Спорт
Шпанија со минимална победа, Иран со поништен гол! (видео)
Шпанија неочекувано се мачеше против солидната иранска репрезентација и стигна до 1:0 победа со која се блиску до пласман во осминафиналето на Мундијалот, иако тимот на Карлос Кеирош ќе жали за поништениот гол со кој тие ќе беа блиску до пласман поната…
Шпанија неочекувано се мачеше против солидната иранска репрезентација и стигна до 1:0 победа со која се блиску до пласман во осминафиналето на Мундијалот, иако тимот на Карлос Кеирош ќе жали за поништениот гол со кој тие ќе беа блиску до пласман понатаму.
Со овој резултат, Шпанија и Португалија имаат по четири поени во групата Б, Иран има три поени, додека Мароко веќе се елиминирани со два порази. Во последното коло, Шпанците играат со Мароко, додека Португалија ќе мора да биде внимателна против Иран, во дуел на Кеирош со своите сонародници.
Иран го започна добро мечот, но потоа преживеа вистинска опсада на голот во првото полувреме. Силва во 25. минута имаше одличен обид од слободен удар, но топката од живиот ѕид оди во рацете на голманот Беираванд.
Во 30-тата минута, Диего Коста ја внесува топката во шестнаесетникот, но ударот на Силва е високо на голот, за во последните десетина минути Шпанците на „притиснат“ и повторно Силва беше во добра позиција.
Во 49. минута, Иско имаше фантастичен продор по левата страна, за по мешаницата топката пак да дојде до него и напаѓачот на Реал со силен удар го наоѓа само иранскиот голман. Притисокот го направи своето во 54. минута, кога во една на прв поглед наивна ситуација, Давид Силва го наоѓа Коста, кој се обидува од свртување – топката удира во нозете на Реазеиан, па повторно во коленото на Коста и во голот.
Само десет минути подоцна, Иран постигнува гол преку Езатолахи по слободен удар, но уругвајскиот судија Куња се консултира со ВАР и исправно го поништува голот поради офсајд позиција.
Иранците, кои играа далеку подобро од првиот меч кога ги победија Мароканците, не се откажуваа од позитивен резултат. Во 75. минута, Алиреза уфрла одлична топка на втората статива, каде што Амири за малку е преспор. Замената Џаханбакш даде одлична топка до Тарими во 82. минута, но тој промашува во обидот со глава.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.
Спорт
Надал: Ако немам чувство дека можам да се натпреварувам тогаш нема да играм на РГ
Шпанскиот тенисер Рафаел Надал, по Мастерсот во Рим, ќе донесе одлука дали ќе настапи на вториот гренс слем во сезоната, Ролан Гарос.
Рафа моментално се наоѓа во Мадрид, каде во првото коло убедливо славеше во дуелот со 16-годишниот Американец Дарвин Бланш.
„Реален сум за тоа што се случува. Искрено, играв против играч кој направи многу грешки и ми ги олесни работите. Со најголема почит кон играчот кој има голема иднина, тој направи многу грешки и мечот траеше само еден час. Ова нема да ги смени моите размислувања за Ролан Гарос. Овде нема да донесам никаква одлука, по Мастерсот во Рим ќе ја донесам конечната одлука. Не зборувам за победите, туку за чувството дека можам да дадам се од себе и дека можам да се натпреварувам. Мислам дека ова е логично по се што направив во Париз“, изјави Надал.
Негов следен ривал ќе биде Алекс де Минор, кој го елиминира минатата недела во Барселона.
Спорт
Бруно Гимараеш има посебна клаузула во договорот која важи до 30 јуни
Играчот од средниот ред на Њукасл, Бруно Гимараеш е на мета на бројни клубови, а тој има посебна клаузула во договорот.
Како што откри трансфер-инсајдерот, Фабрицио Романо, од последната недела на мај до крајот на јуни, Гимараеш има откупна клаузула од 100 милиони фунти или 116 милиони евра.
Доколку Бразилецот се договори со некој клуб и тој клуб ја плати сумата, Њукасл ќе биде принуден да го пушти.
Во моментов не се знае дали некој клуб е подготвен да потроши толку пари, но веќе е познато дека ПСЖ покажува интерес за бразилскиот репрезентативец.
Прашање е само дали е реално еден ваков трансфер да се случи пред официјалниот почеток на летниот преоден рок.
Летниот преоден рок стартува на 1 јули.