Тренерот на Реал Мадрид, Зинедин Зидан е заразен со вирусот Ковид-19, потврди „кралскиот клуб“.

„Реал Мадрид потврдува дека нашиот тренер Зинедин Зидан доби позитивен тест на коронавирусот“, се наведува во кусото соопштение.

Зидан, денес, требаше да одржи прес-конференција во пресрет на натпреварот со Алавес.

Тренерот се наоѓа во изолација и ќе ги пропушти наредните неколку натпревари на Реал.

Comunicado Oficial: Zidane#RealMadrid

— Real Madrid C.F. (@realmadrid) January 22, 2021

Шпанските медиуми објавија, дека Зидан во четвртокот го водел тренингот и дека разговарал со играчите за дебаклот и елиминацијата во Купот од Алкојан.

Во отсуство на Зидан, Реал на гостувањето во Алавес, треба да го предводи неговиот прв помошник Давид Бетони.

Фудбалскиот клуб Арсенал, до крајот на сезоната, во своите редови го донесе Мартин Одегар и голманот Мет Рајан. Одегар, незадоволен од својот статус во Реал, побарал да биде испратен на позајмица, додека голманот Рајан ќе треба да ја засили конкуренцијата на оваа позиција, иако е статистички најлошиот голман во Премиер лигата.

Мартин Одегар, по брилијантната сезона во Реал Сосиедад (7 гола, 9 асистенции). се врати во Мадрид, меѓутоа од Зинедин Зидан не ја доби вистинската шанса. Од почетокот на декември, тој одигра само пет минути и тоа против Шахтјор во Лигата на шампионите.

Самиот побарал да замине, желбата му беше да се врати во Реал Сосиедад, меѓутоа Реал не сакаше да ги испрати во редовите на конкурентот. Од ваквиот развој на настаните профитираше Арсенал.

Арсенал, го позајми Одегар, беа обврска да мора да го откупи неговиот договор. Норвежанецот по завршувањето на сезоната ќе мора да се врати во Мадрид.

Трансферот на Одегар делува логично, но на англичаните не им е јасно зошто клубот го ангажираше голманот Рајан, кој поради лошата форма остана без местото на голот во Брајтон.

Рајан е статистички најлошиот голман оваа сезона во Премиер лигата.

Претседателот на Фудбалската федерација на Македонија (ФФМ), Муамед Сејдини, на прес-конференција реагира на вчерашното соопштение на Агенцијата за млади и спорт (АМС).

АМС, вчера, ја извести јавноста за продолжување на неправилностите во работата на Фудбалската федерација на Македонија (ФФМ) спротивни од Законот за спортот, утврдени со инспекцискиот надзор извршен на денешен ден пред две години.

Сејдини вели дека дека решението на второстепената комисија е конечно и против него нема право на жалба, но дека има право на тужба против, на овој начин, донесениот управен акт.

ФФМ во согласност со законите поднесе тужба, со која поведе управен спор против државната комисија за одлучување во втор степен во врска со нејзиното решение.

Во продолжение е обраќањето на првиот човек на ФФМ, Муамед Сејдини.

„Со факти и одлука на хартија да им покажеме и потврдиме колку не знаат и колку не се срамат што не знаат.

За тоа, драг Наумче Мојсовски, директор на Агенцијата за млади и спорт – се одговара.

Во текот на вчерашниот ден, и до мене стигнаа шпекулации дека одредени претставници на клубовите од македонската лига се повикувани во државни институции, присилувани да потпишуваат некаква поддршка за бојкот на Генералното Изборно Собрание на Фудбалската федерација на Македонија, уценувани со поделбата на ваучерите. Шпекулациите одеа дотаму што на големо се споменуваше и името на Премиерот на нашата држава.

Одбивав да верувам во таквите „игри без граници“ сѐ додека не го прочитав соопштението од Агенцијата за млади и спорт објавено на нивната официјална страна.

Во известувањето од Агенцијата за млади и спорт се вели дека при извршен инспекциски надзор во Фудбалската федерација на Македонија се утврдени низа неправилности спротивно на Законот за спорт.

Наведуваат дека решението било обжалено и после сите институционални и законски процедури и рокови, жалбата беше отфрлена како неоснована од страна на Државната комисија за одлучување во втор степен во областа на инспекцискиот надзор и прекршочна постапка, со што Решението стана правосилно и извршно и против него не е дозволена жалба.
И сега доаѓаме до моментот од кој треба да се срамиме сите ние од начинот на кој постапуваат одредени наши инситуции, во овој случај највисокото државно тело за спорт.

Вистина е дека решението на второстепената комисија е конечно и против истото нема право на жалба. Но, има право на тужба против, на овој начин, донесениот управен акт.

Фудбалската федерација на Македонија согласно законите поднесе тужба со која поведе Управен спор против државната комисија за одлучување во втор степен во врска со нејзиното Решение.

И бидејќи овој „сакам кажам – не знам речам“ начин на комуникација е нивен избор, а ние „на сила“ сме принудени да се браниме од нешто што не е вистина, еве, тука пред вас и пред цела јавност ја објавувам пресудата од поднесената тужба против поништеното решение кое Агенцијата за млади и спорт најави дека ќе го спроведува.

Пресудата вели дека тужбата на тужителот Фудбалска федерација на Македонија СЕ УВАЖУВА. Решението се ПОНИШТУВА.
За ова, драг Наумче Мојсовски, директор на Агенција за млади и спорт се одговара.

За ваквиот начин на постапување се известени УЕФА и ФИФА, кои го следат овој случај од моментот кога се вршеше инспекцискиот надзор. Известени се за сите одлуки и начинот на кои се носени тие одлуки.

Не дај Боже, никој од нас не посакува, но чувствувам обврска да истакнам дека ваквото постапување може да донесе „квантен скок“ ама наназад за македонскиот фудбал и нашите репрезентации.

Причина за тоа нема да биде Фудбалската федерација на Македонија, ниту јас како претседател, туку срамното и слепо однесување на поединци и институции со цел да се стави рака врз Фудбалската федерација на Македонија.

На крајот, Ве уверувам дека Фудбалската федерација на Македонија ќе продолжи да се спротивставува на било каков притисок кој не доаѓа од фудбалското семејство. За сѐ друго сме отворени за соработка се цел продолжување на сонот кој го живееме“.

Фото/ffm.mk