Спорт
Ѓоковиќ за „Макфакс“: Не сум задоволен од мојот спонзор и тоа ме фрустрира
На прес-конференцијата по натпреварот против Холге Руне, Новак Ѓоковиќ одговори и на две прашања на известувачот на „Макфакс“ од Вимблдон.
Запрашан како гледа на фактот што во Лондон може во секоја спортска продавница да се купи дрес и од третокласен фудбалер од Премиер лигата, а капа со иницијалите од неговото име и презиме не може да се најде никаде во метрополата и дали е задоволен како спонзорите го следеле сите овие години додека ги постигнувал резултатите, кои го прават најдобар тенисер на светот и еден од најдобрите спортисти на сите времиња, Ѓоковиќ одговори:
„Во последните неколку години имам незадоволство и фрустрација што многу луѓе, кои ги бараат моите работи, немаат можност да ги најдат во продавниците на моите спонзори. Некои нешта сега се менуваат на подобро, но јас и понатаму не сум задоволен бидејќи сè може да биде и подобро. Се надевам дека спонзорите ќе го подигнат постојното ниво на производство и квантитет, но и достапност за луѓето да имаат можност да ги најдат. Нивото на тенис на кое јас играм е многу популарно во целиот свет. Секако, моите призводи може да се купат онлајн, но поинаку е кога луѓето одат во продавница“.
На прашањето на „Макфакс“ дека неговиот татко Срѓан уште во 2020 година за еден македонски неделник изјави дека набргу на „Кнез Михајлова“ требало да се отвори музеј на Новак Ѓоковиќ и зошто сè уште не постои, српскиот тениски ас рече:
„Што се однесува до музејот, тоа, сепак, е само идеја. За ‘Кнез Михајлова’, искрено, дознав од она што го слушнав од татко ми. Но, повеќе не се работи да се најде локација таму. Идејата да се изгради музеј во кој ќе ги изложам трофеите и работите што ги носев на некои важни натпревари. Меѓутоа, не само тоа; се надевам дека ќе можеме да имаме спортски музеј, не ние како семејство, туку државата Србија, Сојузот, Олимпискиот комитет. Не би вперил прст кон никого, туку едноставно колективно мислам дека Србија имала толку многу успеси во спортот и тој спорт навистина ја задолжил Србија. Едноставно, несфатливо ми е што сè уште немаме спортски музеј, па секој турист или странец што ќе дојде во Белград или Србија тој музеј треба да го стави во топ 10-те дестинации што мора да ги посети. Се надевам дека и државата ќе направи нешто бидејќи спортот навистина го заслужува тоа“, заклучи Ноле.
Инаку, од 2017 година главен спонзор на Новак Ѓоковиќ е францускиот спортски моден бренд „Ла Кост“. Договорот е со важност до 2025.
Од Вимблдон,
Ненад Живановски
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Конте нема да толерира недисциплина
Тренерот на Наполи, Антонио Конте, изјави дека нема да дозволи нови изливи на незадоволство од страна на Кевин Де Брујне или некој друг играч.
„Не станува збор за ситуации во кои е вклучен одреден играч. Оние кои ме познаваат добро го познаваат мојот начин на управување, за одредено однесување кое мора да се примени. Затоа, еднаш е дозволено, но не дозволувам истото да се случи двапати“, изјави Конте за италијанските медиуми.
Де Брујне се пресели во Наполи од Манчестер Сити ова лето и беше во центарот на вниманието во неделата откако реагираше луто во моментото кога беше заменет во натпреварот од Серија А против Милан, кој неговиот тим го загуби со 2-1.
Италијанските медиуми објавија дека Конте вчера одржал тимски состанок, но не разговарал директно со Де Брујне, но рекол дека нема повторно да толерира слично однесување од своите играчи.
Конте го предупреди Де Брујне дека го избрал „погрешниот човек“ ако е незадоволен од замената против Милан.
