Спорт
Непобедливиот Федерер експрес
Со вчерашната титула на Ролан Гарос Роџер Федерер влезе во екслузивното но, сепак мало друштво на великани кои имале чест и привилегија да ги освојат сите гренд слем титули во историјата на белиот спорт.
Тоа друштво на великани до сега го сочинуваа Дон Баџ, Фред Пери, Род Лавер, Рој Емерсон и Андре Агаси, а од вчера им се придружи можеби најдобриот тенисер на денешницата, брилијантниот швајцарец Роџер Федерер. Рафаел Надал можеби е помлад од Федерер, и го има тој почетен ентузијазам, сила и издржливост кои ги носи младоста, но Федерер го има искуството, мудроста која доаѓа со годините поминати на терените. Сепак, не е претерување кога дури и лаиците кои немаат големо познавање од тенисот ќе речат дека се кај швајцрецот е апсолутно брилијантно. Начинот на игра, неговиот професионализам, посветеноста, неговиот личен живот. -Многу сум среќен за тебе- изјави Агаси кога му го врачи пехарот а сите присутни во Парис, знаеја дека истото го мисли и неговиот ривал, Надал каде и да беше во тој миг. -Сега кога го освои Парис, тој си го зацврсти местото во историјата како најдобриот тенисер кој некогаш ја играл оваа игра- рече Сампрас со гордост како да се работи за него, за неговите постигнувања и успеси.Но, ако не му верувате на него, бројките никогаш не лажат.14 Гренд слем титули вкупно. 3 пати го освои Австралијан Опен, 5 пати Вимблдон, и 5 пати последователно УС опен. И се разбира Ролан Гарос. А за безбројните помали турнири и егзибициони мечеви не ни треба да се трошат зборови. Минатата година доби честа за која сонува секој спортист, тој беше знаменосецот кој гордо парадираше со швајцарското знаме на отварањето на Олимписките игри. На денот на својот роденден. А тој како одличен професионалец им се оддолжи на најдобриот можен начин. Го освои златниот медал во двојкино ,немаше сили за златото во сингл. Тој сеуште го држи рекордот за најдолго време последедователно поминато на врвот на АТП листата со 237 недели на самиот врв. Или поточно од 2004 до 2008 година. Но она што навистина фасцинира кај Федерер е неговата скромност, џентлментски манири кои му доликуваат само на великаните, и контролата на приватниот живот . Да бидеме искрени дали сте слушнале да прострујат гласини за секс скандал, неспортско однесување на терените, пијанчење надвор од нив, или пак тепачки со фановите? Серазбира дека не. Да, тој имаше мали проблеми со самоконтролата и бесот по секој загубен поен на почетокот на кариерата кој пак го истураше врз своите рекети, но тие моменти на ексцеси одамна се минато. И сега кога е среќно женет човек и иден татко( се шпекулира дека тој и неговата сопруга Мирка чекаат син) тој е можеби единствениот човек на светот кој може да рече дека има се. Што е следно на агендата на Федерер? Вимблдон се разбира. Минатата година таа титула му ја украде неговиот ривал Надал, во најдоброто Вимблдон финале на сите времиња. Во тој епски меч кој легендата Џон Мекенро го нарече : најдобриот меџ кој сум го гледал Надал стигна до првата Вимблдон титула во кариерата. Но Федерер експрес нема да запре тука. Следно на што ќе атакува е да си го врати првото место на АТП листата кое минатата година му го зема Надал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) „Граѓаните“ зачекорија во финалето на Лига купот
Фудбалерите на Манчестер Сити со „една нога“ се во финалето на Лига Купот на Англија, откако во првиот натпревар од полуфиналето го победија Њукасл на гостински терен со 2:0.
Херој на „граѓаните“ на „Сент Џејмс Парк“ беше Антоан Семењо, новодојденец од Борнмут кој го постигна вториот гол во вториот натпревар за Сити.
Се играше 53-та минута кога брзоногиот крилен напаѓач, на асистенција на Бернардо Силва, постигна гол и, веројатно, го реши ова полуфинале. Десет минути подоцна репрезентативецот на Гана постигна уште еден гол, истиот беше поништен од ВАр собата.
„Граѓаните“ ја потврдија победата и си обезбедија мирен реванш на домашен терен, кога Рајан Шерки постигна гол во 99-та минута.
Реваншот ќе се одигра на 4 февруари на стадионот „Итихад“ во Манчестер.
Лондонските ривали Челзи и Арсенал се среќаваат во второто полуфинале, а првиот натпревар е закажан за среда на стадионот „Стемфорд Бриџ“.
Спорт
Роџерс Мато има договор со Хартс
Фудбалерот на Вардар, Роџерс Мато, по завршувањето на сезоната ќе се пресели во челнот на Премиер лигата на Шкотска, Хартс.
Мато, во Хартс ќе се пресели како слободен играч, бидејќи договорот му истекува по завршувањето на сеозната. Трансферот на Мато го потврди шкотскиот клуб на официјалната интернет страница и социјалните мрежи.
Фудбалерот од Уганда со актуелниот лидер во Шкотска потпишал договор до јуни 2029 година.
Спорт
Мајкл Керик го презеде Манчестер Јунајтед
Неколку дена по оставката што му беше врачена на Рубен Аморим, Манчестер Јунајтед го објави неговиот наследник.
Како што беше објавено, клупата ќе ја преземе Мајкл Карик, кој ќе ги предводи „црвените ѓаволи“ во остатокот од сезоната.
„Мајкл Карик се врати. Нашиот поранешен капитен ќе биде наш главен тренер до крајот на сезоната 2025/26“, се вели во официјалното соопштение.
Карик одигра 464 натпревари за Јунајтед, освојувајќи пет титули во Премиер лигата, ФА Купот, два Лига Купа, Лигата на шампионите, Лигата на Европа и Светското клупско првенство.
Тој се приклучи на првиот тим откако се пензионираше како играч во 2018 година и работеше под водство на Жозе Мурињо и Оле Гунар Солскјер.
По заминувањето на Норвежанецот, Карик го водеше тимот како вршител на должноста менаџер.
Поранешниот англиски репрезентативец последен пат беше вработен во Мидлсбро, кој го водеше две и пол години, од октомври 2022 година.
Foto/ depositphoto

