Спорт
Ѓоковиќ за „Макфакс“: Не сум задоволен од мојот спонзор и тоа ме фрустрира
На прес-конференцијата по натпреварот против Холге Руне, Новак Ѓоковиќ одговори и на две прашања на известувачот на „Макфакс“ од Вимблдон.
Запрашан како гледа на фактот што во Лондон може во секоја спортска продавница да се купи дрес и од третокласен фудбалер од Премиер лигата, а капа со иницијалите од неговото име и презиме не може да се најде никаде во метрополата и дали е задоволен како спонзорите го следеле сите овие години додека ги постигнувал резултатите, кои го прават најдобар тенисер на светот и еден од најдобрите спортисти на сите времиња, Ѓоковиќ одговори:
„Во последните неколку години имам незадоволство и фрустрација што многу луѓе, кои ги бараат моите работи, немаат можност да ги најдат во продавниците на моите спонзори. Некои нешта сега се менуваат на подобро, но јас и понатаму не сум задоволен бидејќи сè може да биде и подобро. Се надевам дека спонзорите ќе го подигнат постојното ниво на производство и квантитет, но и достапност за луѓето да имаат можност да ги најдат. Нивото на тенис на кое јас играм е многу популарно во целиот свет. Секако, моите призводи може да се купат онлајн, но поинаку е кога луѓето одат во продавница“.
На прашањето на „Макфакс“ дека неговиот татко Срѓан уште во 2020 година за еден македонски неделник изјави дека набргу на „Кнез Михајлова“ требало да се отвори музеј на Новак Ѓоковиќ и зошто сè уште не постои, српскиот тениски ас рече:
„Што се однесува до музејот, тоа, сепак, е само идеја. За ‘Кнез Михајлова’, искрено, дознав од она што го слушнав од татко ми. Но, повеќе не се работи да се најде локација таму. Идејата да се изгради музеј во кој ќе ги изложам трофеите и работите што ги носев на некои важни натпревари. Меѓутоа, не само тоа; се надевам дека ќе можеме да имаме спортски музеј, не ние како семејство, туку државата Србија, Сојузот, Олимпискиот комитет. Не би вперил прст кон никого, туку едноставно колективно мислам дека Србија имала толку многу успеси во спортот и тој спорт навистина ја задолжил Србија. Едноставно, несфатливо ми е што сè уште немаме спортски музеј, па секој турист или странец што ќе дојде во Белград или Србија тој музеј треба да го стави во топ 10-те дестинации што мора да ги посети. Се надевам дека и државата ќе направи нешто бидејќи спортот навистина го заслужува тоа“, заклучи Ноле.
Инаку, од 2017 година главен спонзор на Новак Ѓоковиќ е францускиот спортски моден бренд „Ла Кост“. Договорот е со важност до 2025.
Од Вимблдон,
Ненад Живановски
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Судијата во преден план, Камерун оштетен против Мароко
Мароко го победи Камерун со 2:0 во петокот вечерта и се пласираше во полуфиналето на Африканскиот куп на нации. Ден по натпреваротм најмногу се зборува за судијата Беид Дахане, кој сериозно го оштети Камерун. Интересно, тој не требаше да биде првиот судија на овој натпревар.
Головите за Мароко ги постигнаа Брахим Дијаз во 26-та минута и Исмаел Саибари во 74-та минута, но двете одлуки донесени од судијата во текот на овој натпревар, двете при резултат 1:0 за Мароко е она што се анализира во јавноста.
Дијаз е првиот играч кој постигнал гол во пет последователни натпревари на Африканскиот куп на нации од 1974 година, а Мароко е во полуфиналето за прв пат по 22 години. Во 2004 година, Мароко беше поразен во финалето од Тунис.
Но, да се вратиме на судијата…
Првата грешка ја направи во 64-та минута кога Билал Ел Канус беше поштеден од очигледен жолт картон кој за него ќе беше втори, односно исклучувачки.
По пет минути судијата повторно беше во центарот на вниманието, кога не досуди пенал за Камерун по стартот на Адам Масина врз Брајан Мбеумо.
Интересно е што судијата од Мавританија не беше ниту делегиран да го суди овој натпревар. Прв избор на CAF беше Амин Омар од Египет, но Мароко протестираше против оваа одлука и на крајот го доби она што го сакаше – промена на судијата за четвртфиналниот натпревар.
Foto/ EPA/JALAL MORCHIDI
Спорт
(Видео) Судија се повреди на НБА натпревар, го напушти теренот во инвалидска количка
Необичен настан го обележа натпреварот во НБА лигата, меѓу Орландо и Филаделфија. Искусниот судија Бил Кенеди се повреди и го напушти натпреварот во инвалидска количка.
