Спорт
Барселона со најмногу номинации за УЕФА наградите

Шест играчи кои помогнаа Барселона да го освои трофејот во Лигата на шампионите се номинирани за УЕФА наградите за најдобар играч.
Голманот Виктор Валдез, одбранбениот играч Џерард Пике, играчите од среден ред Чави Ернандез и Андрес Иниеста и напаѓачите Лионел Меси и Самуел Ето кој сега е во Интер се најдоа меѓу номинираните од УЕФА. Останатите играчи доаѓаат или од Манчестер Јунајтед, Челзи или од Ливерпул. Трите играчи од Манчестер Јунајтед се: голманот Едвин Ван Дер Сар, одбранбениот играч Немања Видич и напаѓачот Кристијано Роналдо кој сега е во Реал Мадрид. Играчите кои ќе се борат за наградата беа номинирани од тренерите на 16-те тима кои стигнаа до нок аут фазата во Лигата на шампионите минатата сезона. Победниците ќе бидат официјално наградени следната недела за време на ждрепката за новата сезона од Лигата на шампионите. Голмани: Петр Чех (Челзи), Виктор Валдез (Барселона), Едвин Ванд Дер Сар ( Манчестер Јунајтед).
Одбрана: Џерард Пике (Барселона), Џон Тери (Челзи), Немања Видич (Манчестер Јунајтед).Напад: Самуел Ето и Лионел Меси (двајцата од Барселона), Кристијано Роналдо (Манчестер Јунајтед). Стивен Џерард (Ливерпул), Чави Ернандез и Андрес Иниеста ( двајцата од Барселона)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Брајтон е кошмар за Сити, Вест Хем ја запиша првата победа во сезоната

Попладнево се одиграа два натпревари од третото коло на Премиер лигата. Брајтон го победи Манчестер сити како домаќин, додека Вест Хем славеше во Нотингем против Форест.
Манчестер сити и покрај големите вложувања во летниот преоден рок и враќањето на Родри, се уште е во модот од минатата сезона. „Граѓаните“ во три кола имаат два порази.
Во Брајтон домашниот тим славеше со пресврт во вториот дел, откако Сити во првиот дел поведе преку Ерлинг Халанд во 34-та минута.
Во вториот дел „граѓаните“ се распаднаа, Брајтон изедначи од пенал рпеку ветеранот Џејмс Милнер во 67-та минута, а конечниот удар на Сити му го зададе Брајан Груда во 89-та минута.
Вест Хем првата победа во сезоната ја забележа во Нотингем.
„Чеканите“ до првите бодови во сезоната дојдоа со блиц-криг во финишот на мечот.
Головите за Вест Хем ги постигнаа Џарод Бовен во 84-та, Лукас Пакета во 88-та и Калум Вилсон во првата минута од судиското продолжение во второто полувреме.
Фото/ Принтскрин
Спорт
Катастрофа за Норис и возачите на Ферари – Пјастри победи во Зандворт, Хаџар се искачи на подиумот

Возачот на Мекларен, Оскар Пјастри, триумфираше на Големата награда на Холандија, 15-та трка од овогодинешното првенство во Формула 1, прва по летната пауза.
Во Зандворт, Австралијанецот ја забележаосвои својата седма победа оваа сезона, а деветта во кариерата, откако водеше од почетокот до крајот.
Најблиску до Пјастри беше миленикот на локалната публика Макс Ферстапен во болидот на Ред Бул, додека Исак Хаџар од Рејсинг Булс беше на трето место, за него ова е прв подиум во кариерата.
Покрај доминантното издание на Пјастри, кој никогаш не беше загрозен на врвот, трката беше обележана со повлекувањето на неговиот тимски колега Ландо Норис поради дефект на седум круга до крајот.
Дополнително, беа забележани уште два инциденти, во кои беа вклучени возачите на Ферари. Прво, Луис Хамилтон, во 13. ја изгуби контролата врз автомобилот во третата кривина, кога започна ситен дожд, и удри во заштитната ограда.
Колегата на Хамилтон, Шарл Леклер, исто така остана без пласман, но не по негова вина, туку по вина на Кими Антонели во Мерцедес. Леклер излезе пред Антонели од боксот, но тинејџерот агресивно го престигна на овалниот дел од патеката и Леклер немаше каде да оди и го уништи својот болид.
Антонели за овој инцидент доби казна од 10 секунди, плус уште 5 секунди доби бидејќи со недозволена брзни за движеше ниц пит-лејнот. На крајот тинјџерот остана без поени и покрај тоа што трката ја заврши на шестото место.
Покрај најдбрите тројца бодови во Холандија освоија Џорџ Расел (Мерцедес), Алекс Албон (Вилијамс), Оли Берман (Хас), возачите на Анстон Мартин, Ленс Строл и Фернандо Алонсо, Јуки Цунода (Ред Бул) и Естебан Окон (Хас).
По трката во Зандворд, Пјастри на врвот има голема предност од 34 поени пред тимскиот колега Норис.
Шампионатот во Ф1 продолжува со трката на легендарната патека во Монца.
Foto/ EPA
Спорт
Трипл-дабл на Дончиќ, Словенија ја запиша првата победа

Словенија ја победи Белгија со резултат 86:69 во третото коло од Групата Д на Евробаскетот.
По два порази, Словенците ја оствари својата прва победа на ова првенство и без никакви проблеми ја оправда улогата на фаворит.
Брилијантниот Лука Дончиќ се истакна, ја водеше Словенија до победа со трипл-дабл од 27 поени, додаде 10 скока и 11 асистенции.
Бекот на Лејкерси не започна во вистински ритам, влезе во серија промашувања, но кога го најде ритамот стана вистински кошмар за Белгија.
Словенија постепено ја зголемуваше својата предност од самиот почеток, а тоа се совпадна со будењето на Дончиќ. Доби и поддршка од соиграчите, а одбраната функционираше според идеите на тренерот Секулиќ.
Во следното коло, Словенија се среќава со Исланд, а Белгија игра против Израел.
Foto/ EPA