Спорт
Заврши Ф1-тестирањето, Кими и Ферари најбрзи!
Возачот на Ферари, Кими Раиконен го заврши последниот ден на тестирањето во 2018 година на врвот, праќајќи јасна порака на ривалите од Мерцедес, додека Мекларен и Рено, конечно, имаа продуктивно попладне.
Утринското време на Раиконен од 1:17.221 не беш…
Возачот на Ферари, Кими Раиконен, го заврши последниот ден на тестирањето во 2018 година на врвот праќајќи им јасна порака на ривалите од Мерцедес, а Мекларен и Рено, конечно, имаа продуктивно попладне.
Утринското време на Раиконен од 1:17.221 не беше закането во текот на попладнето, со што од Ферари може да бидат задоволни со завршената работа во текот на двата теста во Барселона. Времињата од тестирањето честопати знаат да лажат и по стартот на сезоната да се случуваат сосема различни работи, меѓутоа јасно е дека Скудерија продолжува да биде најсериозниот конкурент на Мерцедес и покрај шпекулациите дека „Сребрената стрела“ не ја покажа вистинската сила на тестот.
? PRE-SEASON TESTING ?
Raikkonen’s 1:17.221 effort tops the final day of pre-season fun in Barcelona
The Mercedes duo log a combined total of 201 laps ?#F1 #F1Testing pic.twitter.com/DBftp0DmYp
— Formula 1 (@F1) March 9, 2018
Второ најдобро време имаше изненадувачки Фернандо Алонсо во Мекларен, со 1:17.784, за 0,563 секунди побавно од Раиконен. Мекларен повторно имаше проблеми во текот на утринската сесија губејќи пет часа поради менување на моторот на Рено (чие турбо откажа). Алонсо дури имаше подобро време од Финецот во последните 10 минути од тестот, но тоа време беше избришано бидејќи тој пресече една шикана.
Карлос Саинс Јуниор во фабричкиот болид на Рено го имаше третото најдобро време пред Даниел Рикјардо во Ред бул, а Роман Грожан беше најпродуктивниот за Хас Ф1 со 181 круг и петто најдобро време.
Валтери Ботас го одработе последното попладне за шампионите Мерцедес со само шесто најдобро време, но заедно со Хамилтон, кој возеше во утринската сесија, тимот помина неверојатни 201 круг.
Сега за сите Ф1-тимови почнува трката до Мелбурн на 25 март, период во кој ќе треба да се средат сите работи што беа забележани на двете недели тестирање и ќе се тргне во лов на победи.
Kimi Raikkonen tops the final day of pre-season #F1Testing
He got pretty damn close to Vettel’s record yesterday. Alonso picked up the pace in the afternoon after a troubled run in the morning.
✈️ Next stop #AustralianGP pic.twitter.com/Xl0jfE7lRK
— Autosport (@autosport) March 9, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Брансон ја испрати Филалделфија на летен одмор, Милвоки без Јанис немоќни против Индијана
Кошаркарите на Њујорк Никс и Индијана Пејсер се изборија за меѓусебна пресметка во полуфиналето на Источна конференција, во НБА лигата. Изминатата ноќ Никс и Пејсер ги забележаа победите број 4 против Филаделфија односно Милвоки.
Пред една деценија, Филаделфија го избра Џоел Ембид како прв пик на драфтот. Со него Сиксерси се уште немаат финале на Истокот.
Брилијантниот Џејлен Брансон го предводеше Њујорк до победата 118:115 во шестиот натпревар.
Брансон забележа 41 поен и 12 асистенции (трет последователен натпревар со најмалку 40 поени), Донте ДиВинченцо постигна 23 поени со седум асистенции, а О Џи Ануноби имаше 19 поени и девет скока.
Џош Харт додаде 16 поени, 14 скока и седум асистенции и ја постигна клучната тројка за победа на 24,4 секунди до крајот.
Во тимот од Филаделфија најефикасен беше Џоел Ембиид со 39 поени и 13 скока. Бади Хилд додаде 20 поени, Тајрис Макси имаше 17 поени, пет скока и пет асистенции, Кели Оубре имаше 17 поени и пет скока, а Николас Батум заврши со 16 поени и седум скока.
Индијана Пејсерс славеше против Милвоки 120:98 за вкупни 4:2 во серијата. Без Јанис Адетокумбо и со повредениот Демијан Лилард, Милвоки немаа шанса против Индијана. Шестиот меч го решија играчите од клупата. Резервите на Индијана постигнаа 40 поени.
Оби Торпин со 21, Ти-Џеј Меконел со 20 поени и девет асистенции, односно Паскал Сијакам со 19 ја предводеа Индијана.
На спротивната страна Лилард, кој го припушти претходниот меч постигна 28 поени, Боби Портис додаде 20 поени и 15 скока, а Брук Лопез 20 поени.
Спорт
Тонали повторно е казнет поради обложување
Фудбалерот на Њукасл, Сандро Тонали (23), повторно е казнет за нелегално обложување.
Фудбалската асоцијација на Англија (ФА), го казни со двомесечна суспензија условно и 20.000 фунти поради кршење на правилата поврзани со забраната за обложување во Англија.
Оваа казна значи дека Тонали ќе може да се врати на терените откако ќе му истече 10-месечната забрана што му ја изрече Италијанската фудбалска федерација (ФИГЦ) на 27 октомври минатата година, со услов да не направи нов прекршок.
Минатата есен, ФИГЦ го казни Тонали за обложување на натпревари во Италија, а поради тоа овој талентиран играч за врска нема да може да игра на Европското првенство во Германија, каде Италија ќе ја брани шампионската титула.
Тонали на почетокот на оваа сезона се пресели од Милан во Њукасл за 70 милиони фунти и веднаш покажа дека ќе биде големо засилување за „страчките“.
Сепак, набрзо следеше суспензијата на ФИГЦ, па младиот Италијанец забележа само осум настапи, на кои постигна еден гол во дресот на Њукасл.
Спорт
Уште еден голем пријател на Меси пред трансфер во Интер
Уште еден пријател на Лионел Меси наскоро би можел да пристигне во Интер Мајами. Како што пренесува ЕСПН, Анхел Ди Марија ги започнал преговорите со Дејвид Бекам.
„Ди Марија сериозно преговара со Мајами и можеби тој ќе стане челн на тимот веќе во јули. Таа опција му се допаѓа на Фидео (прекар Ди Марија)”.
На Анхел Ди Марија договорот со Бенфика му истекува на крајот од сезоната.
Ди Марија и Меси долги години се соиграчи во репрезентацијата на Аргентина, со која го освоија Светското првенство во 2022 година.
Интересно е тоа што Ди Марија отсекогаш имал голема желба да игра со Меси, а уште додека играше во Реал Мадрид заедно со Кристијано Роналдо велеше дека Меси е најдобриот фудбалер на светот.