Спорт
Поповски и Мицевска победија на триатлонот во Струга
Во организација на НВО „Алфа и омега“ и Локалната самоуправа, денес во Струга се одржа државното првенство во триатлон.
Во организација на НВО „Алфа и омега“ и Локалната самоуправа, денес во Струга се одржа државното првенство во триатлон.
Триатлонот е комбинација на три дисциплини, пливање, возење велосипед и трчање. На стартот на трката се појавија дваесет натпреварувачи, должината на патеката изнесуваше 25.750 метри.
Патеката по вода и копно, во сениорска конкуренција најбрзо ја минаа Мартина Мицевска и Стојан Поповски. Мицевска во Струга ја одбрани титулата која ја освои минатата година, на целта таа стигна со време од 54 минути и 26 секунди, второ време оствари Симона Трајановска.
„Временските услови беа извонредни, мене во целост ми одговара топлото време. Задоволна сум што успеав да ја одбранам ланската титула“, изјави по пристигнувањето на целта, Мицевска.
Кај сениорите, Стојан Поповски и пред стартот важеше за најголем фаворит во својата конкуренција, трката ја заврши со време од еден час, 7 минути и 41 секунда. Зад победникот целта ја минаа домашниот натпреварувач, Никола Кутаноски и Михајло Трајковски.
„Трката беше беспрекорно организирана. Ова за мене е трета последователна шампионска титула, а од 2004 година не сум поразен во Македонија“, вели Поповски.
Трката за него е подготвителна за настап на Светското првенство, кое за две недели ќе се одржи во Будимпешта и Балканскиот куп кој на 17 септември ќе се одржи на Пелопонез.
„На Светското првенство ќе бидам единствениот од Македонија. Очекувам пласман во првата половина, што за мене како најмлад во таа конкуренција ќе биде голем успех. На Балканскиот куп се надевам дека ќе бидам меѓу најдобрите шест“, вели за Макфакс, Стојан Поповски.
Триатлонската патека во јуниорска конкуреција беше со должина од 18.500 метри, во оваа конкуренција победи Лука Гаревски, целта ја мина со време од 48 минути и 50 секунди.
„Трката беше многу напорна. Триатлонот бара многу посветеност и работа. Сепак болката е само привремена, златниот медал ќе остане вечен. Ова ми беше добра подготовка за Балканскиот куп на 17 септември на Пелопонез“, изјави Гаревски.
Зад Гаревски во јуниорска конкуренција трката ја завршија Стефан Вуков и Костадин Несторов.крај/макфакс/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јунајтед стави 11 играчи на трансфер листата
Манчестер Јунајтед игра уште една лоша. Поради тоа Сер Џим Ретклиф и останатите челници на „црвените ѓаволи“ донеле радикална одлука, во летниот преоден рок на продажба ќе биде половина од тимот.
Шестото место, 53 бодови и 24 бодови зад лидерот Арсенал по 33 одиграни натпревари сигурно никого не задоволува на „Олд Трафорд“.
Покрај тоа, клубот го загуби финалето на Лига купот и заврши на четвртото место во групата на Лигата на шампионите во конкуренција на Баерн, Копенхаген и Галатасарај.
Пред неколку дена Манчестер Јунајтед на „мускули“, по изведувањето пенали го елиминираше Ковентри во полуфиналето на ФА Купот. За трофејот ќе игра против Манчестер Сити на 25 мај на Вембли.
Поради тоа во клубот донеле радикална одлука. 11 играчи ќе бидат ставени на трансфер листата и ќе можат да го напуштат клубот во летниот преоден рок.
На списокот има Во него има неколку звучни имиња:
Арон Ван-Бисака
Виктор Линделоф
Хари Мегваер
Рафаел Варан
Касемиро
Кристијан Ериксен
Антони
Дони Ван де Бек
Џејдон Санчо
Ентони Марсијал
Маркус Рашфорд
Спорт
Судењето на Манчестер Сити ќе започне во „блиска иднина“
Првиот човек на Премиер лигата, Ричард Мастерс, изјави дека „во блиска иднина ќе се одржи рочиште за случајот со Манчестер Сити по сите 115 точки“.
Бен Рамсби, истражувачки новинар на англиски Телеграф, ја објави веста на својот профил на мрежата „Х“.
Со коментар дека „ова е најблиску до кое Мастерс дошол да спомне конкретен датум“.
Некои информации кои се појавија во јавноста на крајот на минатата година укажуваа дека судењето би можело да започне есента 2024 година.
Сити е обвинет по 115 точки од обвинението за повеќекратни финансиски прекршоци. Истрагата започна уште во 2018 година и продолжи до почетокот на 2023 година, а беа проверени и одлуките и работењето на клубот од сезоната 2009/10.
Што значи тоа „во блиска иднина“ останува да видиме. Судењето веќе е одложено поради откривање на нови докази и сведоци подготвени да сведочат.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.