Спорт
Скандали го пратат изборот на новиот шаховски претседател
Шаховскиот свет ќе почека уште неколку часа за да го дознае името на новиот претседател на Европската шаховска федерација.
Шаховскиот свет ќе почека уште неколку часа за да го дознае името на новиот претседател на Европската шаховска федерација.
Силвио Данаилов е кандидатот кој има најмногу шанси во следните четири години да ја предводи оваа организација.
Изборот се одржува на маргините на 39-та шаховска олимпијада, чии домаќин е рускиот град Ханти Мансијск. Организациски неуспех и редица скандали го следат изборот на новиот прв човек на Европската шаховска федерација.
Претпладневниот дел мина во знак на судирот помеѓу претседателот на ФИДЕ, Кирсан Иломжинов и легендарниот Гари Каспаров.
„Во минатото кога јас и Карпов се боревме за светската титула, главни градови на шахот беа Париз и Њујорк. Сега со Иломжинов шахот се сели во Налчик, Астрахан, Елис. Тоа се случува кога ќе ги загубите спонзорите, тогаш големите шаховски настани се одржуваат на такви места“, изјави Каспаров.
Утринава тој го обвини раководството на ФИДЕ за политички маневри и манипулации со изборите. Каспаров во Ханти Мансијск пристигна за да му даде поддршка на некогаш големиот противник Анатолиј Карпов.
Иломжинов не се согласува со Каспаров и смета дека негова заслуга е што шахот сега се игра насекаде низ светот. „Некогаш се играше само во Москва или Париз, а сега играме во Ханти Мансијск, неодамна бевме во Перу, Либија, Иран. Ние ја проширивме шаховската мапа. Дали некој пред 10 години можеше да помисли дека олимпијадата ќе се одржи тука“, изјави за новинската агенција ИТАР-ТАСС, Иломжинов. крај/бгнес/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Во сообраќајна несреќа тешко повреден Бабнгида, брат му загина, сопругата и детето се во критична состојба
Поранешниот нигериски фудбалер Тијани Бабангида (50) имал тешка сообраќајна несреќа на автопатот во Нигерија, а во несреќата загинал неговиот три години помлад брат Ибрахим.
Тијани, неговата сопруга, син и куќна помошничка, кои исто така биле во автомобилот, со тешки повреди биле примени во болница.
Некои медиуми тврдат дека Тијани е свесен, а остатокот од семејството сѐ уште е во критична состојба, но закрепнува.
Тијани Бабангида беше репрезентативец на Нигерија од 1994 до 2004 година и играше на Светското првенство во 1998 година, а најголема трага во клупскиот фудбал остави во Ајакс во периодот од 1996 до 2003 година.
Тијани моментно е претседател на Здружението на професионалните фудбалери на Нигерија. Фудбал играше и трагично загинатиот Ибрахим. Најмногу играше за африкански клубови, но стигна и до холандски Волендам.
Спорт
Евролига: Прочида најдобар млад играч
Кошаркарот на Алба од Берлин, Габриеле Процида е прогласен за најдобар млад играч на Евролигата, објавено е на веб-страницата на елитното натпреварување.
Прочида е третиот Италијанец кој ја освоил престижната награда, по Андреа Барњани (2005/06) и Данило Галинари (2007/08).
Талентираниот кошаркар имаше голема конкуренција за наградата, особено од неговиот соиграч од Алба и сонародник Матео Спањоло.
Сепак, тој имаше поголема улога во тимот, поради што и го доби признанието кое го изгласаа тренерите на екипи во Евролигата.
Оваа сезона имаше просек од 8,3 поени, 1,6 скока и 1,4 украдени топки.
Сезонава 10 пати имаше двоцифрен учинок, а најдобра партија ја имаше против Макаби, кога мечот го заврши со 22 поени и три украдени топки.
Спорт
Дест се враќа во Барселона – ПСВ нема да го откупи неговиот договор
Сержињо Десет како позајмен од Барселона во ПСВ ја освои титулата во Холандија со клубот од Ајндховен. Сепак ПСВ нема да го откупи неговиот договор и покрај тоа што во клубот биле задоволни од неговите изданија. Причината е повредата на коленото од која репрезентативецот на САД се уште не се рехабилитирал.
Дест во јуни ќе се врати во Барселона каде ќе ја продолжи со рехабилитацијата по операцијата на коленото во Холандија.
Дест се пресели од Ајакс во Барселона во 2020 година, вкупно за Барселона одигра 72 натпревари и постигна три гола.
Тој минатата сезона замина на позајмица во Милан, незадоволен од својата минутажа во Барселона, а оваа сезона ја мина на позајмица во ПСВ.
Се очекува тој да се врати на терените на почетокот на 2025 година.