција.
Турам (29 настапи, 2 гола) одигра неколку натпревари под инјекции оваа сезона. Тој постигна два гола против Феенорд во Лигата на шампионите пред да биде заменет по 60 минути игра. Во неделата во Бергамо тој го одигра целиот натпревар против Аталанта при победата на Интер од 2:0, но не постигна гол.
Дешам сега остана со Бредли Баркола (ПСЖ), Усман Дембеле (ПСЖ), Дезире Дуе (ПСЖ), Рандал Коло Муани (Јувентус), Килијан Мбапе (Реал Мадрид) и Мајкл Олисе (Баерн) како напаѓачи.
Турам одигра 38 натпревари оваа сезона, постигна 16 голови во сите натпреварувања.
Спорт
И на Милан му е преку глава од петтиот најскап играч во историјата на фудбалот

Жоао Феликс (25), петтиот најскап фудбалер во историјата се соочува со нови проблеми во кариерата. Фабрицио Романо пишува дека Милан нема намера да го откупи од Челзи на крајот од оваа сезона. Тоа значи дека офанзивниот играч за врска летово ќе се врати во Лондон. Милан плати 5,5 милиони евра за неговата позајмица, а тој има девет настапи, на кои забележа гол и асистенција за Милан откако дојде во клубот.
Феликс ја започна својата кариера во младинскиот систем на Порто, но брзо се пресели во Бенфика, каде што стана еден од најдобрите млади играчи во Европа. Во 2019 година, тој се пресели во Атлетико Мадрид за клупски рекорд од сума од околу 127 милиони евра. Таа година ја доби наградата „Голден бој“ за најдобар млад играч во светот.
Неговата кариера во Атлетико не беше успешна како што се очекуваше. По сезоната 2020/21, во која заедно со Луис Суарез беше еден од клучните играчи за освојување на титулата во Ла Лига, неговите перформанси почнаа да опаѓаат.
Во јануари 2023 година, тој беше испратен на позајмица во Челзи, каде што дебитираше со црвен картон во поразот од Фулам.
Откако не успеа да се наметне во Челзи, Феликс се пресели во Барселона, кај Чави играше но најчесто како резерва, постигна неколку гола, вклучително и два против поранешниот клуб Атлетико. Тие голови бурно ги прослави и го навлече гневот на навивачите, кои јасно му порачаа на клубот дека не сакаат повеќе да го видат Португалецот на „Метрополитано“.
Некаде во финишот на преодниот рок, минатото лето, откако му истече позајмицата во Барселона, Атлетико успеа да го продаде во Челзи за околу 55 милиони евра.
Во јануари 2025 година, Феликс беше испратен на позајмица во Милан, каде што го имаше своето деби со гол во Купот на Италија против Рома. Феликс има 45 настапи за португалската репрезентација и има постигнато девет гола.
Сега неговата кариера е во криза и ќе мора да бара нов клуб. Додека беше во Атлетико, најчесто се пуишуваше за неговите несогласувања со тренерот Диего Симеоне. Најчесто дека Феликс не сака да игра одбрана, но не успе ада се наметне и кај други тренери, Чеви во Барселона, Маурисио Покетино и Енцо Мареска во Челси и сега кај Серж Консеисао во Милан.