Спорт
Заврши рекреативната велосипедска тура „Витолиште 2009“
![](https://makfax.com.mk/wp-content/uploads/2016/11/5feea7eb-629e-4f6b-b92f-6d45401d5271-203.jpeg)
Во организација на велосипедското спортско друштво „Енерџи“ од Скопје, асоцијацијата МАТА и општина Прилеп, во Мариово денеска се одржа рекреативната велосипедска тура „Витолиште 2009“
На велосипедската тура, околу 80 рекреативци и активни велосипедисти денеска поминаа неколку часа во мариовската природа, возејќи ја само таканаречената Црвена патека долга 28 километри. Патеката е една од четирите неодамна трасирани во близина на Витолиште со вкупна должина од 170 километри. Сите учесници на велосипедска тура „Витолиште 2009“ се согласни дека Витолиште е една од локациите кои нудат можности за планински велосипедизам.„За развој на планинскиот велосипедизам постојат услови и овде во Мариово. Ќе ги расчистиме патеките да бидат безбедни“, изјави Димитар Танев од велосипедскиот клуб „Енерџи“ од Скопје.Според Александар Јовановски, претседател на клубот „Екодрум“ од Охрид, и покрај огромните потенцијали за овој вид туризам Македонија не е доволно искористена за овој спорт. Тој потенцира дека за тоа потребна е помош од туристичките асоцијации и од Стопанската комора на Македонија. Асоцијацијата МАТА купила локации и напуштени куќи во Витолиште кои ќе ги реновира и планира да бидат сместувачки капацитети за селски и друг вид алтернативен туризам во Мариово.„Првите резултати од овој проект ќе се почуствуваат помеѓу три и пет години. Секој што ќе сака ќе може да дојде и да вози. Ќе може да се изнајмат велосипеди, како и да се поправаат“, изјави Весна Аврамовска, директорка на МАТА.Меѓу учесниците на турата беше и аташето за култура во германската амбасада Франк Штесел, кој во јавноста е познат кога на функцијата, од Берлин до Скопје допатува со велосипед, минувајќи 2.500 км за 18 дена.„Македонија е идеално место за велосипедизам. Восхитен сум од природата, фантастично е и чест ми е што сум дел од турава. Треба многу луѓе да ја подржат оваа идеја“, изјави Штесел.Учесниците на велосипедска тура „Витолиште 2009“ ги поздравија прилепскиот градоначалник Марјан Ристески, сопругата на американскиот амбасадор Солви Рикер и претседателот на велосипедската федерација на Македонија, Сашо Димитриоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Србите пееја: Дончиќ е еден од нас; Дончиќ: Срцето бие за Словенија
![](https://makfax.com.mk/wp-content/uploads/2024/06/4d9cc798-111b-4d77-a3be-99d5d353f476.jpg)
Денешниот дел од програмата на Европското првенство ќе почне со натпреварот помеѓу Словенија и Србија.
Натпреварот на „Алијанц арената“ почнува во 15 часот, а навивачите на двете репрезентации ја креваат атмосферата во Минхен пред да влезат на трибините.
Голем број словенечки и српски навивачи ги преплавија улиците на Минхен, се слушнаа и мали спортски провокации.
Српските навивачи им пееја на словенечките навивачи:
„Лука Дончиќ е еден од нас“.
“Luka Dončić jedan je od nas” pic.twitter.com/ErTIyHQOQc
— Милутин (@mylutin) June 20, 2024
Дончиќ е словенечки репрезентативец и еден од најдобрите кошарки во НБА-лигата. Сезонава беше избран во идеалната петорка, беше најдобар стрелец, а со Далас стигна до големото финале, каде што загуби од Бостон во пет натпревари.
Семејството Дончиќ потекнува од селото Бича во Косово.
По повод скандирањата на српките навивачи, се огласи и Дончиќ, кој ѝ даде безрезервна поддршка на репрезентацијата на Словенија.
#SrceBije za Slovenijo ❤️🇸🇮@luka7doncic | @kzs_si pic.twitter.com/7GjovzANAd
— NZS | FA Slovenia (@nzs_si) June 20, 2024
Спорт
Депај се сели во Серија А
![](https://makfax.com.mk/wp-content/uploads/2024/06/1024.jpg)
Мемфис Депај по завршувањето на Европското првенство нема да се врати во Атлетико Мадрид. Тој е слободен играч и поради тоа е цел на неколку клубови.
Според Џанлука Ди Марцио, сериозен интерес за Депај покажал Милан, односно новиот тренер Паоло Фонсека.
Депај може да игра повеќе позиции во нападот.
Депај во својата кариера настапуваше за Манчестер јунајтед, Лион, Барселона и Атлетико Мадрид.
Спорт
ФФМ од Даку побара да ѝ се извини на македонската држава, а од УЕФА да го казни албанскиот репрезентативец
![](https://makfax.com.mk/wp-content/uploads/2024/06/91493_profimedia-0883166315_f.jpg)
Фудбалската федерација на Македонија се огласи по повод навредите кои од теренот на стадионот во Хамбург, ги испрати албанскиот репрезентативец Мирљинд Даку.
Даку (26), роден во Гњилане, инаку фудбалер на Рубин од Казан, додека го славеше со навивачите нерешениот резултат на неговата репрезентација против Хрватска (2:2), зеде мегафон и извика „Е..ш Македонци“.
Ooo qifsa maqedonën pic.twitter.com/CWwAi5sqAq
— 𝗦𝗼𝗹𝗮𝗿𝗻𝗶𝗸® 🪬 (@SolarNik) June 19, 2024
Претходно за време на турнирот, камерите снимија и тетоважа на грбот на Даку, која ја покажува неговата почит командант на УЧК кој загина во 1999 година.
„Ја изразуваме нашата длабока загриженост и недвосмислена осуда во врска со националистички скандирања од Мирлинд Даку, репрезентативец на Албанија, насочени против македонската држава по завршување на вчерашниот натпревар Хрватска – Албанија од Европското првенство.
Однесувањето е неприфатливо и спротивно на основните вредности на спортскиот дух и меѓусебното почитување што ги промовира фудбалот.
Спортот, особено фудбалот е основа за здржување на луѓето од различна национална припадност и средина за соработка и почит.
Националистичката реторика, сепак, ги поткопува овие принципи, поттикнувајќи поделба и непријателство меѓу навивачите и општествата.
Принципите на политичка неутралност се вградени во регулативите на меѓународните асоцијации како што се ФИФА и УЕФА. Фудбалската федерација на Македонија за ваквото скандалозно однесување ќе прати официјален допис до УЕФА.
Го повикуваме фудбалерот на Албанија, Мирлинд Даку јавно да се извини за своето однесување, препознавајќи ја штетата што ја предизвика.
Исто така, ги повикуваме релевантните институции да го истражат овој инцидент и да преземат соодветни дисциплински мерки за зајакнување на стандардите на однесување што се очекуваат од сите спортисти.
Нашата посветеност за промовирање единство, почит и фер игра во спортот останува на прво место“.
Сигурно е дека Даку за овој испад ќе биде казнет од УЕФА.