Спорт
Шаќири ги „реши“ Јунајтед и ја донесе првата победа на Клоп над Јунајтед (видео)
Ливерпул на најдобар можен начин се враќа на првото место во англиската Премиер лига, со доминантна 3:1 победа над најголемиот ривал Манчестер јунајтед, носејќи ја првата победа на менаџерот Јирген Клоп над овој клуб.
Клоп ќе мора да му „крене споменик…


Ливерпул на најдобар можен начин се враќа на првото место во англиската Премиер лига, со доминантна 3:1 победа над најголемиот ривал Манчестер јунајтед, носејќи ја првата победа на менаџерот Јирген Клоп над овој клуб.
Клоп ќе мора да му „крене споменик“ на супер-замената, Џердан Шаќири кој влезе во игра и постигна два гола (додуше со помош на одбраната на Јунајтед), за уште еднаш да ја покаже својата улога на „џокер“ на “црвените“.
Ливерпул почнаа офанзивно, додека во составот на Манчестер јунајтед недостасуваше Пол Погба зголемувајќи ги шпекулациите дека Французинот може да биде на трансфер листата веќе во јануари.
Иницијативата се исплатеше кога во 22. минута, Садио Мане доби одлична топка од Фабињо и уште поубаво ја искористи слабата реакција на Ешли Јанг за да го совлада Давид де Хеа за лудило на „Енфилд“. Јунајтед имаше само два удари на голот во првото полувреме, но еден од нив заврши во голот, откако голманот Алисон Бекер имаше нестабилна интервенција во 33. минута и му дозволи на критикуваниот Џеси Лингард да израмни на 1:1.
Иницијативата на Ливерпул продолжи и во второто полувреме, но тие не направија ништо сѐ до 70. минута, кога во игра влезе Џердан Шаќири. Швајцарскиот репрезентативец само три минути подоцна го совлада Де Хеа со помош на Ешли Јанг, кој ја пренасочи топката. Во 80. минута, тој стави печат на мечот со уште еден шут, кој овојпат го закачи Ерик Баји за конечни 3:1.
Ливерпул сега се повторно први со 45 поени, еден повеќе од актуелниот шампион Манчестер сити, додека „ѓаволите“се на шестото место со само 26 поени и со многу прашања за иднината на овој состав, но и на Жозе Мурињо.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Недеви на карате семинар во Виндзор, Англија

Македонските каратисти предводени од Венцислав, Дејан и Аљоша Недеви викендов учествуваат на врвен карате семинар во Винздор, Англија.
Семинарот го водат Такаши Оиши 9 дан, шеф инструктор на Јапонија и повеќекратен светски шампион во традиционално карате во ИАКФ/ИТКФ. Масао Кавазое 8 дан, шеф инструктор на Англија и Такаши Наито 8 дан, шеф инструктор на Италија.
Сите тројца се врвни карате мајстори членови на ИТКФ и ЈКА едни од првите и најмасовните карате организации во светот. Дејан Недев и овој пат беше еден од главните асистенти на карате семинариот во Винзор. На семинарот учествуваат над 500 каратисти од цел свет, а Македонија ја преставуваат: Камелија, Филип и Тадеј Недеви.
Спорт
(Видео) Најлошиот натпревар во кариерата на Никола Јокиќ – ова никогаш не му се случило на трикратниот МВП на НБА

Денвер Нагетс на Никола Јокиќ ги победија Оклахома Сити Тандер со 113:104 и поведоа со 2-1 во полуфиналето на Западната конференција, но центарот на тимот од Колорадо нема да го памети добро овој натпревар.
Јокиќ го заврши натпреварот без ниту една тројка, иако упати десет удари кон противничкиот кош.
Не е прв пат центарот на тимот од Колорадо да го заврши натпреварот без ниту една тројка, но му се случи за прв пат да не помине топка низ обрачот по десет обиди.
Досега, Јокиќ имаше најмногу промашени шутеви, осум, на 10 март 2022 година, против Голден Стејт Вориорс.
Спорт
Драма во Шпанија: Тренерот на Жирона итно префрлен во болница

Фудбалскиот тренер на Жирона, Мичел Санчез, напиша на социјалната мрежа X дека е хоспитализиран, но не ги наведе причините поради кои е примен во болница.
„Морав да бидам хоспитализиран и ќе бидам под лекарски надзор неколку дена“, напиша Санчез, додавајќи дека се чувствува добро и со нетрпение очекува да се врати на клупата.
Поради здравствената состојба, Санчез нема да го предводи тимот на натпреварот против Виљареал во сабота. Жирона моментално е на 15-то место на табелата, шест бода над зоната за испаѓање, а до крајот на првенството остануваат уште четири кола.
Ниту клубот, ниту тренерот не објавија повеќе детали за неговата здравствена состојба.
„Се чувствувам добро, под надзор сум на лекар и ги бројам деновите до враќањето на работа за да можеме да ја продолжиме борбата до крајот на сезоната. Ќе бидам отсутен од теренот, но во постојан контакт со стручниот штаб“, рече Санчес.
Минатата сезона, Санчез го предводеше каталонскиот клуб до историско трето место во шпанското првенство. Сепак, тимот се соочи со проблеми оваа сезона откако клучни играчи го напуштија клубот за време на летниот преоден рок, па Жирона е само 15-та на табелата со 38 бода, и сè уште не ја надминала борбата за опстанок.