Спорт
Англија по петтата победа по ред

Продолжуваат возбудувањата во квалификацискиот циклус средби за Светското првенство во 2010 година.
Нашата селекција гостува во Амстердам на „Амстердам Арената“ каде ќе се обиде да направи подвиг и да ја совледа репрезентацијата на Холандија.Еве ги двојките кои ќе бидат актуелни оваа среда:Група 119:00ч Унгарија – Малта20:15ч Данска – АлбанијаТабела: Данска 10 (4), Унгарија 10 (5), Португалија 6 (5), Шведска 6 (4), Албанија 6 (6), Малта 1 (6)Група 217:30ч Летонија – Луксембург20:30ч Грција – Израел20:30ч Швајцарија – МолдавијаТабела: Грција 10 (5) и Швајцарија 10 (5), Израел 9 (5), Летонија 7 (5), Луксембург 4 (5), Молдавија 1 (5)Група 320:30ч Чешка – Словачка20:30ч Полска – Сан Марино20:45ч Северна Ирска – СловенијаТабела: Северна Ирска 10 (6), Словачка 9 (4), Чешка 8 (5) и Словенија 8 (5), Полска 7 (5), Сан Марино 0 (5)Група 419:30ч Лихтенштајн – Русија20:45ч Велс – ГерманијаТабела: Германија 13 (5), Русија 9 (4), Финска 7 (4), Велс 6 (5), Азербејџан 1 (4), Лихтенштајн 1 (4)Група 517:00ч Естонија – Ерменија20:00ч Турција – Шпанија20:45ч Босна и Херцеговина – БелгијаТабела: Шпанија 15 (5), Босна и Херцеговина 9 (5), Турција 8 (5), Белгија 7 (5), Естонија 2 (5), Ерменија 1 (5)Група 616:30ч Казахстан – Белорусија20:30ч Андора – Хрватска21:00ч Англија – УкраинаТабела: Англија 12 (4), Хрватска 7 (4), Украина 7 (3), Белорусија 3 (3), Казахстан 3 (4), Андора 0 (4)Група 720:30ч Австрија – Романија21:00ч Франција – ЛитванијаТабела: Србија 12 (5), Литванија 9 (5), Франција 7 (4), Австрија 4 (4), Романија 4 (4), Фарски Острови 1 (4)Група 817:00ч Бугарија – Кипар19:00ч Грузија – Црна Гора20:50ч Италија – Република ИрскаТабела: Италија 13 (5), Република Ирска 11 (5), Бугарија 4 (4), Кипар 4 (4), Црна Гора 2 (4), Грузија 2 (6)Група 920:45ч Холандија – Македонија21:00ч Шкотска – ИсландТабела: Холандија 12 (4), Исланд 4 (4), Шкотска 4 (4), Македонија 3 (3), Норвешка 2 (3).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мега пресврт, Нико Вилијамс го продолжи договорот со Атлетик Билбао

Атлетик Билбао објави голема вест на социјалните мрежи. Крилниот напаѓач Нико Вилијамс го продолжи договорот со клубот. 22-годишникот потпишал договор кој трае до 2035 година, а клубот исто така потенцира дека клаузулата за откуп на договорот е зголемена „за повеќе од 50%.“
Досега, таа изнесуваше 60 милиони евра, со новиот договор таа е зголемена на над 90 милиони.
Оваа вест доаѓа како големо изненадување бидејќи е познато дека Вилијамс преговараше со Барселона со месеци, а локалните медиуми го сметаа трансферот за завршен и договорен.
💥 Nico Williams renueva con el Athletic Club hasta 2035.
El extremo rojiblanco se vincula al club de su corazón durante las próximas diez temporadas y su cláusula de rescisión aumenta más de un 50%. #NicoWilliams2035 #AthleticWIN 🦁
— Athletic Club (@AthleticClub) July 4, 2025
Блауграна останува без најголемиот трансфер оваа сезона и ќе мора да бара нови опции.
„Нико Вилијамс и Барселона се договорија за сите детали. Фудбалерот на Атлетик Билбао ќе потпише шестгодишен договор за новиот клуб со нето плата помеѓу седум и осум милиони евра по сезона. Барселона моментално преговара со Атлетик за финансиските услови за да го комплетира трансферот“, објави Фабрицио Романо пред две недели.
Иако млад, Вилијамс веќе одигра 167 натпревари за Атлетик, постигна 31 гол и забележа 30 асистенции.
Foto/ EPA-EFE/RONALD WITTEK
Спорт
Погребот на Диого Жота и Андреа Силва во сабота во Гондомар

