Македонија, сепак, нема да игра во осминафиналето во својот прв настап на Европското првенство во одбојка, откако Финска со 3:2 (25:20, 15:25, 18:25, 25:23, 15:12) успеа да ја победи Турција и да не прескокне на четвртото место на табелата во групата Ц.

По победата на Турција над Белорусија (со која Турците го обезбедија местото меѓу најдобрите 16), за Македонија да влезе во елитата и да осигура дуел со Франција ни беше потребна уште една победа на Турците.

Сепак, Финците влегоа помотивирано во мечот и поведоа со 1:0 во сетови, пред Турција да направат пресврт и да поведат со 2:1. Финска на крајот успеа да го освои четвртиот тесен сет и на крајот со 15:12 да го добие тај-брејкот за да го освои четвртото место на табелата, додека Турците се трети.

ЕВРОПСКО ПРВЕНСТВО

ГРУПА А

Португалија – Романија 1:3 (21:25, 25:19, 18:25, 23:25)

Франција – Италија  3:1 (25:22, 22:25, 25:21, 25:22)

Табела: 1.Франција 15, 2.Италија 12, 3.Бугарија 9, 4.Грција 3, 5.Романија 3, 6.Португалија 3

ГРУПА Б

Германија – Словачка 3:0 (25:23, 30:28, 25:19)

Белгија – Србија 0:3 (19:25, 21:25, 19:25)

Табела: 1.Србија 12, 2.Белгија 11, 3.Германија 7, 4.Словачка 5, 5.Шпанија 3, 6.Австрија 1

ГРУПА Ц

Словенија – Русија 0:3 (21:25, 21:25, 21:25)

Финска – Турција 3:2 (25:20, 15:25, 18:25, 25:23, 15:12)

Табела: 1.Русија 15, 2.Словенија 9, 3.Турција 7, 4.Финска 6, 5.Македонија 6,, 6.Белорусија 2

ГРУПА Д

Украина – Естонија 3:0 (25:17, 25:15, 25:14)

Холандија – Чешка 2:3 (18:25, 25:18, 20:25, 25:22, 14:16)

Табела: 1.Полска 12, 2.Холандија 10, 3.Украина 9, 4.Чешка 5, 5.Црна Гора 3, 6.Естонија 0

Пари Сен-Жермен и без Нејмар во составот (ја отслужува суспензијата за навреда на УЕФА), успеа да стигне до 3:0 победа над Реал Мадрид, откако Анхел ди Марија постигна два гола против својот поранешен клуб, додека Динамо Загреб забележа неверојатна 4:0 победа над дебитантот во ЛШ, Аталанта.

Во другите мечеви, Јувентус не „изддржа“ водство од 0:2 и дозволи Атлетико да се врати за 2:2 реми, Баерн Минхен со 3:0 ја реши Црвена звезда, додека Манчестер сити лесно се „прошета“ до 3:0 победа кај Шахтјор, додека Локомотив Москва со 2:1 ги изненади Баер Леверкузен.

ПСЖ уште во првото полувреме го реши победникот во дербито на колото, откако Анхел ди Марија двапати успеа да ја „скрши“ одбраната на „кралскиот“ клуб, прво во 14. минута, а потоа и во 33. минута. Герет Бејл потоа постигна еден гол каков што ретко се гледа, но тој беше поништен поради играње со рака. Томас Муние во 91. минута ги постави конечните 3:0.

Неверојатен меч се одигра на „Максимир“, каде што Динамо Загреб, полесно од очекувањата со 4:0 ја „сотре“ италијанска Аталанта, чии навивачи нема по добро да го паметат првиот меч на клубот во Лигата на шампионите. Мислав Оршиќ постигна хет-трик против италијанскиот прволигаш, но според многумина човек на одлука беше неверојатниот Шпанец, Дани Олмо кој му намести два гола.

Баерн Минхен, исто така со победа го стартуваше настапот во Лигата на шампионите, по 2:0 триумфот над мотивираната Црвена звезда. Кингсли Коман ја продолжи одличната форма со гол во 34. минута, а Роберт Левандовски на 10 минути пред крајот ја осигура победата, пред Томас Милер да ги постави конечните 3:0 во 91. минута.

ГРУПА А

Клуб Бриж – Галатасарај 0:0

Пари Сен-Жермен – Реал Мадрид 3:0

ГРУПА Б

Олимпијакос – Тотенхем 2:2

Баерн Минхен – Црвена звезда 3:0

ГРУПА Ц

Шахтјор Доњецк – Манчестер сити 0:3

Динамо Загреб – Аталанта 4:0

ГРУПА Д

Атлетико Мадрид – Јувентус 2:2

Баер Леверкузен – Локомотив Москва 1:2

ПСЖ – РЕАЛ МАДРИД

ДИНАМО ЗАГРЕБ – АТАЛАНТА

БАЕРН МИНХЕН – ЦРВЕНА ЗВЕЗДА

АТЛЕТИКО МАДРИД – ЈУВЕНТУС

ШАХТЈОР – МАНЧЕСТЕР СИТИ

Гостувањето на Реал Мадрид кај Пари Сен-Жермен не помина најдобро, но можеше да биде поинаку ако ВАР-системот не го поништеше фантастичниот гол на Велшанецот Герет Бејл во 35. минута од нивниот меч.

Велшанецот успеа да го лобува голманот на ПСЖ и негов поранешен соиграч Кејлор Навас од 20 метри откако прво ја „жонглираше“ топката во 35. минута, кога неговиот тим губеше со 2:0, но ВАР одлучи дека топката ја „закачи“ раката на Бејл кога паѓаше над неговото рамо. Секако, ова не изгледаше дека е намерно, но англискиот судија Ентони Тејлор го поништи голот.

This is utter filth from Gareth Bale, however it was ruled out by VAR because of a handball.

Will this go down as one of the greatest goals not given?🤭🤯 pic.twitter.com/9AJQGl3lQJ

— “ (@labeledsocial) September 18, 2019