Спорт
Арсенал е со едната нога во Лигата на шампионите
Треба да се почека и да се проследи реваншот следната недела но Арсенал веќе може да го прослави пласманот во фазата по групи.
Арсенал во вчерашниот квалификационен натпревар за пласман во фазата по групи од Лигата на шампионите го порази тимот на селтик на гостински терен со конеченр резултат од 2:0. Арсенал го диктираше темпото скоро низ целиот натпревар, не оставајќи многу простор за нададот на Селтик. Вилијам Галас го постигна првиот гол во 43-та минута а судбината на Селтик беше запечатена во 71-та минута откако Гери Калдвел потигна авто гол по подавањето на Гаел Клиши. ФК Копенхаген минимално со 1:0 го победи АПОЕЛ Никозија, а победата ја обезбеди чешкиот фудбалер Зданек Поспеч во 54-та минута. ФК Шериф исто така изгуби на домашен терен од Oлимпијакос Пиреас со головите на Сеарсенс во 46-та и Митроглоу во 81-та минута. Штудгарт исто така славеше на гостински терен повторно со резултат 2:0 но овојпат натпреварот беше решен во првото полувреме со помош на головите на Гебхарт од пенал во 28-та минута и на повратникот во тимот Александар Хлеб две минути подоцна. На натпреварот со најмногу голови Спортинг против Фиорентина немаше победник но тимот од Фиренца си обезбеди предност за реваншот на 26-ти овој месец. Први во водство дојдоа гостите во 6-та минута со голот на Варгас а изедначувањето дојде дури во второто полувреме преку Симон Вукчевиќ. Црногорскиот интернационалец ќе го пропушти реваншот следната недела поради црвениот картон кој го заработи само една минута откако го постигна израмнувачкиот гол. Пресвртот на натпреварот се случи во 66-та минута кога Мигел Велосо погоди за 2:1 за Спортинг. Алберто Џилардино ги расипа плановите на Спортинг кога во 79-та минута погоди за конечни 2:2. Денес на програмата е втората половина од последното квалификационо коло за пласман во фазата по групи а силите ќе си ги одмерат: Панатинаикос -Атлетико Мадрид,Лефски Софија-Дебрецени, Олимпик Лион-Андерлехт, Салзбург-Макаби Хаифа, ФК Вентспилс-ФК Цирих.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ферстапен нема намера да го напушти Ред Бул
Четирикратниот светски шампион во Формула 1, Макс Ферстапен, во интервју за швајцарски „Блик“, изјави дека нема намера предвреме да се раздели со тимот на Ред Бул, со кој има договор до крајот на 2028 година.
Иднината на Холанѓанецот беше предмет на многу шпекулации во последните години, особено во првата половина од сезоната 2025. Се шпекулираше дека сака да го напушти Милтон Кејнс и дека би можел да се пресели во Мерцедес.
Сепак, Ферстапен на крајот не успеа да ја активира клаузулата за предвремено ослободување и ќе вози за Ред Бул во сезоната 2026.
„Сега имам 28 години и сум под договор со Ред Бул до крајот на 2028 година. Сакам да го одработам мојот договор. Во оваа фаза целосно ја исклучувам можноста за промена на тимот. Штета е што нема да го имам мојот пријател и ментор Хелмут Марко покрај мене во 2026 година“, рече Ферстапен.
Холанѓанецот изминатата сеозна ја заврши на второто место, зад шампионот Ландо Норис од Мекларен. Бртанецот ја прекина серијата од четири последователни титули на Холанѓанецот во шампионатото на Формула 1.
Foto/ depositphotos
Спорт
Франција лесно против Чешка, Шпанија ја победи Србија
Актуелниот европски првак Франција и Шпанија со победи го отворија 17-то Европско првенство во ракомет. Шпанија во А групата ја победи Србија со 29:27, а Франција во Ц групата убедливо славеше над Чешка со 42:28.
Шпанците од очетокот до крајот го контролираа натпреварот против Србија, кој го решија во првиот дел, кога Србите грешеаа во нападот и промашуваа зицери. Исто така, српските ракометари не се прилагодија на критериумот на судиите од Исланд.
Кај Шпанците се истакна Јан Тарафета со шест гола, Абел Сердио имаше четири, а Касадо, Душебаев, Фис и Гомес имаа по три. Најефикасен играч за Србија беше Урош Којадиновиќ со шест гола. Вања Илиќ постигна пет, исто колку и Дарко Ѓукиќ, а Урош Борзаш постигна четири.
Франција, против Чешка влезе како ачсолутен фаворит и таа улога во целост ја оправда. Прашањето на кончениот победник беше решено во раната фаза од натпреварот.
Ричардсон, Пранди и Наи ја предводеа Франција со по шест гола. Кај Чешка подобри од останатите беа Сола и Сироки со по пет гола.
Foto/ EPA
Спорт
Цимикас се враќа дома
Грчкиот репрезентативец, Костас Цимикас, кој зад себе има лоша полусезона во Рома, би можел да се врати во Олимпијакос по пет и пол години. Клубот од Пиреја прави сè за да се договори со Ливерпул, објави „Газета дело Спорт“.
По доаѓањето на Милош Керкез, во летниот преоден рок, Цимикас стана вишок во Ливерпул и клубот реши да го позајми во Рома. Гркот не успеа да се вклопи во системот на Џанпјеро Гасперини, поради што „волчицата“ ја прекина соработката со левот бек по само шест месеци.
Бидејќи за него нема место ниту во Ливерпул, тој ќе мора да бара нов клуб.
Олимпијакос веќе долго време има проблем токму на позицијата на која игра Цимикас и во клубот се надеваат дека токму тој би можел да им донесе стабилност на црвено-белите во овој дел од теренот.
Цимикас има договор со Ливерпул до летото следната година. Без оглед на тоа што деталите од евентуалниот договор не беа презентирани, сосема е сигурно дека Олимпијакос би побарал позајмица до крајот на сезоната со право на откуп на договорот.
Искусниот грчки фудбалер одигра само 14 натпревари за Рома оваа сезона.
Foto/

