Спорт
Фудбалерите и кошаркарите на Реал никогаш во иста година не биле европски шампиони
Најголемите навивачи на мадридски Реал се соочени со едно прашање. Дали 2018. е годината кога „кралскиот клуб“ ќе ги обедини европските титули во фудбал и кошарка.
Низ историјата три пати се случувало, во една иста година, и фудбалерите и кошаркарите д…


Најголемите навивачи на мадридски Реал се соочени со едно прашање. Дали 2018. е годината кога „кралскиот клуб“ ќе ги обедини европските титули во фудбал и кошарка.
Низ историјата три пати се случувало, во една иста година, и фудбалерите и кошаркарите да играат во завршните мечеви за шампионските титули, но никогаш не се случило и кошаркарите и фудбалерите во иста година да бида европски шампиони.
Во 1962 година и фудбалерите и кошаркарите биле поразени во финалните мечеви, две години подоцна во 1964, кошаркарите биле европски шампиони, но не и фудбалерите.
50 години подоцна, во 2014 година, фудбалерите ја осовија Лигата нашампионите, а кошаркарите се поразени во финалниот меч.
Значи никогаш овие две секции на Реал, во иста година, не владееле на стариот континет. Кога ќе се погледне проложеното, единствена комбинација што не е реализирана е онаа и едните и другите да бидат шампиони.
Кошаркарите на Реал, утре од 20 часот, во Белград, за европската круна ќе играат против Фенербахче, а фудбалерите на 26.мај, во Киев, против Ливерпул, ќе се обидат да ја одбраната титулата во Лигата на шампионите.
El #HalaMadrid va a jugar las FINALES DE COPA DE EUROPA DE FÚTBOL ⚽️ Y BASKET ? EN EL MISMO AÑO por CUARTA VEZ en su historia!!!
(ninguna otra entidad deportiva lo ha logrado jamás)
1962: perdió ⚽️ y perdió ?
1964: perdió ⚽️ y ganó ?
2014: ganó ⚽️ y perdió ?
2018:❓ pic.twitter.com/9UDnEZed20— MisterChip (Alexis) (@2010MisterChip) May 18, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мурињо: Денес секој може да биде тренер во Англија…

Познатиот португалски тренер Жозе Мурињо е во врвниот фудбал две и пол децении и сè уште ја чувствува истата страст, не размислува за пензионирање.
Сè уште е гладен за фудбал.
„Што ме храни како тренер? Сè уште е желбата за победа. Сакам да победувам на секој следен натпревар, навистина си ја сакам работата. Не можам да најдам никаква причина да не продолжам, да не се чувствувам доволно млад. Не гледам никаква разлика помеѓу Мурињо кој започна пред 20 години и денес. Нема никаква разлика“, рече познатиот тренер во големо интервју за португалскиот „А Бола“.
Сепак, забележа дека во меѓувреме се случиле големи промени во светот на фудбалот, особено кај тренерите.
Тој, исто така, коментираше за денешните менаџери во најсилната лига во светот, Премиер лигата.
„Дојдов во Премиер лигата како победник на Лигата на шампионите во 2004 година. Таа година, во Премиер лигата имаше само двајца странски тренери: Бенитез и јас. Тој дојде во Ливерпул откако го освои Купот на УЕФА со Валенсија. (Во Премиер лигата тогаш беше и Арсен Венгер и уште двајца странски тренери). Сега во Премиер лигата доаѓаат тренери чии имиња дури и не ги знам. Не сакам никого да навредам, тоа е реалноста. Има тренери кои се избираат врз основа на некои податоци, бројки, а не поради победи. Се чини дека денес идеите се поважни од победите“, се чуди Жозе Мурињо.
Португалецот е на клупата на турски Фенербахче од минатото лето. Претходно работеше во Бенфика, Леирија, Порто, Челзи, Интер, Реал Мадрид, Манчестер јунајтед, Тотенхем и Рома.
Освои близу 30 титули и купови како главен тренер и уште десетина како асистент додека му помагаше на Боби Робсон во Порто и Барселона.
Фото/ Принскрин
Спорт
Jамал е убедливо највредниот фудбалер на сите времиња

Младиот ас на Барселона, Ламине Џамал, вреди дури 279,7 милиони евра, што претставува рекордна проценка. Откако „Фудбал Бенчмарк“ почна да собира податоци во септември 2018 година, ниту еден фудбалер немал поголема пазарна вредност од Ламин Јамал.
Оваа компанија редовно објавува анализи за пазарната вредност на играчите од водечките европски национални првенства. Досега, само четири фудбалери достигнале бројка поголема од 200 милиони евра. Првата листа од септември 2018 година ја предводеа Нејмар (233,55 милиони) и Лионел Меси (209,96 милиони).
Килијан Мбапе им се придружи во јануари 2019 година со вредност од 215 милиони евра.
По последното продолжување на договорот со Барселона, пазарната вредност на 18-годишниот напаѓач на Барселона скокна за дури 121,75 милиони евра – од 157,95 на рекордни 279,70 милиони евра.
Помеѓу 2018 година и денес, ниту еден играч не се приближил до оваа бројка.
Топ 10 највредни фудбалери
Ламин Јамал (Барселона) – 279,70 милиони евра (+121,75)
Килијан Мбапе (Реал Мадрид) – 236,90 милиони евра (+7,62)
Ерлинг Холанд (Манчестер Сити) – 182,60 милиони евра (−5,72)
Џуд Белингем (Реал Мадрид) – 179,70 милиони евра (−4,23)
Винисиус (Реал Мадрид) – 171,50 милиони евра (−14,69)
Букајо Сака (Арсенал) – 155,70 милиони евра (-5,72)
Џамал Мусиала (Баерн) – 154,10 милиони евра (+7,36)
Флоријан Вирц (Ливерпул) – 144,10 милиони евра (−4,16)
Педри (Барселона) – 131,80 милиони евра (+14,14)
Федерико Валверде (Реал Мадрид) – 127,00 милиони евра (+3,20)
Спорт
Артета: Време е Арсенал да ја освои титулата

Арсенал игра одличен фудбал под водство на менаџерот Микел Артета во последните неколку сезони.
Тие се вицешампиони на Англија три сезони по ред, минатото лето стигнаа до полуфиналето на Лигата на шампионите, но навивачите се незадоволни и бараат само едно нешто, титулата шампион на Англија, која Арсенал ја чека од 2004 година.
Следната сезона во Премиер лигата ќе биде брутално предизвикувачка, има премногу силни тимови, но Арсенал е сигурно меѓу главните кандидати за трофејот.
„Топџиите“ се засилија, тимот им изгледа моќно, а Артета верува дека време е за титулата.
„Посилни сме од минатата сезона. Го подигнавме нивото на квалитет во тимот, сме поискусни и верувам дека имаме сила да триумфираме во Премиер лигата. Конкуренцијата ќе биде силна, има многу добри тимови и според мене барем шест или седум, можеби дури девет од нив можат да се надеваат на пехарот. На крајот, само еден клуб ќе биде среќен, а мислам дека тоа би можел да биде Арсенал“, рече Артета.
Ова лето, Арсенал веќе ги доведе Мартин Зубименди, Нони Мадуеке, Кристијан Норгард и Кепа Аризабалага и издвои 120 милиони евра за сите нив. Се чека уште Виктор Ѓокерес од Спортинг за 63+10 милиони евра.
Арсенал ќе го игра првиот натпревар во новата сезона во Премиер лигата на 17 август против Манчестер јунајтед.
Титулата во Премиер лигата ќе ја брани Ливерпул.
Foto/ EPA