Спорт
Шкендија на македонскиот фудбалски трон, ги обедини двете титули
Шкендија на својата втора шампионска титула во Првата лига ја додаде и втората титула од Купот на Македонија, откако на „Младост“ во Струмица во доминантен меч со 3:0 го совладаа тимот на Пелистер, кој од следната година е второлигаш.
Шкендија поведе п…
Шкендија на својата втора шампионска титула во Првата лига ја додаде и втората титула од Купот на Македонија, откако на „Младост“ во Струмица во доминантен меч со 3:0 го совладаа тимот на Пелистер, кој од следната година е второлигаш.
Шкендија поведе преку Муслиу во 20. минута од мечот, за во 52. минута Бесарт Ибраими да зголеми на 2:0, а клуч на натпреварот стави уште еднаш Висар Муслиу во 72. минута од мечот, кој беше одбележан со дожд и лошо време во Струмица.
Со оваа титула, Шкендија ја завери убедливата сезона во македонскиот фудбал, во која успеа да го победи Вардар во шампионатот и рекордно бргу да ја обезбеди титулата во Првата лига. Сега, тетовци ги чекаат подготовките за квалификациите во Лигата на шампиони.
Од друга страна, Пелистер, кој беше актуелен освојувач на Купот и одеше во трета титула во ова натпреварување, сега ќе мора да се соочи со животот како второлигаш. Доколку го добиеја финалето, битолчани ќе можеа да се надеваат на европски фудбал во Лигата на Европа, но сега последното место во ова натпреварување е за Ренова, заедно со Работнички и Вардар.
Фото: ФК Шкендија
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Судењето на Манчестер Сити ќе започне во „блиска иднина“
Првиот човек на Премиер лигата, Ричард Мастерс, изјави дека „во блиска иднина ќе се одржи рочиште за случајот со Манчестер Сити по сите 115 точки“.
Бен Рамсби, истражувачки новинар на англиски Телеграф, ја објави веста на својот профил на мрежата „Х“.
Со коментар дека „ова е најблиску до кое Мастерс дошол да спомне конкретен датум“.
Некои информации кои се појавија во јавноста на крајот на минатата година укажуваа дека судењето би можело да започне есента 2024 година.
Сити е обвинет по 115 точки од обвинението за повеќекратни финансиски прекршоци. Истрагата започна уште во 2018 година и продолжи до почетокот на 2023 година, а беа проверени и одлуките и работењето на клубот од сезоната 2009/10.
Што значи тоа „во блиска иднина“ останува да видиме. Судењето веќе е одложено поради откривање на нови докази и сведоци подготвени да сведочат.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.
Спорт
Енис Барди: Шпанците ме споредуваа со Меси
Капитенот на фудбалсата репрезентација на Македонија, Енис Барди, во интервју за „haber61.net“, зборуваше за периодот кога беше во Леванте. Потенцираше дека во еден период бил подбар изведувач на слободните удари од Лионел Меси.
„Навистина, бев подобар од Меси. Постигнав седум гола од 25 слободни удари, а Меси имаше осум од 52, имав многу подбар процент на реализација. Според процентот бев подобар. Да бидеме сериозни, прекрасно беше чувството што луѓето ме споредуваа со еден од најдобрите фудбалери на сите времиња. Се гордеев со тоа“, рече Барди.