Спорт
Ѓоковиќ од Вимблдон преку Макфакс порачува: Ветувам, многу бргу се гледаме во Македонија!
Пред почетокот на годинешниов трет гренд слем турнир во Вимблдон, на воведната прес конференција, најдобриот тенисер на сите времиња, Новак Ѓоковиќ одговори и на три прашања на известувачот на Макфакс.
Макфакс: Новак, прв противик на Турнирот во вторник ќе ви биде Александре Муле од Франција. Во интервјуто дадено за интернационалниот тениски портал, „Клеј“, тој открива две приватни работи кои би сакал да ги прокоментирате. Првата, после Киријос тој е вториот тенисер кој јавно кажува дека објавува фотографии на Онли Фенс. Звучи забавно, но, можеби, открива еден аспект од тенисот и спортот, проблем со кој спортистите се сретнуваат, а тоа се финансиите за да ја продолжат кариерата и патуваат низ светот на турнири. Неговиот втор проблем е здравствен. Тој боледува од Кронова болест, што често може да биде незгодно во текот на мечот. Ме занима, дали постои емпатија во врвниот спорт, кога се јавува сериозен здравствен проблем додека трае играта? Колку сте подготвени тоа да го толерирате во ситуација кога е интензитетот висок и кога прекинот може да влијае на резултаот? И, на крај, повеќе како констатација: би ве потсетил дека македонскиот премиер уште во 2019. година јавно ве покани да дојдете во Скопје и Охрид и дека сé уште ве чекаме.
Ѓоковиќ: Во право сте. Најпрво на тоа ќе одговорам. Треба да дојдам во Македонија, и многу бргу тоа ќе го сторам. Ветувам!
Што се однесува до Муле, не сум знаел за неговата ситуација. Тоа е сериозна болест и сериозен здравствен проблем. Не сум во негова кожа, но верувам дека не му е лесно секојдневно, особено кога е вклучен во врвни, професионални спортови. Го имаме случајот и со Александар Зверев, кој е дијабетичар и кој се боцка со игла за време на натпревар за да го балансира нивото на шеќер во крвта, што е навистина необично, но и импресивно! Од друга страна, гледајќи го стресот и сè што подразбира врвниот тенис, а тие да успеваат да ги надминат тие сериозни здравствени предизвици и да бидат таму каде што се, особено Зверев, кој е втор-трет во светот, и Муле, кој има извонредни резултати, игра најдобар тенис веќе неколку години и има најдобар ренкинг. Му посакувам сé најдобро, не во натпреварот со мене, но приватно имам апсолутно сочувство за сè низ што поминува.
Јас, искрено, не ни знам како изгледа таа платформа Онли Фенс! Сé што знам е дека се покажуваат делови од телото повеќе отколку што би требало, но искрено – не знам како изгледа! Дека тоа е поврзано со финансиски проблеми и предизвици – можно е. И не е прв пат некој играч да направи нешто такво. Луѓето и медиумите нé претставуваат нас неколкумината на врвот што заработуваме милиони дека сме богати кои сé нешто се бунат и жалат околу пари. Јас секогаш се трудев кога можев, особено кога бев активен во Советот на играчи на АТП или ко-основач на ПTПA, постојано да зборувам за тоа колку е важно да се шири свеста за тоа колку мал број на играчи живее од овој спорт. Многумина го напуштаат спортот, огромното мнозинство уште на почетокот од кариерата, затоа што немаат поддршка од Федерацијата или од некој спортски систем. Огромното мнозинство од нив играат тенис, но немаат средства да платат тениски тренер или кондиционен тренер, а камоли физиотерапевт. Секако дека постојат спортови кои се мачат многу повеќе од нас, но кога зборувам конкретно за Муле и така натаму ова се некои реални ситуации што се присутни и се случуваат. Затоа и ПTПA, како организација која ги застапува правата на играчите, е основана да се бори за тие играчи и за нивни подобри услови.
Ненад Живановски-Столиќ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јанакопулос побара играчите и тренерот Атаман да поднесат оставки
Претседателот на Панатинаикос, Димитрис Јанакопулос, „лут како рис“ им испрати порака на своите играчи и тренери по поразот на „зелените“ од Арис во грчкото првенство.
