Спорт
Боксерската репрезентација во посета на Агенцијата за спорт и млади

Во просториите на Агенцијата за млади и спорт директорот Драган Ѓурчевски ја прими македонската боксерска репрезентација во состав Вели Мумин, Димитар Ташков, Жута Факлум и Примислав Димовски кои од 28 август до 13-ти септември ќе учествуваат на Светското првенство во Рим
Боксерската репрезентација во изминатиот период беше на подготовки во Охрид и во понатамошниот период продолжува со подготовките во Софија, Бугарија каде ќе се подготвува во придружба на боксери од повеќе земји а предвидени се и спаринг-борби со квалитетни боксери кои ќе настапат на престојното Светското првенство. Репрезентативците од 10-ти август заминуваат во тренинг-кампот во Милано и ќе се подготвуваат три седмици пред почетокот на Светското првенство.Директорот Драган Ѓурчевски истакна дека целата македонска јавност ќе ги следи нивните настапи на Светското првенство и од нашите боксери ќе се очекува медали. Целокупните подготовки на репрезентацијата ги покри Агенцијата за млади и спорт, а македонските репрезентативци ја истакнаа својата благодарност за поддршката од страна на Агенцијата за млади и спорт и посочија дека преку овие континуирани подготовки ќе влезат во борбата за медал.Инаку следејќи ги досегашните примери за подршка на националните селекции и успешна презентација на меѓународно ниво, Агенцијата за млади и спорт обезбеди комплетно нова спортска опрема за настап на нашите репрезентативци на престојното светско првенство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Погребан Диого Жота, соиграчите од Ливерпул дојдоа со венци во форма на дресови

Погребот на португалскиот фудбалер Диого Жота и неговиот брат Андре Силва се одржа во Гондомар.
Членови на семејството, пријатели и колеги фудбалери присуствуваа на погребната церемонија.
Претставници на Ливерпул беа, меѓу другите, Вирџил ван Дајк и Енди Робертсон.
Едниот носеше букет цвеќе во форма на дрес со број 20 (бројот на Жота), а другиот со број 30 (бројот на Андре Силва).

Тука беа и португалските репрезентативци Бруно Фернандеш, Рубен Дијас, Жоао Феликс, Бернардо Силва, Руи Патрицио, а поранешниот соиграч Жоао Мутињо положи венец во име на Вулверхемптон.

Спорт
„Во Фенербахче ми нудеа допинг“

Францускиот фудбалер Алан Сен Максиман излезе во јавноста со многу сериозни обвинувања против Фенербахче, каде што играше претходната сезона.
Тој беше позајмен од Ал Ахли во турскиот клуб. Одигра 31 натпревар, забележа четири гола и исто толку асистенции.
Сен Максиман беше гостин во подкаст со францускиот јутјубер Зак Нани и искажа зборови што ќе одекнат.
Имено, тој изјави дека му нуделе допинг во турскиот клуб, со закани дека не смее да зборува за тоа.
„Фенербахче не стана шампион и не е шампион 11 години поради работи што немаат никаква врска со фудбалот. Клубот е опколен од надворешни влијанија. Дури и се обидоа да ме натераат да земам допинг таму во еден момент. Луѓето не го знаат тоа, бидејќи не можете отворено да зборувате за тоа кога сте таму, тие ви се закануваат од сите страни. Ти велат: „Ако зборуваш, ќе ти направиме ова или она“. Во Турција бев во ситуации што ги надминуваат границите на фудбалот“, рече Максиман.
Сепак, тој зборуваше со пофалби за Жозе Мурињо, но дека атмосферата во Истанбул е многу проблематична.
Се очекува Фенербахче да даде соопштение во оваа пригода.
Foto/ EPA
Спорт
Ливерпул остатокот од договорот на Жота ќе му го исплати на неговото семејство

Ливерпул ќе ги исплати преостанатите две години од договорот на починатиот Диого Жота на неговото семејство.
Како што објави португалскиот „Рекорд“, клубот од „Енфилад“, откако ќе го повлече дресот со број 20, ќе ги измири и преостанатите две години од договорот, кои ќе му бидат исплатени на семејството на починатиот Жота.
Фудбалскиот свет беше запрепастен од информацијата дека португалскиот фудбалер загинал во сообраќајна несреќа, кога тој и неговиот брат починале во Шпанија, во близина на португалската граница во областа Замора.
Жота беше член на Ливерпул, каде што пристигна во 2020 година и оттогаш постигна 65 гола во 182 натпревари. Со Ливерпул ја освои Премиер лигата, ФА Купот и два Лига Купа.
Во текот на својата кариера играше и за Пакош Фереира, Атлетико Мадрид, Порто и Вулверхемптон.
Играше 49 пати за Португалија и постигна 14 гола, двапати освојувајќи ја Лигата на нации.
Погребот на браќата Жота ќе биде оваа сабота.
Foto/ EPA/PETER KLAUNZER