Кристијано Роналдо поради коронавирусот ќе го пропушти натпреварот против Барселона во Лигата на шампионите. Втор пат во последните дена тестот што му бил направен на Португалецот бил позитивен.

Ова значи дека Роналдо ќе мора уште некој ден да мине во домашен карантин што значи дека нема да игра против Верона на 25.октомври во Серија А и три дена подоцна против Барселона.

Оваа информација ќе ги разочара фудбалските фанови кои со нетрпение го чекаа првиот дуел помеѓу Роналдо и Меси, по пауза од две години.

🚨🚨🚨 Cristiano, nuevo positivo: baja contra el Barça https://t.co/pW8GPj8OcH

— MARCA (@marca) October 22, 2020

Претседателот на ФИФА, Џани Инфантино, изјавил дека не бил заинтересиран за европска Супер лига. Англиските медиуми пред неколку дена објавија дека оваа лига ќе ја покрене ФИФА, што ќе значи карај за Лигата на шампионите. ФИФА во овој проект, според овие извори, ќе влезела со 6.000.000.000 долари. Наводно, учеството во Супер лигата го потврдиле Манчестер Јунајтед и Ливерпул, а блиску до потврден одговор биле и од Реал Мадрид.

Првиот човек на ФИФА, Инфантино, во интервју за „Аргауер Цајтунг“ рекол дека светската куќа на фудбалот е сконцентрирана на Светското клупско првенство кое во новиот формат, со 24 екипи, ќе се одржи во 2022 година.

„Како претседател на ФИФА сум заинтересиран за Светското клупско првенство, а не за Супер лигата. Тука не се работи за натпревар помеѓу Баерн и Ливерпул, туку за натпревар помеѓу Баерн и Бока Јуниорс. Ливерпул има 180 милиони навивачи низ светот, Фламенго повеќе од 40 милиони од кои 39 милиони се во Бразил. Ливерпул можеби има 5 милиони навивали во Европа, но во светот за него навиваат 175 милиони луѓе“, рекол Инфантино и дополнил.

„Сакам клубовите кои не се од Европа, во иднина, да бидат привлечни на глобално ниво. Тоа е мојата визија. Сакм да имаме 50 клубови и 50 репрезентации кои би можеле да станат светски шампиони“.

Новата сезона во кошаркарскиот шампионат на Македонија ќе започне на 31.октомври. Од Кошаркарската федерација на Македонија објавија дека пред почетокот на сезоната секој учесник во натпреварувањето пред почетокот на натпреварувањето е должен да потпише изјава-согласност со која ќе потврди дека ќе ги почитува општите мерки за превенција и заштита од Ковид-19 пропишани од страна на надлежните државни органи и од страна на федерацијата.

„Раководејќи се според актуелниот здравствен и безбедносен билтен кај клубовите од Прва лига-мажи, и имајќи го во предвид фактот дека екипите кај кои беа забележани позитивни тестирања од Ковид-19 не можеа да го реализираат во целост тренажниот процес пред 21. октомври, раководството на федерацијата одлучи првото коло од новата натпреварувачка сезона 2020/2021 да се одигра на 31. октомври.

Во таа насока, секој учесник во натпреварувањето пред почетокот на натпреварувањето е должен да потпише изјава-согласност со која ќе потврди дека ќе ги почитува општите мерки за превенција и заштита од Ковид-19 кои важат во делокругот на кошаркарскиот спорт, како и дека ќе ги почитува најавените протоколи за превенција и заштита од Ковид-19, од страна на надлежните државни органи и од страна на федерацијата. Вклучително и посебните мерки за превенција и заштита од Ковид-19 наложени од организаторот на натпреварувањата во рамките на федерацијата.

Федерацијата секојдневно ќе ја следи состојбата во нашата држава од здравствен аспект и во консултации со Комисијата за заразни болести и Институтот за јавно здравје, по потреба ќе бидат донесени и дополнителни одлуки за почеток и реализација на понатамошниот тек на натпреварувањето“, стои во соопштението кое е објавено на интернет-страницата на Кошаркарската федерација на Македонија.

фото/kfsm.mk