Бекот на Сан Антонио Спарс, Диерон Фокс нема да игра до крајот на сезоната бидејќи ќе мора да оди на операција. Според инсајдерот Шамс Чаранија, поентата на операцијата ќе биде да се отстрани оштетувањето на тетивите на малиот прст.

Оваа вест сигурно ќе ги разочара навивачите на „Мамузите“, кои до крајот на сезоната ќе мора да играат без центарот и прва ѕвезда Виктор Вембањама.

На младиот Французин му беше дијагностицирана длабока венска тромбоза, па како мерка на претпазливост веднаш беше донесена одлука да не игра до крајот на сезоната. Исто така до крајот на сезоната Спарси ќе бидат и без тренерот Грег Поповиќ.

Фокс во лигата е од 2017 година, кога беше избран како петти пик во првата рунда на драфтот. Тој беше Ол-стар во 2023 година, кога исто така беше избран во третата најдобра петорка на НБА во сезоната.

Откако им се приклучи на Спарс, тој одигра 17 натпревари и имаше просек од 19,7 поени.

Актуелниот светски шампион во Мото ГП, Шпанецот Хорхе Мартин, кој веќе се повлече од првите две трки сезонава поради повреда, потврди дека ќе ја пропушти и Големата награда на САД.

„Имам проблеми, рехабилитацијата не оди толку брзо колку што би сакал. Би сакал да бидам во Остин, но нема да можам да се тркам. Не знам дали ќе бидам и во Катар (13 април). Се уште е рано”, изјави тој на прес-конференција во Мадрид.

Мартин се повреди за време на претсезонското тестирање во Малезија во февруари и мораше да оди на операција на раката, а потоа доживеа уште една несреќа за која беше потребна дополнителна операција.

Тој ја пропушти првата трка сезонава во Тајланд, а ќе ја пропушти втората во Аргентина овој викенд.

Со слободните тренинзи во Мелбурн парк започна новата сезона во Формула 1. Најбрзи беа Ландо Норис на првиот и Шарл Леклер на вториот тренинг.

Стартот на сезоната го обележа инцидентот на новиот возач на Хас, Оливер Берман. Тој направи почетничка грешка во десеттиот свиок и го искрши својот болид. За среќа возачот мина без повреди.

Првиот тренинг му припадна на Норис со 1:17.252 минути. Одлични беа возачите на Вилијамс, Саинц заврши втор, а Албон на шестото место. Луис Хамилтон во Ферари првиот тренинг го финишираше на 12. место.

Lando Norris topped the timesheets in FP1 for McLaren 👏

Here's the final FP1 classification 👇#F1 #AusGP pic.twitter.com/4Mqeps5bGu

— Formula 1 (@F1) March 14, 2025

Вториот тренинг му рипадна на Леклер (1:16.439 минути) пред возачите на Мекларен, Пјастри и Норис, изненади Јуки Цунода со четвртото место, а Хамилтон беше петти.

Берман го пропушти тренингот, во неговиот Хас е ставен нов мотор и нов менувач.

Charles goes quickest in second practice 💨

Here's the final FP2 classification 👇#F1 #AusGP pic.twitter.com/Mw4VZSp99V

— Formula 1 (@F1) March 14, 2025