Спорт
Хет-трик на Азар, Сити без проблеми против Фулам (Видео)
Челси го забележа максималниот ефект по првите пет кола во Премиер лигата и го задржа чекорот со Ливерпул. Во оваа рунда победи забележаа и Манчестер сити, Арсенал, Борнмут и Кристал Палас.
Челси со хет-трикот на Еден Азар го совладаа Кардиф, иако гост…


Челси го забележа максималниот ефект по првите пет кола во Премиер лигата и го задржа чекорот со Ливерпул. Во оваа рунда победи забележаа и Манчестер сити, Арсенал, Борнмут и Кристал Палас.
Челси со хет-трикот на Еден Азар го совладаа Кардиф, иако гостите во 16.минута преку Бамба го постигнаа првиот гол. Азар направи пресврт до крајот на полувремето со головите во 37. и 44.минута, а хет-трикот го комплетираше во 80.минута. Три минути подоцна Вилијан го постави конечниот резултат.
Актуелните шампиони, Манчестер сити, без проблеми се справија со Фулам. Сане и Давид Силва постигнаа по еден гол во првите 20 минути, а точка на натпреварот стави Стерлинг во 47.минута.
Арсенал успеа да победи на тешкото гостување во Њукасл. „Тобџиите“ мечот го решија во вториот дел кога со головите на Џака во 49. и Езил во 58.минута поведоа со 2:0. До карајот Њукасл само го ублажи поразот преку Кларк во 91.минута.
Кристал Палас г освои бодовите во Хадерсфилд. Еден гол им беше доволен на гостите од Лондон за да стигнат до победата. Голот го постигна Заха во 38.минута.
Борнмут го декласира Лестер, иако гостите во последните две минути постигнаа два гола преку Медисон и Олбрајтон. Претходно за Борнмут два гола постига Фрејзер, а по еден Кинг и Смит.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Наполи и Шахрјор почнале преговори за Судаков

Сергеј Палкин, генералниот директор на Шахтјор Доњецк, ја најави продажбата на младиот фудбалер Георгиј Судаков.
Овој млад фудбалер би можел да се пресели во Наполи, а Палкин истакна дека двете страни ги започнале преговорите.
„Да, во преговори сме. Не можам да зборувам за бројки, но верувам дека ќе ја завршиме работата. Ако не ја завршиме работата со клубот со кој преговараме, можеме да го направиме тоа со некој друг клуб. Не сум загрижен за Судаков, тој е еден од најдобрите во светот на својата позиција”, изјави Палкин.
Судаков е играч од средниот ред, за украинската репрезентација веќе одигра 28 натпревари и дефинитивно летово го очекува голем трансфер.
Цената, според информациите со кои располагаат италијанските медиуми, е околу 60 милиони евра.
Доколку Наполи не е подготвен да ја плати споменатата цифра, челниците на Шахтјор ќе преминат на преговори со Јувентус или Брентфорд.
Спорт
За Енкунку повеќе нема место на „Стенфорд Бриџ“

Тренерот на Челзи, Енцо Мареска потврди дека негова била одлуката напаѓачот Кристофер Нкунку да не биде во протоколот за последниот натпревар против Фулам.
Челзи славеше во 33. коло од Премиер лигата против соседите по голем пресврт во финишот од мечот. Мареска на новинарите им потврди дека Французинот не е повреден.
„Тоа беше само моја техничка одлука“, изјави Италијанецот.
Енкунку дојде во Лондон од Лајпциг за 52 милиони фунти, а крајниот производ вреди многу помалку од тоа.
Многу фактори придонесоа за падот на формата на Енкунку. Тој поради проблеми со повреди ја пропушти речиси цела прва сезона во Англија, а пред актуелната дојде до смена на тренерот на двократниот европски шампион.
Енцо Мареска го презеде тимот од Маурисио Покетино. Марсека смета дека Енкунку не е најсоодветната опција на ниту една од позициите што ги покриваат офанзивните играчи во неговиот систем.
Мареска по правило се држи до формацијата 4-2-3-1. Кристофер може да игра на сите позиции во нападот.
Тренерот на Челзи јавно призна дека за него Николас Џексон е „идеална деветка“.
Офанзивниот играч за врска Кол Палмер е најважниот фудбалер на тимот, а предност на крилните позиции имаат Педро Нето и Нони Мадуеке, а често и Џејдон Санчо, додека импресионира во финишот на сезоната и младиот Тајрик Џорџ.
Спорт
(Видео) Папата навиваше за нив, решија стадионот да го именуваат по него

Папата Франциск почина во 7 часот и 35 минути во понеделникот на на 89-годишна возраст во резиденцијата на Ватикан, Каса Санта Марта.
Од средбата со легендарниот сонародник Диего Марадона до неговата страст за неговиот сакан клуб од Буенос Аирес, Сан Лоренцо, папата Франциск беше голем фан на фудбалот и промотор на спортот.
Страста на Франциско за фудбалот стана позната речиси веднаш откако беше избран за папа во 2013 година, кога Сан Лоренцо објави на „Твитер“ фотографија од Франциск како го држи грбот на клубот. Тој беше член на клубот, со сериски број 88.235.
Овој клуб од Буенос Аирес, родниот град на Франциск, го носи прекарот „Светците“.
Сан Лоренцо е еден од најстарите клубови во аргентинската фудбалска асоцијација, а по изборот на Франциск за папа во март 2013 година ја освоија титулата, а една година подоцна и Копа Либертадорес.
По овие успеси, претставници и играчи на клубот го посетија папата во Ватикан, му ги покажаа трофеите и му се заблагодарија за поддршката.
Раководството на клубот планира новиот стадион да го именува по папата Франциск.
Франциско се сретна со Марадона двапати како папа. Марадона имаше прием кај папата во врска со хуманитарен натпревар во март 2014 година, кога легендарниот фудбалер на папата му подари фудбалски дрес со името „Франсиск“ и бројот 10 на Марадона.
„Мислам дека сите сега сфаќаме дека тој е ѕвезда. Јас сум најголемиот фан на паппата Франсиск“, изјави Марадона по нивната втора средба во 2015 година.
Кога Марадона почина во 2020 година, Франсиск му ги посвети своите молитви.
Претседателот на ФИФА Џани Инфантино изрази сочувство до Римокатоличката црква и потсети на зборовите на папата Франциско дека фудбалот е најубавиот спорт на светот.
Nunca fue uno más y siempre fue uno de los nuestros. Cuervo de niño y de hombre… Cuervo como sacerdote y Cardenal… Cuervo también como Papa…
Siempre transmitió su pasión por el Ciclón: cuando iba al Viejo Gasómetro para ver al equipo del 46, cuando confirmaba a Angelito… pic.twitter.com/nVc8fWC9wi
— San Lorenzo (@SanLorenzo) April 21, 2025