Спорт
Фернандо Алонсо си заминува од Формула 1!
По повеќемесечни шпекулации, сега е официјално – двократниот Формула 1 шампион, Фернандо Алонсо заминува од спортот, и иако не најави каде е неговата следна дестинација, сите веруваат дека тој ќе се натпреварува во американската Инди кар серија.
Шпанец…

По повеќемесечни шпекулации, сега е официјално – двократниот Формула 1 шампион Фернандо Алонсо заминува од спортот, и иако не најави каде е неговата следна дестинација, сите веруваат дека тој ќе се натпреварува во американската Инди кар серија.
Шпанецот, кој ги освои своите две титули со Рено, пред да се трка и за Ферари и Мекларен, беше пред излез од Ф1 и на крајот на минатата година, но Мекларен го убеди да потпише уште една година откако ја откажаа соработката со Хонда за оваа година да се тркаат со мотори на Рено. Мекларен сакаше да го задржи и следната година, но тој вели дека е време за промена.
„По 17 прекрасни години во овој неверојатен спорт, време е да направам промена и да одам понатаму. Уживав во секоја минута од овие неверојатни сезони и не можам доволно да им се заблагодарам на луѓето кои ми помогнаа. Има уште неколку трки оваа сезона и ќе учествувам со уште поголема посветеност и страст“, вели Алонсо.

Иако се очекуваше дека ќе потврди дека ќе оди во Инди кар, Шпанецот не откри многу за иднината.
„Ќе видиме што ќе донесе иднината, на другата страна од кривината се нови предизвици. Ова е еден од најсреќните периоди во мојот живот, но морам да одам на нови авантури. Им благодарам на сите во Мекларен и моето срце секогаш ќе биде со тимот. Знам дека ќе се вратат посилни и подобри во иднината и тоа ќе ме направи бексрајно среќен“, додава Алонсо.
Со неверојатен талент, но и со многу конфликти во тимовите во кои беше, Алонсо можеби освои само две титули во Формула 1 и тоа на почетокот на кариерата, но останува еден од најценетите возачи на својата генерација.
Алонсо досега во Ф1 има остварено 32 победи, 22 пол-позиции, 97 подиуми и 1.893 освоени поени.
McLaren Racing today confirms that double F1 World Champion Fernando Alonso will not race in Formula 1 in 2019. https://t.co/hbOCGZP3E2
— McLaren (@McLarenF1) August 14, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Кошаркарите во Даблин ја победија Ирска
Кошаркарска репрезентација на Македонија ја постигна втората победа во претквалификациите за Евробаскет 2029. Македонија, во Даблин ја совлада Република Ирска со 76:88 (27:20; 13:22; 22:19, 14:27).
Лоша прва, одлична втора и брилијнтан последна четвртина одиграа македонските кошаркари, во мечот од второто коло, во А групата.
Лошо влегоа во натпреварот играчите на селекторот Марјан Илиевски, имаа негатива од седум поени по првите 10 минути, а на почетокот на вториот период, Ирска ја оствари најфисоката предност (31:20).
Двоцифрениот минус ги разбуди макеоднските репрезентативци, кои во продолжението го презедоа водството благодарение на серијата 15:2.
Во третиот перио
д двете репрезентации се менуваа во водство, па Ирците во решавачката четвртина влегоа со предност од еден поен.
Македонија го заклучи мечот со серијата 18:5, ја забележаа втората победа со која се лидери во групата.
Андреј Јакимовски со 26 и Џејкоб Вајли со 20 поени беа најефикасни во македонската репрезентација.
Следниот натпревар, Македонија ќе го одигра на 27.февруари 2026 против Луксембург во Скопје.
Фото/ Кошаркарска федерација на Македонија
Спорт
Аталанта ја продолжи агонијата на Фиорентина
Во дуел меѓу два тима од кои се очекуваше многу повеќе оваа сезона, Аталанта успеа да ја победи Фиорентина со 2:0 (1:0).
Ова е прва победа на Аталанта во Серија А од 21 септември, а Фиорентина и по 13-то коло се уште е без победа.
Во првото полувреме немаше сериозни шанси, Аталанта беше малку поконкретна, но без реализација до 41-та минута.
Потоа, по сосема обична акција на Аталанта и вратена топка од Де Кетеларе, Косону се обиде да центрира, а на крајот топката заврши во мрежата за 1:0.
Веќе на почетокот на второто полувреме, беше 2:0, карамбол по изведен корнер, топката стигна до Локман, кој рутински постигна гол за 2:0.
Foto/ EPA
Спорт
(Видео) Челзи со играч помалку му зеде бод на Арсенал
Без победник заврши лондонското дерби на „Стемфорд Бриџ“, Челзи и Арсенал одиграа 1:1.
Исклучително добар натпревар одиграа Челзи и Арсенал, ма крајот освоија по еден бод. И двата тима можат да бидат задоволни, особено домашниот тим, со оглед на тоа што останаа непоразени, иако играа со десет играчи на теренот од 37-та минута кога Каиседо беше исклучен.
Првото полувреме не беше толку квалитетно, играчите на двата тима беа доста груби, а тоа резултираше со црвен картон за играчот на Челзи, Каиседа, по исклучително груб прекршок. Судијата Ентони Тејлор првично му покажа жолт картон, но по повик од ВАР собата и прегледано видео, заслужено го исклучи Еквадорецот во 37-та минута.
Во првото полувреме имаше уште две ситуации вредни за споменување, по кои Арсенал можеше да поведе. Прво, кога Сака имаше добра шанса во 13-та минута, но неговиот удар го одбрани Санчез без поголеми проблеми.
Потоа, на крајот од првиот дел од играта, „се обиде Рајс од од 17 метри, но интервенцијата на голманот на Челзи беше фантастична.
На почетокот од првото полувреме, во 48-та минута, голема радост за домашните навивачи. По корнерот на Џејмс, Чалоба ја испрати топката во противничката мрежа со глава – 1:0.
Сепак, Арсенал брзо израмни, веќе во 59-та минута, овој пат Сака создаде шанса, прекрасно центрираше од десната страна, а изедначи Микел Мерино.
Потоа немаше големи шанси, иако се играше во жестоко темпо. Повеќе напаѓаше Арсенал, логично поради нивната бројчена предност, но имаа само сериозна шанса за водство на крајот од натпреварот.
Поточно, во 89-тата минута, Мерино шутираше прецизно од 16 метри, а Санчез повторно брилијантно одбрани исто како на крајот од првото полувреме.
Арснеал остана лидер на табелата со 30 поени, пет повеќе од Манчестер Сити и шест од Ќелзи и Астон Вила.
Foto/ EPA

