Спорт
Фелпс супериорен на 200 пеперутка

Осумкратниот олимписки шампион од Пекинг, американскиот пливач Мајкл Фелпс, победи на трката на 200 метри пеперутка на Панпацифик првенството кое се одржува во Ирвине, Калифорнија.
Осумкратниот олимписки шампион од Пекинг, американскиот пливач Мајкл Фелпс, победи на трката на 200 метри пеперутка на Панпацифик првенството кое се одржува во Ирвине, Калифорнија. Делницата Фелпс ја преплива со време една минута, 54 секунди и 11 стотинки, што преставува најдобар резултат оваа сезона. Фелпс за цела должина на телото беше побрз од Ник Дарси од Австралија, третото место го освои Такеши Мацуда од Јапонија. За Фелпс ова беше 31-та последовна победа во финалните настапи на 200 пеперутка, последен пат во оваа дисциплина е поразен во 2002 година. На 200 метри слободно убедлива победа забележа Рајан Лохти, неговото време е најдобро оваа година, изнесува една минута, 45 секунди и 30 стотинки. Втор трката на 200 слободно ја заврши Парк Тае-Хван од Кореја, трет беше сонародникот на Лохти, Питер Вандеркај. Арон Пирсол, со резултат 53:31 секунди, победи на трката на 100 метри грбно, на 50 метри пеперутка, со најбрзо време оваа сезона, 23:03 секунди, победата ја однесе Цезар Сиело од Бразил.крај/ап/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.