Спорт
Хамилтон: Ред бул можат да бидат најбрзи во Мелбурн
Светскиот шампион на Мерцедес, Луис Хамилтон стравува дека со едно подобрување пред Австралиското ГП, тимот на Ред бул можат да го имаат најбрзиот болид за првата трка од сезоната.
Додека Ферари доминираше според времињата на двата теста во Барселона, …


Светскиот шампион на Мерцедес, Луис Хамилтон стравува дека со едно подобрување пред Австралиското ГП, тимот на Ред бул можат да го имаат најбрзиот болид за првата трка од сезоната.
Додека Ферари доминираше според времињата на двата теста во Барселона, Ред бул и Мерцедес не „бркаа“ времиња, но од двата тима имаат големи најави за новата сезона. Техничкиот директор на Мерцедес, Џејмс Елисон најави дека Ред бул најверојатно е најголемата закана за доминацијата на „Сребрената стрела“, а сега Хамилтон вели дека очекува вистински предизвик.
„Мислам дека оваа година ќе биде возбудлива, бидејќи лани имаше голема разлика меѓу тимовите на почетокот на сезоната, а потоа таа се намали. Но, оваа година сите стартуваме блиску и бидејќи не ги носиме подобрувањата во исто време, мислам дека Ред бул ќе бидат многу интересни за следење во Мелбурн. Потенцијално, тие го имаат најбрзиот болид во моментов. Тие имаат поинаква филозофија од нас – градат болид со многу надолна сила, секогаш повеќе од другите. Тоа не е рецепт за успех, но им дава предност некаде“, вели Хамилтон.
Неговиот колега, Валтери Ботас вели дека не е сигурен дали Ред бул или Ферари се поголема закана за Мерцедес.
„И едните и другите изгледаат силно. Многу работи зависат од раниот развој на болидите, но не би сакал да ги потценам. Мислам дека ќе имаме борба на три тима, барем на почетокот“, објаснува Ботас.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Партизан ја освои АБА лигата

Кошаркарите на Партизан ја победија Будуќност од Подгорица во четвртиот натпревар од финалето на АБА лигата и ја освоија шампионската титула.
Партизан против Будуќност победи со 90:75 и ја освои рекордната осма шампионска и повторно стана најтрофејниот тим во историјата на АБА лигата. На тронот црно-белите го наследија градскиот ровал Црвена звезда.
Партизан од средишницата на втората четвртина ја презеде контролата и врз играта и врз резултатот. Будуќност во ниту еден момент не успеа да му се закани на новиот шампион.
Брендон Дејвис беше најефикасен со 18 поени и 4 скока, додека Стерлинг Браун имаше 18 поени, 2 скока и 3 асистенции, а Карлик Џонс 17 поени, 4 скока и 9 асистенции. Двоцифрени со по 13 поени беа и Исак Бонга и Ифе Лундберг.
На другата страна, 23 поени постигнаа Јоги Ферел, 14 Никола Танасковиќ, а по 11 Кенан Камењаш и Рашид Сулејмон.
Спорт
Нов Хрват во Реал Мадрид? Чаби Алонсо навистина „загриза“

Реал Мадрид без хрватскиот играч стана речиси незамислив. Лука Модриќ си заминува, а Анте Будимир би можел да дојде на „Сантијаго Бернабеу“.
Според шпанските медиуми, Чаби Алонсо е сериозно заинтересиран да го доведе напаѓачот на Осасуна.
Секако, „кралскиот клуб“ сака да оди што е можно поевтино, па се разгледува опцијата за активирање на откупната клаузула од 20 милиони евра, но Реал би сакал и таа да се намали.
Планот е во договорот да се вклучи млад фудбалер од академијата на Мадрид, како што се Јакоб Рамон или Лорен Агуада.
Будимир би бил воодушевен да игра за Реал Мадрид, клуб кој го смета за најдобар во светот, а Чаби Алонсо исто така „загриза“ да го доведе.
За многумина е чудно што Реал сака 34-годишен играч, но Хрватот наводно би прифатил да биде резерва и да игра од клупата, како што направи Хоселу минатата сезона кога ја освоија Лигата на шампионите.
Оваа сезона, Будимир постигна 21 гол во Ла Лига и додаде три асистенции. Во Купот на Кралот има уште три гола.
Спорт
Никој не е заинтересиран за Светското клупско првенство, дури ни Меси не сакаат го гледаат

Низок интерес за натпреварите од Светското клупско првенство во САД.
Според светските медиуми, ФИФА е сериозно загрижена за нискиот интерес на навивачите за Светското клупско првенство. Затоа одлучи повторно да ги намали цените на билетите.
Пред два дена беше објавено дека за првиот натпревар од отворањето на натпреварувањето се продадени помалку од 25.000 билети.
Првиот натпревар ќе се игра на стадионот „Хард Рок“ во Мајами, со капацитет од 64.767 седишта. Ривали се домашниот тим Интер Мајами и египетскиот Ал Ахли од Каиро.
За потсетување, Интер е дом на големи светски ѕвезди како што се Аргентинецот Лео Меси, Уругваецот Луис Суарез, Шпанците Серхио Бускетс и Жорди Алба…
🚨 FIFA are seriously concerned about poor fan interest in the Club World Cup and have slashed ticket prices again. 🎟️
Fewer than 25,000 tickets have been sold for the opening match. 😳
(Source: @TheAthleticFC) pic.twitter.com/8HlxKycCN9
— Transfer News Live (@DeadlineDayLive) June 10, 2025
Светското клупско првенство на ФИФА ќе се одржи од 14 јуни до 13 јули. Ќе учествуваат 32 екипи од шест континенти (конфедерации). Натпреварите ќе се играат во 11 градови на 12 стадиони.
Натпреварите од Светското клупско првенство на ФИФА во 2025 година ќе се одржат во државите Њу Џерси, Шарлот, Синсинати, Лос Анџелес, Мајами, Нешвил, Орландо (два стадиони), Филаделфија, Сиетл, Вашингтон и Атланта.