Спорт
Хамилтон го освои Пол Рикар, Фетел се „самоуништи“ и на крајот беше петти
Луис Хамилтон се врати на првото место во генерален пласман во Формула 1 откако стигна до доминантна победа на првото Француско ГП по 10 години, триумфирајќи пред Макс Ферстапен во Ред бул, додека подиумот го комплетираше Кими Раиконен во Ферари.
Хамил…


Луис Хамилтон се врати на првото место во генерален пласман во Формула 1 откако стигна до доминантна победа на првото Француско ГП по 10 години, триумфирајќи пред Макс Ферстапен во Ред бул, додека подиумот го комплетираше Кими Раиконен во Ферари.
Хамилтон немаше голема мака да стигне до 65. победа во кариерата, откако акцијата беше зад него. Ова е трет триумф на Хамилтон оваа сезона и сега тој повторно е лидер во генерален пласман со 14 поени предност.
? CLASSIFICATION (RACE FINISH) ?
A controlled race from Hamilton and the 26th different circuit where he’s won!#FrenchGP ?? #F1 pic.twitter.com/EAr0dCXJ5f
— Formula 1 (@F1) June 24, 2018
„Се чувствувам благодарен за одличниот викенд. Момците беа фантастични, ги поместија сите граници и им благодарам за победата. Викендот беше совршен и за мене лично ова е најдоброто Француско ГП во кариерата“, изјави Хамилтон веднаш по трката. Нормално, ова е првото Француско ГП за него.
Даниел Рикардо беше четврти во вториот Ред бул, пред Себастијан Фетел, а во поени беа и Кевин Магнусен (Хас), Валтери Ботас (Мерцедес), Карлос Саинс Јуниор (Рено), Нико Хилкенберг (Рено) и Шарл Леклер (Алфа Ромео Заубер).+
Трката започна хаотично, откако возачите на Ферари имаа лош старт, а Себастијан Фетел откако беше претекнат од Валтери Ботас во Мерцедес, го удри одзади за двајцата да ги оштетат болидите и по излегувањето на безбедносното возило да завршат на крајот. Фетел беше казнет од стјуардите за инцидентот со казна од 5 секунди, која на крај не значеше многу – тој го задржа петтото место.
Where was Sebastian Vettel going? #FrenchGP pic.twitter.com/PtP0NGO44T
— Vincent Bruins (@VincentJBruins) June 24, 2018
По ова Фетел успеа да скокне и до четвртото место во финишот на трката, но во необичен момент, беше претекнат од неговиот клупски колега Раиконен, кој имаше повеќе сили за борба за подиумот.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ѓоковиќ во елемент, го елиминира Зверев на Ролан Гарос

Новак Ѓоковиќ 12.пат во кариерата ќе игра во полуфиналето на Ролан Гарос. Во последното четвртфинале на вториот гренд слем во сезоната, Ѓоковиќ, по три часа и 17 минути, го победи третиот носител Александар Зверев со 3:1 (4:6, 6:3, 6:2, 6:4).
Српскиот тенисер го загуби првиот сет, но потоа влезе во својата „зона“ и целосно тактички го надигра германскиот тенисер. Клучниот удар што му ја донесе победата на Ѓоковиќ беше дроп-шот што го одигра речиси беспрекорно.
Како што одминуваше натпреварот, Зверев ја губеше енергијата. Најголемиот пад во играта на Германецот се виде од средишницата на третиот и раната фаза од четвртиот сет. Ѓоковиќ нанижа шест гема, вклучувајќи го и првиот во четвртиот сет со кој си го трасираше патот до победата.
Ѓоковиќ одржуваше континуитет во својата игра, доста високо ниво на тенис и го користеше секој удар на вистински начин.
Сепак, ќе мора да има нешто повеќе во следната рунда. Ѓоковиќ ќе игра против играчот број еден во светот, Јаник Синер.
Спорт
(Видео) Консеисао херој, Роналдо ја однесе Португалија во финалето на Лигата на нации

Португалија е првиот финалист на четвртото издание на Лигата на нации. Во првото полуфинале, Португалија го елиминираше домаќинот Германија со 2:1. Роналдо го постигна голот за победа, но играч на мечот беше Франсиско Консеисао.
Португалија по 25 години и пет порази во низа успеа да ја победи Германија. На ЕП во 2000 година Португалците славеа над Германија со 3:0 со хет-трикот на Серџо Консеисао, а вечерва неговиот син Франциско го иницираше пресвртот за победа.
Германците поведоа на стадионот во Минхен со голот на младата ѕвезда Флоријан Вирц во 48-та минута.
Португалците ја загубија топката во својата половина, а по елегантниот центаршут на капитенот Кимих, Вирц со глава ја испрати топката во мрежата.
Сепак, 15 минути подоцна, Португалија израмни со прекрасен гол на резервистот Франсиско Консеис.
Фудбалерот на Јувентус, само пет минути по влегувањето во игра, изведе одлична соло акција и со удар од околу 20 метри го совлада тер Штеген.
Пет минути подоцна Португалците го комплетираа пресвртот. Додавањето на Бруно кон Нуно Мендеш ја „пресече“ германската одбрана, левиот бек по земја го проигра Роналдо кој ја испрати топката во празната мрежа.
Роналдо, постигна гол за својата репрезентација по 137-ми пат.
Германија не успеа да се пласира во финалето на Лигата на нации ниту во четвртиот обид, додека Португалија ќе има можност да стане првата екипа со два трофеи во ова натпреварување.
Нивниот противник во финалето ќе биде победникот од дуелот меѓу Шпанија и Франција, кој ќе се игра во петок.
Спорт
Дончиќ од првиот ред го гледаше испаѓањето на Цибона од АБА лигата

Кошаркарскиот клуб Цибона прв пат во историјата испадна од елитаната дивизија на АБА лигата. Место во АБА лигата обезбеди Илирија.
По победата во првиот натпревар во Хрватска, словенечкиот тим оствари триумф во реваншот во Словенија со резултат 83:66, со што за прв пат обезбеди промоција во АБА лигата.
Во исто време, Цибона беше елиминирана од регионалното првенство за прв пат во историјата. Тимот од Загреб е еден од 12-те клуба што играа во првата сезона кога стигнаа до полуфиналето. Најголемиот успех го постигнаа во сезоната 2013/14 кога станаа шампиони со победата во финалето против Цедевита во Белград.
Винсен Голсон го предводеше домашниот тим со 22 поени и пет асистенции, Куреш додаде 20, а Микуш 14 поени и девет скока.
Кај Цибона, Иван Мајчуниќ се истакна со 22 поени и три скока и асистенции, но тоа не беше доволно. Ниту еден од неговите соиграчи немаше двоцифрен број на поени.
Натпреварот од трибините го гледаше Лука Дончиќ, кој пред повеќе од еден месец ја заврши сезоната во НБА лигата, откако ЛА Лејкерис испаднаа од Минесота во првото плеј оф коло во Западната конференција.
Таткото на Лука, Саша е генерален менаџер и советник на Илирија.