Наполи ќе го пречека Спортинг Лисабон во второто коло од Лигата на шампионите во вечерва во 21:00 часот, а Конте се мачи со својот состав поради проблеми со повредите на неколку дефанзивци, Амир Рахмани, Матијас Оливера и Леонардо Спинакола, додека Џовани Ди Лоренцо е суспендиран.
Спорт
Алкараз го освои турнирот во Токио
Првиот светски рекет, Карлос Алкараз, го победи петтиот играч во светот, Американецот Тејлор Фриц, со 6:4, 6:4 во финалето на АТП 500 турнирот во Токио и со тоа ја освои својата осма титула оваа година, а вкупно 24-та во кариерата. Ова беше нивниот петти дуел и четврта победа за Шпанецот.
За време на паузата помеѓу првиот и вториот сет, Фриц побара помош од физиотерапевт поради болка во бутниот мускул и се чинеше дека ќе претрпи поубедлив пораз кога Алкараз водеше со 5:1. Американецот се закани со пресврт со серија од три гема. Сепак, Алкараз ја искористи втората можност да го заврши мечот на својот почетен удар.
Алкараз е неоспорен лидер на листата на освојувачи на трофеи на АТП турнејата оваа година со осум титули, како и по бројот на индивидуални победи (66:6). Оваа година, 22-годишниот Шпанец загуби само две од десет финалиња, против Холгер Руне во Барселона и Јаник Синер во Вимблдон.
Покрај 500 поени за титулата во Токио, Карлос Алкараз освои и награден фонд од 416.365 американски долари (354 илјади евра). Тејлор Фриц, кој го претрпе својот прв пораз во третото финале годинава, доби 330 поени и награда од 224.035 долари (190.000 евра).
Спорт
ПСЖ без четворица стартери против Барселона
Фудбалерите на Пари Сен Жермен денес пристигнуваат во Каталонија, каде што во среда ќе и гостуваат на Барселона во дербито од второто коло од Лигата на шампионите.
Луис Енрике денес доби лоши вести, бидејќи нема да може да смета на напаѓачката тројка, како и на капитенот Маркињос. Покрај Бразилецот, а во Париз останаа и Усман Дембеле, Дезире Дуе и Хвича Куарачели.
Ова е секако голем удар за Енрике, кој ќе мора да импровизира, особено во нападот, каде што од стандардните е достапен само Бредли Баркола, додека Маркињос ќе биде заменет од новодојдениот Илија Забарни.
Натпреварот Барселона – ПСЖ е закажан за среда во 21:00 часот.
🔴🔵 PSG's squad list to face Barça: Vitinha, Joao Neves and Fabián travel. Marquinhos, Doué, Kvaratskhelia and Dembélé miss out. pic.twitter.com/MAEXQptPvx
— BarçaTimes (@BarcaTimes) September 30, 2025
Мицкоски: Нека ме наречат заостанат, но формирањето многудентно семејство е највисок патриотски чин
Премиерот, Христијан Мицкоски, упати порака до граѓаните дека формирањето семејство, формирањето многудентно семејство е највисок патриотски чин на еден народ...
Јаневска: Државата целосно го финансира учеството на талентираните ученици на меѓународни натпревари
Од оваа година, Министерството за образование и наука целосно ги покрива трошоците за пат и котизација на учениците и нивните...
Уапсени двајца турски државјани во Скопје, му се заканувале на едно лице дека ќе го убијат ако не му дадат пари
Вчера во 18:40 часот на подрачјето на Центар во Скопје, полициски службеници од Единицата за насилен криминал и Единицата за...
(Фото) Голем портрет од Нетанјаху и од Трамп на плажа во Тел Авив: израелскиот премиер како Пинокио
Израелските демонстранти ја искористија средбата меѓу Доналд Трамп и Бенјамин Нетанјаху во Белата куќа за да испратат порака од плажа...
