Спорт
Фетел: Од Ферари се тресат колената!
Ферари немаат освоено титула од 2007 година, така што очекувањата во Маранело и меѓу нивните тифози се огромни, посебно откако Италија нема да ја гледаат на Мундијалот. Човекот одговорен за оваа мисија, Себастијан Фетел го знае тоа многу добро.
Германс…
Ферари немаат освоено титула од 2007 година, така што очекувањата во Маранело и меѓу нивните тифози се огромни, посебно откако Италија нема да ја гледаат на Мундијалот. Човекот одговорен за оваа мисија, Себастијан Фетел, го знае тоа многу добро.
Германскиот возач влезе во спортот фуриозно, станувајќи најмлад освојувач на поени, на победи, на титули, откако Ред бул го пронајде наследникот на Михаел Шумахер освојувајќи четири титули во низа. Ова беше доволно да се убедат шефовите на Ферари дека тој е вистинскиот човек за враќање на славните денови. Фетел во необично долго интервју со „Спорт билд“, вели дека го нае тоа.
„Мотивација. Јас си поставувам сам притисок за да се мотивирам. Најважно е да се држиме заедно како тим и да имаме план. Сите во Ферари го даваат својот максимум за успех и се екстремно мотивирани. Можете да ја почувствувате страста за брендот и сите ги жртвуваат личните интереси за успехот на тимот. Енцо Ферари еднаш кажа: ‘Не можете да ја опишете страста, туку треба да ја искусите’. Црвената можеби е само боја, но таа во Формула 1 е за Ферари, за брзина за успех. Работите од кои се тресат колената“, вели Фетел.
Прашан како на 30 години со четири титули зад него наоѓа мотивација пред стартот на сезоната, Германецот е јасен.
„Има глад кој те тера да продолжиш. Не се работи за годините, туку за тоа дали си доволно брз да бидеш напред. Титули со Ферари? Важно е да се остане смирен и трезвен. Ако секогаш размислуваш за целта, можеш да ги заборавиш важните чекори до неа. Јас секогаш сум бил човек кој размислува чекор по чекор“, додава Фетел.
Минатата сезона помеѓу другите работи ја одбележа инцидентот на Азербејџан ГП трката во Баку, кога Фетел ги загуби нервите додека беше зад Луис Хамилтон и безбедносното возило и возеше паралелно до него.
„Сите можат да судат кога ќе згрешиш. Некои граници не треба да се преминат, но тоа се случува во животот. Да не се случуваше животот немаше да биде вреден за живеење. Исто така, интересно е што луѓето сами си формираат своја проценка. Ако бидам критикуван, нека биде така, животот продолжува. Луис е четирикратен светски шампион и еден од најдобрите во историјата. Тој е противник на теренот, но не во животот“, објаснува Германецот.
На крајот, Фетел зборува за својата втора неочекувана страст – косењето трева.
„Косењето трева ми носи огромно задоволство. Имам мало тракторче за косење трева и кога ќе завршам работа, навистина сум задоволен“, завршува Фетел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.