Спорт
Три златни медали за Унгарија на ЕП во пливање

Целосна доминација на домашните пливачи, кои освоија три златни медали, на четвртиот натпреварувачки ден на ЕП во Будимпешта.
Целосна доминација на домашните пливачи, кои освоија три златни медали, на четвртиот натпреварувачки ден на ЕП во Будимпешта. Женската штафета на Унгарија, на 4×200 метри слободно го освои златниот медал со резултат, 7:52.69, среброто и припадна на штафетата на Франција, бронзата замина за Велика Британија. Даниел Ѓурта, со нов рекорд на шампионатите, 2:08.68 минути, го освои златниот медал на трката на 200 метри градно. Норвежанецот Александар Оен Дале го освои среброто, бронзата му припадна на Иго Дибоку од Франција. Успешниот ден за унгарското пливање го затвори Каталин Хошу која со нов рекорд на шампионатите, 2:10.09 минути, победи на трката на 200 метри мешано, среброто и бронзата ги освоија нејзината сонародничка Евелин Верашто и Хана Мајли од Велика Британија. Камиј Лакур од Франција имаше импресивна трка на 50 метри грбно, тој победи со време 24:07 секунди, што е за само три стотинки послабо од времето на светскиот рекорд на Лијам Танкок, кој на оваа трка го освои сребрениот медал, бронзата замина кај Гај Барнеи од Израел. Полскиот пливач Павел Коржениовски го освои златниот медал на трката на 200 метри пеперутка, победничкото време изнесува, 1:55.00 минути. Место на победничкиот пиедестал обезбедија Николај Скворцов од Русија и Јоанис Дримонакос од Грција. Џема Спофорт од Велика Британија победи на трката на 100 метри грбно, во финалето таа единствена пливаше под една минута, 59:80 секунди. На второто место се пласира нејзината сонародничка Елизабет Сајмондс, бронзата ја освои Џени Месинг од Германија. На трката на 800 метри во женска конкуренција златниот медал го освои, Лоте Фрис од Данска, среброто и припадна на Сириел Офели Етиен од Франција, а бронзата ја освои Федерика Пелегрини од Италија.крај/ап/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Алкараз го „збриша“ Шаповалов за осминафинале во Париз

Светскиот рекет број 1 и прв носител, Карлос Алкараз покажа дека е прв фаворит за титулата од Ролан Гарос, откако во ноќниот меч на францускиот гренд слем со 6:1/6:4/6:2 го декласираше Канаѓанецот Денис Шаповалов.
Шампионот од САД опен, Алкараз во следното коло ќе се судри со Италијанецот Лоренцо Мусети, светскиот рекет број 18, кој во исто толку доминантен меч со 6:1/6:2/6:4 беше подобар од Британецот Камерон Нори.
Алкараз започна фантастично, правејќи предност од 5:0 во првиот сет и освојувајќи го само 32 минути. Потоа во вториот сет, Шаповалов се врати во ритам и поведе со 0:2 и со 2:4, но потоа неговата игра се „сруши“ и противникот лесно стигна до 2:0 предност во сетови. Во третиот сет, два брејка му беа доволни за победа.
Еден од неговите најголеми конкуренти за титулата, петтиот носител, Гркот Стефанос Циципас покажа импресивна форма во 6:2/6:2/6:3 победа над Аргентинецот Диего Шварцман.
Спорт
Серхио Рамос си заминува од Пари Сен-Жермен

Шпанскиот ветеран Серхио Рамос потврди дека си заминува од Пари Сен-Жермен на крајот на сезоната, откако францускиот шампион не му понуди обновување на договорот.
Рамос пристигна на „Паркот на принцовите“ од Реал Мадрид пред две години, откако „кралевите“ не му понудија продолжување на договорот и имаше две неимпресивни сезони во француската Лига 1.
Ова беше посебно изразено во првата сезона, во која имаше минимален број на настапи поради серијата повреди.
#MerciRamos 🔴🔵 pic.twitter.com/nqcTWYWp4F
— Paris Saint-Germain (@PSG_inside) June 2, 2023
Спорт
Рајс отворен за трансфер во Баерн по „позитивните“ преговори

Капитенот на Вест хем, Деклан Рајс е подготвен да ги одбие понудите на Арсенал и Манчестер јунајтед и својата кариера да ја продолжи во Германија, поточно во Баерн Минхен, јавува „Скај спортс“.
Се очекува „чеканите“ ова лето да се согласат на трансфер на нивниот најдобар фудбалер, и според „Скај“ имал позитивни преговори со германскиот шампион во Лондон и е согласен на преселба доколку двата клуба се согласат.
Вест хем постојано тврдеа дека неговиот трансфер нема да може да биде под 100 милиони евра, и останува да се види дали Баварците ќе се согласат на оваа сума.
❗️News #Rice: The meeting with him in London was positive! Rice has given the feeling that he can well imagine a move to Bayern!
➡️ Bosses have discussed him in the last days again
➡️ Bayern want to prepare an official offer as their next step
➡️ Tuchel main driver.… pic.twitter.com/ys7bRl76D9— Florian Plettenberg (@Plettigoal) June 2, 2023