Спорт
Фени повторно остана без финале во БИБЛ лигата

Единствениот македонски претставник во БИБЛ лигата Фени Индустри, втора година по ред не успеа да се пласира во финалето на ова натпреварување, откако во полуфиналето беше поразен од тимот на Ловќен со резултат 81:74
Единствениот македонски претставник во БИБЛ лигата Фени Индустри, втора година по ред не успеа да се пласира во финалето на ова натпреварување, откако во полуфиналето беше поразен од тимот на Ловќен со резултат 81:74 (резултатот на полувремето во Универзијада салата во Софија беше 48:40 за Ловќен).
Најефикасен кошаркар од Фени беше Дарко Соколов со 13 коша, а кај противничкиот тим Алекса Поповиќ, кој постигна 27 коша.
Во вториот полуфинален натпревар Левски го победи Еуроинс Черно Море со 91:76, со што во финалето кое треба да се одигра утре ќе играат Ловќен и Левски.
„Сакам да му честитам на Ловќен за победата и не можам да кажам дека тие сакаа да победат повеќе од нас, но можам да кажам дека тие беа побрзи од нас“, изјави тренерот на Фени Индустри Емил Рајковиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дијаз во Баерн за пет пати поголема плата

Колумбискиот напаѓач Луис Дијаз официјално ќе го засили Баерн во наредните денови.
Дијаз во текот на денот ќе слета во Минхен, каде што ќе се сретне со челниците на клубот, а медицинските прегледи се планирани за вторник. Потоа ќе следи официјализирање на трансферот вреден 75.000.000 евра со бонуси.
Дел од германските медиуми, во меѓувреме го објавија и финансискиот дел од договорот. Дијаз ќе има годишна плата од 14.000.000 евра, што е речиси пет пати повеќе од она што го имаше во Ливерпул. Таму заработуваше 2.700.000 по сезона.
Популарниот Лучо постигна 41 гол и асистираше уште 23 пати во 148 натпревари.
Фото/ Принскрин
Спорт
Гвардиола: Барселона? Таа приказна е завршена

Пеп Гвардиола импресивната тренерска кариера ја започна во Барселона. Најпрвин како тренер на Б тимот, а потоа го презеде првиот тим. Три години неговата Барселона доминираше во Европа.
Гвардиола ја напушти Барселона во 2012 година, се пресели во Баерн, а потоа во Манчестер сити.
Изминатите години често го прашуваа дали некогаш ќе се врати на „Ноу Камп“.
„Таа приказна е завршена. Засекогаш е ставен крај. Беше прекрасно, но заврши и нема да се случи повторно“, рече Гвардиола.
Исто така, покрај враќањето во Барселона, искусниот Шпанец зборуваше и за Ламин Јамал и споредбите на младата ѕвезда со Лионел Меси.
„Треба да го оставиме Ламин Јамал да си го гради својот пат и само кога ќе игра 15 години тогаш ќе можеме да кажеме дали е подобар од Меси или не“, рече Гвардиола и дополни.
„Фактот дека веќе го споредуваат со Меси е голема работа. Но, тоа е како да споредувате сликар кој штотуку почнува со Ван Гог.“
Foto/ EPA
Спорт
Виса започна штрајк, бара Бренфорд да ја прифати понудата од Њукасл

Фудбалерот на Брентфорд, Јоан Виса, е незадоволен бидејќи клубот одбива да го продаде на Њукасл, објави дека нема да тренира ниту да игра додека не се заврши трансферот.
Брентфорд е решен да го задржи Виса, додека Тотенхем, Нотингем Форест и Њукасл покажаа интерес за напаѓачот.
Њукасл е во незавидна ситуација, откако Александар Исак побара трансфер. „Страчките“ се во потрага по засилувања во нападот. Наводно ако Исак замине на неговото место ќе дојде Бенјамин Шешко од Лајпциг. За посилен напад Њукасл го сака и Виса за чии услуги понуди 25 милиони фунти. Проблем е што Брентфорд бара двојно поголема сума.
Виса е многу разочаран бидејќи му било ветено дека ќе може да си замине ова лето, а Њукасл е неговата претпочитана дестинација поради учеството во Лигата на шампионите.
Извор од „Скај Спортс“, сепак, негира дека постои таков договор помеѓу 28-годишникот и Брентфорд.
Главниот тренер на Брентфорд, Кит Ендрус, изјави во саботата дека очекува Виса да се придружи на подготовките во наредните денови.
Напаѓачот има уште една година од договорот, а клубот може да ја активира опцијата за продолжување на договорот за уште 12 месеци.
Визс постигна 18 гола и имаше шест асистенции минатата сезона – само крилниот напаѓач Брајан Ембеумо беше поефикасен од него.
Брентфорд веќе го продаде Ембеумо на Манчестер јунајтед, а клубот го напуштија и неодамнешниот тренер Томас Франк (Тотенхем), капитенот Кристијан Норгард (Арсенал) и голманот Марк Флекен (Баер Леверкузен).