Спорт
Шевченко во Лондон, ја решава својата иднина

Украинскиот интернационалец, Андриј Шевченко, кој е моментално на позајмица во Милан, се врати во Лондон да ја реши својата иднина со Челзи, пишува tuttomercatoweb.
Недоволниот придонес за тимот може да значи дека тој би се збогувал и со Росоњерите и Сините ова лето.Добитникот на Ballon d’Or за 2004 година ги напушти Милан и замина во Челзи за 30 милиони фунти во 2006 година, но неговите слаби настапи во Англија го вратија назад во Италија на позајмица оваа сезона.Фановите се надеваа дека тој ќе се обиде да ја повтори старата слава со Росоњерите, но за жал тоа не се случи и Шева настапи 17 пати во Серија А без да постигне ниту еден погодок во лигата.И покрај последните изјави дека би сакал да остане во Милано, сега изгледа дека најверојатно ќе се врати во Лондон на крајот на сезоната и ќе направи трансфер во трет клуб по разочарувачките резултати изминативе три години.Печатот веќе почна со шпекулациите дека 32-годишниот украинец ќе започне со потрага на клуб од среден ранг каде би можел да добие повеќе минути на теренот.Постои и можност да се врати во Украина, каде ја започна својата кариера во Динамо Киев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шпански тинејџер е најскапиот играч во историјата на Комо

Шпанскиот крилен играч Хесус Родригез потпиша за Комо до 2030 година во трансфер вреден 22 милиони евра. Родригез стана најскапиот играч во историјата на клубот.
Рекордот што претходно го држеше Мартин Батурина брзо беше срушен. Пред една недела Батурина дојде во Комо од Динамо Загреб за 18 милиони евра.
Хесус Родригез ќе наполни 20 години во ноември, а минатата сезона постигна пет гола на 44 натпревари за Бетис.
Момчето родено во Севилја често се споредува со легендата на клубот, познатиот Хоакин, во однос на неговиот стил на игра.
Foto/ EPA
Спорт
Голманот на Порто пред трансфер во Манчестер Сити

Манчестер Сити е блиску до потпишување на договорот со голманот на Порто и Португалија, Диого Кошта, тврди британскиот сервис Би-би-си.
Повикувајќи се на свои извори, Би-би-си, пишува дека Сити се согласил да ја активира откупната калузула во договорот на голманот која изнесува 75 милиони евра.
Според овој извор, Кошта веќе се согласил да се пресели во Манчестер Сити, а неговиот менаџер, Жорге Мендеш, моментално е во интензивни преговори со двата клуба за трансферот да се реализира што е можно поскоро.
Диого Кошта одигра 43 натпревари за Порто минатата сезона, прими 45 гола, на 19 натпревару не прими гол.
Foto/ EPA-EFE/ANNA SZILAGYI
Спорт
Легендарниот Уругваец ќе се пензионира

Легендарниот напаѓач Луис Суарез ќе стане слободен агент на крајот од оваа година, бидејќи му истекува договорот со Интер Мајами.
Како што пишува шпански „Ас“, Уругваецот размислува да стави крај на својата феноменална кариера по завршувањето на соработката. Суарез има 39 години и во последните неколку сезони има проблеми со коленото, што му отежнува да игра натпревари секоја недела.
Суарез би сакал да се збогува со Интер со освојување на титулата. Тој моментално е втор најдобар стрелец во историјата на клубот со 34 гола, а првиот е Лионел Меси со 50.
Пред неколку недели, Суарез го објави новиот уругвајски клуб што го формираше заедно со Аргентинецот. Гласините сугерираат дека уругвајскиот напаѓач би можел целосно да се посвети на проектот, особено ако се пензионира.
Интер планира да стане поамбициозен во следните неколку месеци, бидејќи Светското клупско првенство покажа дека тимот не не конкурентен против некои од најдобрите тимови во светот.
Клубот е фокусиран Меси, односно да го убеди да остане, а потоа се засили со врвни играчи за да создадат конкурентен тим. Според најновите извештаи, Суарез не е дел од плановите.
Foto/ EPA-EFE/CRISTOBAL HERRERA-ULASHKEVICH