Несреќата се случи кон крајот на првата четвртина, кога 59-годишниот судија следеше брз контранапад на Севентисксерс.
Во еден момент почна да куца, а потоа се повлече зад кошот на домашниот тим, каде што седна и побара медицинска помош.
Натпреварот беше веднаш прекинат, а медицинскиот тим, неколку минути, му укажуваше помош на еден од најпочитуваните судии во историјата на НБА.
Bill Kennedy suffered an injury and was wheeled off the court 😳 pic.twitter.com/232lH3qoIl
— BrickCenter (@BrickCenter_) January 10, 2026
Сепак, Кенеди не можеше да го продолжи натпреварот и го напушти теренот во инвалидска количка, додека дуелот продолжи, а преостанатиот дел од натпреварот го судеа Џејмс Вилијамс и Мајкл Смит.
Бил Кенеди ја дели правдата во најсилната кошаркарска лига во светот од 1995 година и досега учествувал во повеќе од 1.500 натпревари.
На крајот, Филаделфија победи во Орландо со резултат од 103:91.
Спорт
(Видео) Јанис доминираше против Лејкерси, домашен дебакл на Денвер, Оклахома надополни негатива од 21 поен
Јанис Адетокумбо ја обележа изминатата ноќ во НБА лигата, во која треба да се истакнат дебаклот на Денвер на домашен терен и пресвртот на Оклахома против Мемфис.
Милвоки Бакс во Лос Анџелес ги победија Лејкерси со 105:101. Јанис Адетокумбо му овозможи на својот тим да победи откако во 39 секунди имаше неколку клучни реакции.
Гркот на 39 секунди до крајот, при нерешен резултат, му удри „банана“ на Леброн Џејмс, а откако Портер погоди две слободни, во следниот напад Јанис му ја украде топка, повторно на Леброн. Потоа Дончиќ беше исклучен, а Порттер од линијата за слободни ја потврди победата на Милвоки.
Адетокумбо го заврши натпреварот како апсолутен лидер на Бакс со 21 поен, шест скока, пет асистенции, две украдени топки и две блокади за 31 минута на паркетот. Тој имаше одлична поддршка во Портер, кој постигна 22 поени и имаше шест асистенции.
Од другата страна, Лејкерси имаа мотивирани поединци, но не доволно сила за пресврт. Лука Дончиќ беше блиску до трипл-дабл со 24 поени, девет скока и девет асистенции. Истото го стори и Леброн Џејмс – тој постигна 26 поени, девет скока и десет асистенции.
GIANNIS FORCES THE TURNOVER TO WIN IT FOR THE BUCKS 💪
MILWAUKEE WINS IN LA! pic.twitter.com/AzklbPo5mV
— NBA (@NBA) January 10, 2026
Кошаркарите на Оклахома славеа во Мемфис со 117:116, откако во еден момент имаа минус од 21 поен. Тандер беа фуриозни во последните три минути. Двата тима играа без неколку важни играчи/ Оклахома беше без најдобриот Гилџес-Александер, а Мемфис беа Морент.
Оклахома до победата ја предводеа Џејлен Вилијамс (26), Аџај Мичел (23), Кенрич Вилијамс (21), Арон Вигинс (16) и Лугенц Дорт (13).
Од другата страна, најдобри во тимот на Мемфис беа Џерен Џексон Џуниор (23), Грегори Џексон (18) и Санти Алдама (15).
Денвер без Никола Јокиќ, но и без неколку други кошаркари, доживеа тежок пораз на домашен терен од Атланта (87:110).
Фуриозната последна четвртина која Атланта ја добија со 36:12 го реши победникот.
Атланта ја предводеше Џејлен Џонсон со 29 поени, девет скока и шест асистенции, го следеа Никил Александар-Вокер со 22 поени, осум скока и три асистенции, Дајсон Даниелс имаше трипл-дабл со 17 поени, 11 скока и 10 асистенции.
Пејтон Вотсон се истакна за Денвер со 25 поени, 11 скока и четири асистенции, додека Арон Гордон имаше 14 поени, девет скока и пет асистенции.
Резултати:
Бостон – Торонто 125:117
/Браун 27 – Берет, Волтер 19/
Орландо – Филаделфија 91:103
/Бејн 23 – Макси 29/
Вашингтон – Њу Орлеанс 107:128
/Џорџ, Вукчевиќ 15 – Марфи 35/
Бруклин – ЛА Клиперс 105:121
/Демин 19 – Харден 31/
Финикс – Њујорк 112:107
/Букер 31 – Бренсон 27/
Голден Стејт – Сакраменто 137:103
/ Кари 27 – ДеРозан 24/
Портланд – Хјустон 111:105
/Камара 25 – Дурант 30/
Foto/ freerangestock
Денеска гласаат болните и затворениците пред повторните избори за градоначалници во четири општини
Денес се спроведува гласањето на болните или немоќни лица и лицата кои се на издржување на казна затвор за повторните...