Тимот на Ергин Атаман загуби во Солун со 102:95 по едно продолжение.
Во исто време, турскиот стратег беше исклучен поради бурни протести кон судиите, со што се комплетираше лошиот ден на неговиот тим.
Лут од конечниот резултта, Јанакопулос со критики се огласи на социјалните мрежи.
Им порача на играчите и тренерите да го напуштат клубот.
„Главниот тренер, помошниците тренери, сите вие! Сите. Немате поим каде играте, нели? Ова е Панатинаикос. Се надевам дека кога ќе се вратите во Атина, ако имате храброст да се вратите во Атина, сите ќе поднесете оставка“, рече Јанакопулос и додаде:
Срам да ви е! Проклети да сте! И не сакам ништо да чујам, ниту за Пицилкас, ниту за криминални организации, за ништо. Не можете да изгубите од Арис со буџет од 40 милиони. Срамно! Почнете да играте кошарка. Сфатете каде сте!“, порача ексцентричниот Јанакопулос.
Foto/ EPA
Спорт
(Видео) Сити водеше 2:0 и не победи во Лондон
Фудбалерите на Тотенхем и Манчестер Сити ремизираа 2:2 во Лондон во 24-то коло од Премиер лигата.
Сити, доминираше, стекна предност од два гола, но не успеа да победи.
Гостите влегоа одлично во натпреварот, поведоа во 11-та минута со голот на Рајан Шерки.
Шерки можеше да постигне уште еден гол во 24-та минута, но Гуљелмо Викарио го одбрани неговиот удар.
Немаше промена во резултатот се до финишот на првото полувреме, во 44-та минута, Антоан Семењо го дуплираше водството на Сити.
Второто полувреме тргна во поинаква насока, прво во 53-таа минута, Марк Гуехи си постигна автогол и Тотенхем ја намали разликата, а во 70-та минута, Доминик Соланке ја затресе мрежата на Сити по асистенција на Конор Галагер за 2:2.
Сити остана на второто место во Премиер лигата со 47 бода, шест помалку од Арсенал кој е прв на табелата.
Од друга страна, Тотенхем е на 14-та позиција со 29 бода.
Во продолжението од сезоната, Тотенхем го очекува дуел со Манчестер Јунајтед на „Олд Трафорд“, додека Сити гостува кај Ливерпул.
Foto/ EPA
Спорт
Германија немаше шанси – Данска е Европски првак
Ракометартите на Данска, на домашен терен го освоија златниот медал на 17-то Европско првенство. За Данска ова е втора титула на континеталните натпреварувања, прва по 2014 година. Данците, исто така, потврдија дека се најмоќната ракометна нација, во овој момент тие се актуелни европски, светски олимписки шампиони.
Данска, во финалето на ЕП, во Хрнинг, ја победија Германија со 34:27.
Во текот на првото полувреме, како што се очекуваше, се водеше немилосрдна борба, се играше гол за гол, а потоа Данска се одлепи на 12:9, на што Германците ексрепсно возвратија, благодарени на брилијантниот голман Волф. Првио дел заврши со предност на Данска од два гола.
Во продолжението од натпреварот, голманите Волф и Мелер, блескаа ги оставија играчите пет минути без постигнат гола.
Данска прва се разбуди и на нешто повеќе од десет минути пред крајот избега на 26:22. Германија се обиде, но по 53-та минута целосно паднаа во играта.
Најефикасни во тимот на Данска беа Симон Питлик со осум, Јохан Хансен со седум, Матијас Гидсел со шест, Томас Арнолдесн со четири гола. Кевин Мелер имаше 11 одбрани. За Германија, Андреа Волф имаше 14 одбрани, а Марко Гргиќ, Јури Кнор и Јоханес Гола постигнаа по пет гола.
Во борбата за бронзениот медал, Хрватска ги контролираше настаните на паркетот против Исланд, на самиот крај се коцкаше, му дозволи на Исланд да стигне од 23:29 до 32:33, но на крајот стигна до заслужената победа.
Foto/ EPA

