Спорт
Федерер го крена трофејот во Штутгарт за да го прослави првото место
Роџер Федерер го освои првиот турнир по пауза од три месеци, откако во финалето на Мерцедес купот во Штутгарт со 6:4/7:6(3) беше подобар од уште еден повратник на тениските терени, Канаѓанецот Милош Раонич.
Посетата на Германија оваа година Федерер ќе …


Роџер Федерер го освои првиот турнир по пауза од три месеци, откако во финалето на Мерцедес купот во Штутгарт со 6:4/7:6(3) беше подобар од уште еден повратник на тениските терени, Канаѓанецот Милош Раонич.
Посетата на Германија оваа година Федерер ќе ја запамети и со враќањето на првото место на АТП-листата, заменувајќи го шпанскиот ривал Рафаел Надал. Ова е третпат Федерер да се искачи на првото место оваа сезона, и од февруари 2004 година, кога првпат беше број 1 има фантастични 309 недели на првото место.
Федерер повторно ја „прескокна“ цела сезона на земја, за на тревнатата подлога во Штутгарт да стигне до четири победи и уште еден трофеј, негов неверојатен 98. во блескавата кариера. Уште позначајно, Федерер патува како број 1 на Вимблдон, каде што ќе брка рекордна деветта титула.
.@RogerFederer wins in Stuttgart!
He defeats @MilosRaonic 6-4, 7-6(3)
This marks Fed’s 98th career title, he goes into Wimbledon at the No.1 ranked player in the world. ? pic.twitter.com/gs9wP969gI— Tennis Channel (@TennisChannel) June 17, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Погачар: Не се гледам себеси во професионалниот велосипедизам уште долго

Словенечкиот велосипедски ас Тадеј Погачар по четвртиот триумф на Тур Д’ Франс предизвика вистински шок во јавноста со своите изјави за „Лекип“. Иако има само 25 години, тој веќе сериозно размислува да се збогува со спортот.
„Нема да се пензионирам веднаш, но не се гледам себеси во професионалниот велосипедизам уште долго. Олимписките игри во Лос Анџелес во 2028 година се мојата голема цел, а по нив сериозно ќе размислувам за пензионирање“, откри Погачар.
Тој се осврна и на историски момент за Словенија – почетокот на Тур Д’ Франс доаѓа во нивната земја во 2029 година. Сепак, Погачар јасно стави до знаење дека тогаш, речиси сигурно, повеќе нема да се натпреварува:
„За мене е неверојатно што Турот ќе започне во Словенија во 2029 година. Ќе бидам таму, тоа е сигурно, дури и да не се натпреварувам“, објасни тој.
Спорт
Џака се врати во Премиер лигата

Швајцарскиот фудбалер Гранит Џака се враќа во Премиер лигата, поточно во Сандерленд.
Ова го објави речиси непогрешливиот фубалски инсајдер Фабрицио Романо.
Романо изјави дека Сандерленд, клубот кој се врати во Премиер лигата минатата сезона, постигнал договор со Леверкузен за трансфер вреден 20 милиони евра.
Џака ќе потпише договор до летото 2027 година.
32-годишниот играч од средниот ред на тој начин ќе се врати во Премиер лигата, каде што претходно играше за Арсенал од 2016 до 2023 година.
Спорт
Капитенот на Рома го напушта клубот

Лоренцо Пелегрини, капитенот на Рома би можел да го напушти кубот до крајот на преодниот рок.
„Калчомеркато“, тврди дека капитенот на „волчицата“ добил зелено светло од тренерот Џанпјеро Гасперини за трансферот.
Милан, Интер и Наполи се заинтересирани за услугите на 29-годишниот фудбалер. Според обложувалниците најголем фаворит за потписот на Пелегрини е Милан.
Пелегрини е дете на Рома. Тој е во клубот од почетокот на својата кариера.
Досега, на 316 натпревари за првиот тим на Рома, постигна 55 голови и забележа 59 асистенции.
Фото/ Принскрин