Винисиус Жуниор во блиска иднина би можел да го напушти Реал Мадрид.

Според шпанскиот портал „Фихајес“, Пари Сен Жермен се подготвени уште еднаш да го урнат трансфер рекордот.

Порталот пренесува дека челниците на „светците“ се подготвени да понудат неверојатни 250 милиони евра за Бразилецот.

Со тоа би го собориле сопствениот рекорд од 2017 година кога за Нејмар на Барселона и платија 222 милиони евра.

Бразилецот во последните сезони е еден од најдобрите играчи на Реал, со кого има договор до 2027 година.

Реал му подготви нов договор, очигледна желба на сите во клубот е продолжување на соработката со него, но фудбалерот се уште не решил дали да ја прифати понудата.

Медиумите во Бразил, но и оние во Англија со денови шират информации дека актуелниот тренер на Манчестер сити, Пеп Гвардиола би можел да ја преземе бразилската фудбалска репрезентација.

По поразот од Спортинг во Лигата на шампионите, Шпанецот на шега изјави дека сигурно повеќе не им е интересен на потенцијалните работодавци во Јужна Америка. На оваа тема се огласи и претседателот на Фудбалската федерација на Бразил, Едналдо Родригез.

Според него, Гвардиола е тренер кој секој би го посакал на клупата на неговиот тим или репрезентација, но тој категорично негира дека имало какви било контакти.

„Пеп е меѓу најдобрите, ако не и најдобриот тренер на светот. Немавме контакт со него и не размислуваме да го ангажираме“, рече Родригез и додаде:

„Моментално имаме селектор, а тоа е Доривал Жуниор, кој има важечки договор до 2025 година и имаме целосна доверба во него, сега останува на него и на неговите соработници да се докажат и да останат на тие позиции во иднина.”

Селекцијата на петкратниот светски првак во моментов игра во многу променлива форма, забележа само четири победи на последните девет одиграни натпревари, а моментално ја зазема четвртата позиција во квалификациите за пласман на Светското првенство во 2026 година.

Роберто Де Зерби (45) во последните две сезони е хит тренер во европскиот фудбал. Италијанецот одлично се снајде во Брајтон, на крајот од сезоната кога објави дека ќе замине од „Амекс“ стадионот, доби неколку понуди, реши да ја прифати онаа од Марсеј.

Марсеј има шест победи, две нерешени и три порази, моментално е на третото место во францускиот шампионат.

Де Зерби се обиде на посебен начин да ги мотивира своите играчи. „Л’Екип“ пишува дека по домашниот пораз од Оксер (3:1) минатиот петок, Де Зерби на проекторот ја покажал понудата за договор што ја добил од Манчестер јунајтед во пресрет на оваа сезона.

Сумата која му била понудена, била заматена во договорот, па не се знае колкава плата му понудиле од „Олд Трафорд“.

Де Зерби им порачал на играчите: „Можев да бидам тука, но ја ставив страста пред парите. Дојдов во Марсеј поради страст“.

Во текот на својата кариера, Де Зерби ги водеше Дарфо Боарио, Фоџа, Палермо, Беневенто, Сасуоло, Шахтјор Доњецк и Брајтон.