Фулам им се приклучи на Лидс јунајтед и Вест Бромвич Албион во премиерлигашкото „друштво“ следната сезона, откако со двата гола на Џо Брајан во продолженијата стигнаа до тешко извојувана 2:1 победа над Брентфорд на „Вембли“.

Мечот кој носи огромна финансиска награда за победникот и членство во најбогатата фудбалска лига на светот, не беше одлучен во првите 90 минути, откако мируваа мрежите на двете страни. Фулам беше четврт во Чемпионшип, додека Брентфорд го имаа освоено третото место.

Клучниот момент се случи во 105. минута, кога Џо Брајан се местеше за слободен удар од огромна далечина, и кога сите (вклучувајќи го и шпанскиот голман на Брентфорд, Давид Раја) очекуваа нафрлање, тој ја смести топката во мрежата. Соништата на Брентфорд за пресврт беа уништени во 117. минута, кога дефанзивецот Брајан го постигна својот втор гол по убава акција на Фулам. Брентфорд во 124. минута од мечот, успеаја да намалат на 2:1 преку Хенрик Далсгард намалија на 1:2, но веќе беше предоцна.

Joe Bryan surprend David Raya !pic.twitter.com/xcWa39M7C6

— FR – EFL Championship (@freflchamp) August 4, 2020

2-0 Fulham Joe Bryan again and that should be them back up to the Premier League. Game too far for Brentford pic.twitter.com/EyqKGIWLfj

— Ollie Glanvill (@OllieGlanvill) August 4, 2020

Манчстер сити го комплетираа трансферот на крилото на Валенсија, Феран Торес во договор вреден 21 милиони фунти, со што шпанскиот младински репрезентативец станува првото големо засилување за тимот на Пеп Гвардиола.

20-годишниот Торес потпиша петгодишен договор со поранешниот англиски шампион, а Валенсија може да добие дополнителни 11 милиони фунти ако се исполнат одредени бонуси околу настапите и пласманот на Сити.

Сити ги победија Манчестер јунајтед, Јувентус, Борусија Дортмунд, Реал Мадрид и Атлетико Мадрид во трката за Шпанецот, а клучен човек беше Пеп Гвардиола, кој лично го убедил Торес да го избере клубот од северот на Англија.

Поради ограничувањата за движење во Велика Британија поради КОВИД-19, Торес ги комплетираше медицинските тестови во Шпанија.

„Презадоволен сум што се приклучувам на Сити. Секој фудбалер сака да игра во напаѓачки тим како Сити, еден од најдобрите на светот. Пеп преферира отворен и агресивен стил, кој го сакам и е менаџер кој е докажан на највисоко ниво“, вели Торес.

Here we go! We’re delighted to announce the signing of @FerranTorres20 from Valencia on a five-year deal ✍️

🔵 #ManCity | https://t.co/axa0klD5re pic.twitter.com/hzCbdoRsxL

— Manchester City (@ManCity) August 4, 2020

Словенечкиот селектор Матјаж Кек проговори за ситуацијата со Јосип Иличиќ, откако околу фудбалерот на Аталанта се појавија голем број на шпекулации, кои одеа дотаму што тврдеа дека тој решил да се откаже од фудбалот.

Иличиќ не заигра за Аталанта по паузата во Серија А поради коронавирусот, со информации дека живее во голем страв и има ментални проблеми поради опседнатоста со болеста. Покрај ова, од Италија имаше шпекулации дека тој е во депресија поради тоа што ја фатил својата сопруга во кревет со друг маж.

Кек вели дека на Иличиќ му треба време и мир сам да ги реши проблемите.

„Мислам дека Јосип заслужува време и мир да ги реши своите проблеми. Од Аталанта се однесуваа на коректен и чесен начин со него во овој момент, што е тешко за некој кој е во очите на јавноста и пред медиумите. Нема потреба за дополнителни коментари“, вели Кек.