(Видео) „Се враќам во земјата за да бидам со луѓето“ – синот на поранешниот шах на Иран повика на протести
Реза Пахлави, син на покојниот поранешен ирански шах, кој живее во Вашингтон, ги повика демонстрантите во Иран да продолжат со...
Растат цените на становите во ЕУ – Унгарија рекордер со зголемување од 275%
Во периодот од 2015 до крајот на 2025 година, цените на становите во ЕУ во просек пораснале за 63,6%, додека...
(Фото+видео) Катастрофа во Викторија: беснеат стотици пожари, уништени куќи, илјадници без струја
Во австралиската сојузна држава Викторија во последните 24 часа избиле повеќе од 250 пожари, од кои 11 се класифицирани како...
ЗНАМ: Однесувањето на Филипче предизвикува историски транфер на разочарани членови од СДСМ кон ЗНАМ
Иако Венко Филипче едновремено зборуваше за европската интеграција на Македонија, денес повторно покажува и докажува дека неговиот интерес е ограничен...
За една година поскапеа и кафаните: угостителските услуги зголемени за 3,5 проценти
Цените на угостителските услуги во декември 2025 година се зголемени за 3,5 проценти во споредба со истиот месец лани, покажуваат...
Снег и заладување низ земјава, од следната седмица утрински температури под -10
Утре претпладне ќе има повремени врнежи од дожд и снег во пониските и снег на повисоките места и на планините....
(Видео) Филипче: Техничката влада е единствената гаранција за чесни избори
Претседателот на СДСМ, Венко Филипче, на денешниот брифинг со медиумите уште еднаш порача дека средба со криминалци нема да има...
Работник од Дебар загина по несреќа на градилиште, починал на пат кон болница
Работник од Дебар го загуби животот по несреќа на градилиште што се случила вчера претпладне. Како што било пријавено во...
Трамп: Го откажав вториот напад врз Венецуела
Претседателот на САД Доналд Трамп на платформата „Тру соушал“ ги пофали постапките на Венецуела по, како што наведе, невидениот упад...
МФ: Пласирани над 224 милиони евра за поддршка на инвестиции кон компаниите, исплатена нова транша од Буџетот кон Развојната банка
Министерството за финансии од Буџетот изврши исплата нова транша во вредност од 424,9 милиони денари или 6,9 милиони евра кон...
ЦУК со нови информации: Излеани реки, поплавени подрумски простории, земјоделски површини и дворови, пријавени свлечишта на патишта
Во Општина Кочани е забележан значително зголемен водостој на реките и каналите во полскиот дел. Кочанска река има локално излевање...
Измамен 77-годишен виничанец од лажен лекар за сума од над 430.000 денари
Вчера во 17:30 часот во ОВР Виница, 77-годишен жител на Виница пријавил дека бил измамен од едно лице за сума...
Русите: Испукавме „Орешник“, тоа е одмазда за нападот врз резиденцијата на Путин
Руското Министерство за одбрана го издаде своето прво официјално соопштение по големиот напад со беспилотни летала и ракети врз Украина...
(Видео) Федералните агенти застрелаа две лица во Портланд
Федерални агенти застрелаа две лица за време на сообраќајна контрола во Портланд, Орегон, вчера. Инцидентот се случи само еден ден...
(Фото) Филипини: Еден загинат и 38 исчезнати откако се сруши депонија, лавина од отпад затрупа село
Едно лице загина, а 38 се водат како исчезнати откако се урна депонија за отпад на Филипините, предизвикувајќи лизгање на...
Трамп ќе дозволи нуклеарниот договор со Русија да истече: „Ќе направиме подобар“
Американскиот претседател Доналд Трамп навести дека ќе дозволи да истече последниот важечки договор за контрола на нуклеарно оружје со Русија...
(Видео) Голем напад врз Киев и Лавов неколку часа по предупредувањето на Зеленски, употребен Орешник?
Најмалку четири лица се убиени, а 19 повредени во Киев откако Русија изврши масовен ракетен и беспилотен напад низ Украина...
Променливо облачно со сончеви периоди, кон крајот на денот дожд и снег
Времето денеска ќе биде променливо облачно со сончеви периоди. Кон крајот на денот и во текот на ноќта во северозападните...
Забрана за движење на камиони на ГП Ники (ГП Меџитлија) до утре до 10:00 часот
На ГП Ники (ГП Меџитлија) ќе има забрана за движење на товарни возила до 10 јануари до 10:00 часот. Сообраќајот...