Диого Жота (29) и неговиот брат Андре Силва (26) загинаа во сообраќајна несреќа во шпанската покраина Замора во средата навечер.
Бдеење за фудбалерите на Ливерпул, Диого Жота и неговиот помлад брат Андре Силва, се одржува денес во нивниот рден град Гондомар, во близина на Порто, а погребот ќе се одржи во сабота.
Собирот започна околу 8 часот наутро по локално време во Црквата на Воскресението, изјави локален свештеник за новинската агенција ПА, објави Би-Би-Си.
Свештеникот Хозе Мануел Маседо изјави за агенцијата дека погребот ќе се одржи во сабота од 10 часот наутро по локално време. Двете возила, вклучувајќи и мртовечко возило, беа пречекани со аплауз и солзи од локалното население и навивачите кои ги исполнија улиците во близина на погребалниот дом и главната црква во Гондомар.
Британските медиуми објавија дека сè уште не е јасно дали семејството ќе се одлучи за приватен или јавен погреб, но се очекува да присуствува португалскиот претседател Марсело Ребело де Соуза.
Жота (29) и неговиот брат Андре Силва (26) загинаа во сообраќајна несреќа во шпанската покраина Замора во среда навечер, кога нивниот автомобил излета од патот. Шпанскиот весник „Марка“ објави дека автомобилот се запалил и пламенот брзо се проширил на блиската вегетација.
Браќата починале околу половина час по полноќ откако пукнала гума на нивниот автомобил додека се обидувале да престигнат друго возило.
Тие патувале со автомобил од Порто до ферибот за Англија, каде што Жота требало да им се придружи на своите соиграчи од Ливерпул на предсезонски подготовки.
Жота бил подложен на мала операција и лекарите го советувале да не патува со авион, па затоа планирал да се врати во Ливерпул со брод и автомобил.
Фото/ EPA/ADAM VAUGHAN
Спорт
Трамп ќе организира УФЦ борба во Белата куќа

Претседателот на Соединетите Американски Држави, Доналд Трамп, секојдневно ги исполнува медиумите со неверојатни изјави, а на митинг пред поддржувачите во Ајова, тој се осврна и на спортски теми.
Станува збор за традиционален собир пред 4 јули, датумот на кој беше ратификувана Декларацијата за независност на САД во 1776 година. Паралелно со воената парада во главниот град, Трамп објави какви планови има за следната годишнина, која ќе биде јубилејна 250-та.
„Гледате ли УФЦ? Големиот Дејна Вајт. Ќе организираме УФЦ борба на на почвата пред Белата куќа. Имаме многу простор таму. Дејна ќе го направи тоа“, е амбициозниот план на американскиот претседател.
Трамп, познат по својата љубов кон боксот и MMA и неговите гостувања на ревиите за боречки вештини, продолжи да зборува за шефот на УФЦ и го објасни планот подетално.
„Ќе имаме УФЦ борба за титула, вистинска борба, со 20 или 25 илјади луѓе. Тоа ќе биде дел од прославата на 250-годишнината“, рече Трамп.
Претседателот, исто така, објави дека дел од програмата ќе бидат таканаречените „Патриотски игри“ во кои натпреварувачи од сите 50 „држави“ ќе се натпреваруваат во различни спортски дисциплини.
„Ќе имаме неверојатни настани. Некои ќе бидат професионални, некои ќе бидат аматерски, но борбата на УФЦ ќе биде голем настан“, подвлече Трамп.
Foto/ EPA-EFE/CRISTOBAL HERRERA-ULASHKEVICH