Џенаро Гатузо ќе го предводи Хајдук за последен пат на натпреварот во Пољуд во недела. Дербито против Риека ќе биде негово збогување со сплитската публика, а натпреварот од последното коло, кој Хајдук ќе го игра во Шибеник, ќе биде негово збогување со клупата на сплитскиот тим.

Италијанскиот стручњак има договор за уште една година, но нема да го доврши и ќе го напушти клубот без отпремнина, објави „Индекс“ повикувајќи се на свои извори.

Гатузо одамна одлучи да си замине, дури и по победата од 1:0 во Копривница во натпреварот од 28. коло. Тогаш, Хајдук беше во многу подобра ситуација отколку денес, кога од третото место натабелата, може само да се надева на чудо што ќе им ја донесе титулата.

Доколку Динамо не попушти на утрешниот натпревар против Локомотив на „Максимир“, таа шанса повеќе нема да постои. Последната титула Хајдук ја освои во сезоната 2004/05.

Гатузо ќе го напушти Сплит без обештетување со спогодбен раскин на договорот. Во оваа сезона, Хајдук го водеше во 41 натпревар со сооднос од 18 победи, 14 нерешени и девет порази.

Репрезентативецот на Македонија Димитар Митровски (26) е во конкуренција за играч на сезоната во фудбалскиот шампионат на Хрватска.

Митровски сезонава е најдобриот стрелец на Вараждин со седум гола. Покрај Митровски во конкуренција за играч на сезоната се Тони Фрук (Ријека), Ален Гргиќ (Славен Белупо), Роберт Мудражија (Локомотива) и Марко Ливаја (Хајдук).

Ливаја е фаворит во оваа трка, тој е најдобар стрелц во првенството со 18 гола, има и девет асистенции. Напаѓачот на Хајдук четири пат оваа сезона ја доби наградата за играч на месецот.

Кукла, со кеса на главата и шал на фудбалскиот клуб Севилја е снимена како виси од мост во градот. На мостот е истакнат и транспарент на кој пишуваше: „Јуниор, ова е твојот крај“.

Шпанските медиуми го толкуваат овој потег како закана за претседателот на клубот, Хозе Марија дел Нидо, Караско. Севилја ја информираше полицијата за сè, а истрагата е во тек.

Тензијата околу клубот не стивнува и покрај тоа што Севилја го обезбеди опстанокот во Ла Лига. Претседателот на клубот, Дел Нидо Караско, веќе подолго време е мета на незадоволните навивачи, кои често му викаат од трибините: „Јуниор, оди си“.

По поразот од Селта Виго минатата недела, неколку стотици навивачи на Севилја го пречекаа автобусот на тимот во тренинг кампот на клубот. Според „Марка“, цивилната гарда и националната полиција морале да интервенираат за да може тимот да влезе во комплексот.

Куршуми биле испукани од воздушен пиштол, додека навивачите возвратиле со навреди и фрлање јајца. Таа ноќ, фудбалерите на Севилја спиеја во кампот.

Севилја го осуди вандализмот. Пред неколку недели, по поразот од Атлетико Мадрид, директорот за стратегија и развој на клубот, Игнасио Наваро, беше нападнат додека го напушташе стадионот, а вчера, Федерацијата на здруженија на навивачи на Севилја, Сан Фернандо го прогласи Дел Нидо Караско и целиот негов Управен одбор за непожелни.

Севилја в недела ќе го одигра последниот меч оваа сеозна на домашен терен. На „Рамон Санчез Писхуан“ ќе гостува Реал Мадрид. Сезоната, Севилја ќе ја заврши на гостински терен кај Виљареал.