Зеленски: Ослободивме повеќе од 174 квадратни километри од Украина
Украина повторно освои повеќе од 170 квадратни километри територија во близина на источниот град Добропил во неодамнешните контраофанзиви, изјави синоќа...
Нова ескалација – Мадуро вели дека САД подготвуваат напад, си даде поголеми овластувања
Венецуелскиот претседател Николас Мадуро потпиша декрет со кој му се даваат дополнителни безбедносни овластувања во случај на воен упад на...
(Фото/Видео) Белата куќа го објави мировниот план на Трамп за Газа, Нетанјаху го прифати
Американскиот претседател Доналд Трамп и израелскиот премиер Бенјамин Нетанјаху вчера одржаа клучна средба во Белата куќа, на која Трамп го...
Путин: Победуваме во Украина, нашите борци и команданти тргнуваат во напад
Рускиот претседател Владимир Путин во понеделникот изјави дека руските сили ја добиваат она што тој ја нарече „праведна битка“ во...
Мерц: Не сме во војна, но веќе не сме ни во мир
Германскиот канцелар Фридрих Мерц вчера изјави дека Европа „не е во војна, но повеќе не е во мир“ со Русија....
Ѓорѓиевски: Имаме визија за просторно планирање, зелена инфраструктура и енергетска ефикасност за поубаво Скопје
На вечерашниот митинг во Скопје, со кој започна кампањата за претстојните локални избори, имаше свое обраќање Орце Ѓорѓиевски, кандидат за...
Мицкоски: Правдата не може да чека, нема толеранција за длабоката држава
Претседателот на ВМРО-ДПМНЕ, Христијан Мицкоски, имаше свое обраќање на денешниот митинг, со кој се започна кампањата за претстојните локални избори,...
Судот оваа недела ја завршува оценката на обвинението за „Пулс“
Скопскиот Кривичен суд најави дека до петок ќе ја донесе одлуката дали обвинението за пожарот во кочанската дискотека ќе биде...
Само 42 отсто од институциите доставија податоци за службени возила пред локалните избори
Само 42 % од институциите доставија податоци за службени возила пред локалните избори, соопшти Државната комисија за спречување на корупцијата....
Мицкоски: Секој што на каков било начин има поврзаност со случајот во Кочани да биде изведен пред лицето на правдата
Премиерот Христијан Мицкоски, денес, одговарајќи на новинарско прашање во однос на најновата сторија на ИРЛ, која споменува вмешаност на даночни...
Уапсени 60 лица за подметнување пожари во Македонија
Од 01 април до 29 септември регистрирани се вкупно 2.080 пожари на отворен простор, при што приведени се вкупно 60...
Католичката црква со реакција за муралот на Мајка Тереза: Ова е навредлив чин за сите верници
Католичката црква во Македонија изразува жалење за, како што велат, недостојниот и навредлив чин со кој на муралот на света...
(Фото) Сиљановска-Давкова во црквата на македонската заедница во Стерлинг Хајтс, Мичиген: Татковината не може да се менува
Со посетата на македонската православна црква „Раѓањето на Пресвета Богородица“ во Стерлинг Хајтс, Мичиген, и средбата со македонската заедница, претседателката...
„Визер“ отвори уште една нова авиолинија од скопскиот аеродром – Штутгарт
Со првиот лет денеска, понеделник, 29 септември, во 6.25 часот наутро, од Меѓународниот аеродром „Скопјe“ до Штутгарт, „Визер“ отвори уште...
Данска ги забрани сите цивилни летови со дронови
Данска ги забрани сите цивилни летови на дронови до 3 октомври пред самитот на Европската унија во Копенхаген, објави данскиот...
Поранешната шефица на МИ5: Можеби веќе сме во војна со Русија
Велика Британија можеби веќе е во војна со Русија, предупреди поранешната шефица на британската безбедносна служба МИ5. Таа ги наведува...
