Актуелниот европски шампион Шпанија е вториот патник во финалето на Светското првенство, откако синоќа ја совлада минимално, но заслужено Германија со 1:0.

Актуелниот европски шампион Шпанија е вториот патник во финалето на Светското првенство, откако синоќа ја совлада минимално, но заслужено Германија со 1:0.

Стрелец на единствениот погодок беше халфот Карлес Пујол во 73 минута, кога  највисоко скокна по нафрлување од корнер и со глава ја смести топката зад немоќниот Ноер.

Двете репрезентации во поголемиот дел од натпреварот играа внимателно, но Шпанците ја имаа иницијативата и создадоа повеќе шанси.

Ова е најголемиот успех на Шпанија во историјата, која досега само еднаш се пласирала на четвртото место во далечната 1950 година.

Шпанија во финалето ќе игра против Холандија, која досега двапати во историјата го зазела второто место.

Шпанскиот селектор Винсенте дел Боске, кој мечот го започна без Фернандо Торес, изјави дека е горд на сите играчи.

„Не сакам да зборувам за имиња. Сите се подеднакво заслужни за овој триумф. Остваривме голем резултат, пред нас останува уште еден натпревар и сакаме првенството да го завршиме со победа“, рече Дел Боске.

Селекторот на Германија Јоаким Лев изрази уверување дека Шпанија ќе биде новиот светски шампион.

„ Сакам да им честитам на Шпанците за победата. Верувам дека тие ќе бидат новите шампиони, бидејќи се најдобри во последните две-три години. Одлично ја контролираа топката, што ни создаде големи проблеми,“ рече Лев. /крај/ап/