Спорт
Јунајтед се плаши од нас- Марк Хјуз

Менаџерот на Манчестер Сити Марк Хјуз најави дека сезоната која престои во Англија ќе биде доста интересна со оглед на тоа дека неговиот тим ќе биде значително подобар во однос на оној од лани.
Хјуз во пресрет на новата сезона најавува дека помалку популарниот клуб од Манчестер ќе се обиде да го достигне нивот на својот градски ривал Јунајтед со освојување на некој трофеј.”Јунајтед размислуваат за нашата ситуација посериозно отколку што ние можеме да го направиме тоа, и не се само тие кои размислуваат така. Но она што се случува овде може да им помогне на Јунајтед со тоа што ние ќе им одзимаме бодови на останатите од големата четворка, но сакаме да им одземеме бодови и на Јунајтед исто така. Кога Сер Алекс Фергусон вели дека Ливерпул е нивниот најголем ривал, тоа е така поради успехот кој го имаат и двата клуба. Ривалството таму е поради тоа што и двата клуба го имаат постигнато. Нашето ривалство со Јунајтед повеќе е од локална природа, но сакам да се вратат деновите кога ние се боревме за некои трофеи. Сакам да освоиме некој трофеј бидејќи тоа ќе биде знак на прогрес. Би било одлично за нас да го освоиме Карлинг Купот оваа година. Се сеќавам што им значеше на Јунајтед освојувањето на овој Куп пред три години. Тие го победија Виган во финалето и тоа беше нивни прв трофеј по неколку години пауза. Трофејот ви дава поголема мотивација. Сакам да го однесам Манчестер Сити во финале, тоа е една од моите цели” – изјави Марк Хјуз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Марк Маркез со рекорд до пол-позицијата во Аргентина

Возачот на Дукати, Марк Маркез, ја освои пол-позицијата пред ГН на Аргентина, втората трка од овогодинешниот шампионат во Мото ГП.
Осумкратниот светски првак уште од почетокот на акцијата ги поместуваше границите на патеката „Термас де Рио Ондо“, а на пат до втората пол-позиција сезонава, постави нов рекорд, 1:36.917 минути.
Исто како и пред две недели во Тајланд, најблиску до него беше неговиот помлад брат, Алекс, возач на Гресини Дукати, кој заостануваше 246 илјадитинки. На браќата Маркез во првиот стартен ред им се приклучи сензационалниот Жоан Зарко на ЛЦР Хонда.
Вториот стартен ред го заврши Фабио ди Џанантонио од тимот БР46, следен од Фабио Квартаро на Јамаха и тимскиот колега Франко Морбидели. Меѓу првите десет се најдоа Марко Бецеки од Априлија и фабричкиот возач на Хонда Жоан Мир.
Спринт трката во Аргентина е закажана за 19 часот, додека Големата награда е закажана за во недела во истиот термин.
Спорт
Тадиќ потпишал за Ајакс

Душан Тадиќ потпиша договор со Ајакс и ќе се врати во Холандија, пренесуваат турските медиуми. Поранешниот српски репрезентативец по две години се враќа во Амстердам, тврдат овие извори.
По елиминацијата на Фенербахче од Лига Европа и промашениот пенал на Тадиќ, навивачите го критикуваа исто како и целиот тим. Српскиот играч за врска по се изгледа одлучи дека најдобар потег е враќањето во Ајакс.
Тадиќ имаше понуда од Фенербахче да го продолжи договорот и се чинеше дека ќе ја прифати понудата. Но откако по промашениот пенал од лутите навивачи доби пораки дека е „најдобро да не се враќа во Истанбул“, по се изгледа дека решил да ја прифати понудата од поранешниот клуб.
Доколку тврдењата на турските медиуми се точни, Тадиќ по две години ќе се врати на арената Јохан Кројф, каде што играше од 2018 до 2023 година.
Спорт
Реал го нуди Чуамени за Енцо Фернандез

Енцо Фернандез пристигна во Челзи на крајот на претходната година за 121 милион евра од Бенфика. Англиските медиуми пишуваат дека тој би можел да го напушти клубот во летниот преоден рок, во размена на фудбалери меѓу Челзи и Реал Мадрид.
Шпекулациите говорат дека Реал го нуди Орелиен Чуамени и пари за аргентинскиот репрезентативец, кој со националниот тим стана светски и јужноамерикански шампион.
Наводно, Реал Мадрид веќе извесно време е заинтересиран за 24-годишниот играч за врска на Челси. Фернандез има договор со Челси до јуни 2032 година.
Фернандез има пет гола и девет асистенции во 34 одиграни натпревари оваа сезона. Според информациите на англиските медиуми, Фернандез не би имал ништо против да се пресели во Мадрид.
Чуамени, кој Карло Анчелоти го користи на дефанзивниот среден ред и позициите во одбраната, е под договор со Реал до летото 2028 година.