Спорт
ФФМ се подготвува за Европското првенство за жени (19г)

Одличната соработка на релација УЕФА – ФФМ и солидната организација на квалификациските турнири за млади категории и жени , околу 30 турнири се главната препорака за доделување на организацијата на ЕП за жени (19г) на ФФМ.
Одличната соработка на релација УЕФА – ФФМ и солидната организација на квалификациските турнири за млади категории и жени , околу 30 турнири се главната препорака за доделување на организацијата на ЕП за жени (19г) на ФФМ.
Со ова за првпат една фудбалска селекција од Македонија ќе настапи во завршница на европски шампионат, како голем фудбалски настан кој од 24 Мај до 05. Јуни 2010 ќе се одржи во Скопје и Куманово.
Во врска со настанот за кој се зазема и е од интерес на цела спортска Европа, Европското фудбалско првенство за жени до 19 години, а чиј домаќин е Македонија, односно ФФМ, би сакале да ви доставиме дополнителни информации во врска со начинот на добивање влезници за натпреварите.
Имено, на фан страницата на facebook http://www.facebook.com/pages/FFM-vi-pretstavuva-UEFA-WU19-2010/109349555769618?ref=ts може да се освои vip пакет, односно vip влезница, маичка и капче, додека на официјалната страна за првенството www.womens-u19-ffm.com секој ќе има можност да се регистрира и да добие бесплатна влезница за натпреварите. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.