Спорт
Црвена звезда за ЛШ ќе продава само блок влезници
Фудбалскиот клуб Црвена звезда ги објави цените на влезниците за трите натпревари што ќе ги одигра на домашен терен против Наполи, Ливерпул и ПСЖ.
Клубот објави дека билети за секој натпревар посебно нема да се продаваат, туку во продажба ќе бидат само…
Фудбалскиот клуб Црвена звезда ги објави цените на влезниците за трите натпревари што ќе ги одигра на домашен терен против Наполи, Ливерпул и ПСЖ.
Клубот објави дека билети за секој натпревар посебно нема да се продаваат, туку во продажба ќе бидат само блок влезниците.
Најефтините билети ќе се оние на северната и јужната трибина на стадионот „Рајко Митиќ“ и тие ќе се продаваат по цена од 7.500 динари (63,5 евра).
Подобрите места на источната трибина се продаваат по цена од 15.000 динари (127 евра), додека за деловите од источната трибина што одат кон северната и јужната трибина, клубот одреди цена од 12.000 динари (101 евро).
Најскапите влезници се за централниот дел од западната трибина и тие чинат 18.000 динари (153 евра), додека влезниците за деловите од оваа трибина што се блиску до северната и јужната трибина ќе чинат 15.000 динари (153 евра).
Подобрите места на северната и јужната трибина ќе чинат 12.000 динари (101 евро).
Клубот, исто така, објави дека сите навивачи на Црвена звезда што имаат сезонски билети за натпреварите во домашното првенство, блок-билетите за трите натпревари во Лигата на шампионите ќе можат да ги купат за 50-отсто поефтина цена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Македонија силна против Катар
Ракометната репрезентација на Македонија ја забележа втората победа, прва во главната фаза, на 29.Светско првенство. Попладнево во Вараждин, Македонија го победи Катар со 39:34 (21:17).
Македонија против Катар го одигра најдобриот меч во досегашниот тек на Мундијалот. Од втората минута кога со серија од три гола го презедоа водство, со искучок на еден дел од првото полувреме кога Катар изедначи на 7:7 ја имаа предноста на своја страна.
Во вториот дел Катар неколку пати успеа да се доближи на негатива од два гола, но не и да ја загрози предноста на Македонија. Практично мечот беше решен на девет минути до крајот кога Македонија водеше со 36:30.
Пешевски и Кузмановски постигнаа по шест гола, Митев и Костески по пет, Лазаревски четири. Голманите заедни имаа 13 одбрани (Кизиќ девет, Митревски четири). Франкис Карол со 12 гола од 19 обиди го предводеше Катар.
Македнија со четири бода сега е трета на табелата во Групата 3.
Спорт
Сабаленка лесно ја победи Бадоса, Киз спаси меч топка и ја победи Швјонтек
Араина Сабаленка и Медисон Киз ќе се борат за трофејот на Австралија опен. Бранителката на титулата, Сабаленка во полуфиналето лесно се справи со Паола Бадоса, додека Киз по голема борба ја совлада Ига Швјонтек.
Најдобрата светска тенисерка во првото полуфинале ја совлада Паола Бадоса во два сета, за 90 минути резултатот беше 6:4, 6:2.
Шпанката имаше подобар старт во своето прво Грен слем полуфинале и откако спаси брејк во првиот гем, направи брејк во вториот гем. И тука некаде завршија нејзините надежи дека може да ја победи првата носителка.
Следуваше рибрејк, а потоа експресен брејк на следниот сервис на Бадоса, кога Сабаленка целосно го сврте мечот во своја полза. Вториот сет беше само формалностл. Сабаленка лесно стигна до двојна брејк предност, а потоа ја заврши работата на свој сервис, користејќи ја првата од трите меч топки.
Ова беше нејзина 33. победа во последните 34 натпревари на тврда подлога и ќе игра петто последователно финале на Грен слем кој се игра на бетон. Трет по ред во Австралија.
Американката Медисон Киз, десетина минути по полноќ, по локално време го оствари најголемиот успех во кариерата. Спаси меч топка, а потоа супер тај-брејкот го доби со 10:8
Киз, 19.носителка во Мелбурн, по два ќаса и 28 минути, ја победи втората фаворита со 5:7, 6:1, 7:6.
Фестивал на брејкови беше виден во првиот сет, вкупно седум. Последниот го направи Швјонтек во 12 гем и го освои сетот.
Во вториот, Киз ја декласира противничката и препушти само еден гем, по што изедначи на 1.1.
Драмата кулминираше во третиот сет. Киз пропушти брејкт топка во вториот гем, а потоа две во седмиот гем. Швјонтек не реализираше четири брејк топки во деветтиот гем.
Сепак тенисерката од Полска успеа во 11. гем да и го одземе сервисот на противничката. Во 12. дојде до меч топка, кој Киз ја спаси, поточно Швјонтек и ја подари со дупла сервис грешка. Откако Киз изедначи на 6:6 се влезе во супер тај-брејк.
Таму, Швјонтек константно имаше предност до 7:6, од тој момент Киз освои четири од последните пет поени и се пласира во финалето.
Спорт
Реал е првиот клуб што заработил повеќе од милијарда евра во една сезона
Шпанскиот шампион и освојувач на Лигата на шампионите, Реал Мадрид стана првиот европски клуб кој заработил повеќе од милијарда евра во сезоната 2023/24. Податокот го објави „ Football Money League“, повикувајќи се на 28. годишен извештај на ревизорската консултантска куќа Делоит.
Со промет од 1,045 милијарди евра (претходната сезона заработи 831 милион евра), Реал имаше најголема заработка меѓу 20. најдобри европски клубови.
Според ревизорската и консултантска фирма Делоит, 20. најголеми клубови оствариле вкупни приходи од 9,2 милијарди евра во сезоната 2021/22. Делоит наведува и дека вкупниот приход на 20. најголеми клубови во сезоната 2023/24 е во однос на претходната сезона (10,5 милијарди евра) е зголемен за шест отсто, на 11,2 милијарди евра.
Зад Реал Мадрид се Манчестер Сити (838 милиони евра), ПСЖ (806), Манчестер Јунајтед (771) и Баерн Минхен (765).