Спорт
Почина францускиот навивач претепан во Белград

Бри Татон, навивач на францускиот клуб Тулуз кој беше брутално претепан пред натпреварот Партизан – Тулуз на 17-ти септември во Белград, починал како последица на тешките повреди, јавија белградските медиуми
Повеќе белграѓани денеска на оваа вест се собрале пред француската амбасада со цвеќиња и свеќи, изразувајќи го сочувството за смртта на 28-годишниот Татон. Несреќниот навивач во белградскиот клинички центар беше опериран заради повреди на градната аорта и на карлицата, а потоа заради крварењето во мозокот беше подвргнат на уште една тешка операција.Бри Татон беше рутално претепан во бавчата на „Ајриш пабот“ на Обилиќев венац во Белград. Два дена подоцна беа упасени 11 лица, кои се осомничени за нападот. Тој се обидел да побегне, но веќе тешко повреден паднал од висина од шест метри. Напаѓачите употребиле метални шипки, бејзбол палки вонападот врз тројцата франуски навивачи, од кои двајца минаа со поелни повреди. Несреќнито Татон бил изделен од групата икрвнички тепан. Десетмина заработија притвор од 30 дена под сомнение дека извшиле кривично дело обид за убиство,а еден беше пуштен да се брани од слобода.Високи полициски функционери и српски политичари пред извесно веме обвинија дека нападот, сега убиството на Татон, како и други напади врз странци во Белград, се организирана акција на групации кои сакаат да ја држат Србиај подалеку од Европската Унија. Француското министерство за надворешни работи денеска го повтори своето барање за најостри казни протви сторителите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Девонте Греем е новиот играч на Црвена Ѕвезда

Американскиот кошаркар Девонте Греем е новиот играч на Црвена Ѕвезда од Белград, објави белградскиот клуб.
Како што беше најавено, Греем (30) потпиша едногодишен договор со Црвена Ѕвезда.
„КК Црвена Ѕвезда од Белград ја информира јавноста дека новиот играч на нашиот клуб е Девонте Греем. Американскиот комбиниран бек потпиша договор со нашиот клуб во петокот и ќе претставува огромен поттик за Црвена Ѕвезда од Белград во натпреварувачката сезона 2025/26“, објави победникот на Купот „Радивоје Кораќ“.
Греем е роден на 22 февруари 1995 година во Северна Каролина.
Фото/ КК Црвена Ѕвезда
Спорт
Ѓоковиќ станува ко-сопственик на фудбалски клуб

Српскиот тенисер Новак Ѓоковиќ ќе биде еден од инвеститорите во фудбалскиот клуб Ле Ман. Претставници на клубот одржаа конференција во петокот за да ги претстават новите финансиски партнери.
Станува збор за бразилскиот инвестициски фонд „Аутфилд“, кој ќе има малцински удел, а во проектот се вклучени, меѓу другите, Новак Ѓоковиќ, како и возачите на Формула 1 Кевин Магнусен и Фелипе Маса.
Тука е и Џорџ Франгулис, момчето на Арина Сабаленка, кој е и извршен директор на компанијата „Оукбери“, која влегува во клубот преку бразилскиот фонд.
Ле Ман игра во втората лига, Лига 2, оваа сезона, а претседателот Тиери Гомез неодамна потврди дека сака да види доаѓање на нови финансиски партнери во клубот.
Основан во 1985 година, клубот помина шест сезони во највисоката француска лига во првата деценија од 21 век, но не играл во највисоката лига од сезоната 2009/10.
Спорт
Интер на Меси му нуди договор „да игра до кога сака“

Фудбалскиот клуб Интер Мајами е во преговори со Лионел Меси за продолжување на договорот.
Доколку не се случат непредвидени настани, Аргентинецот ќе остане во Мајами. Се зборуваше за негово можно заминување со цел подобро да се подготви за Светското првенство во 2026 година, кое ќе се игра во Канада, Мексико и САД, а би било лош публицитет за Американците ако Лео одлучи да си замине кога ќе му истече договорот на крајот од годината.
Се шпекулираше дека сака да игра во посилна лига, но Интер прави сè за да го задржи, па затоа по негова волја беше доведен и Родриго де Пол од Атлетико Мадрид. Интер за овој трансфер издвои 15 милиони евра.
Покрај тоа, тие размислуваат за договор од најмалку три години, па дури и подолг доколку Лео го сака тоа. Ќе се обидат да постигнат договор според кој Аргентинецот ќе може да избере кога сака да стави крај на својата кариера, односно тоа да не е временски ограничено.
После тоа, Меси би се фокусирал повеќе на учество во управувањето со Интер Мајами, каде што има и акции, но не би било изненадувачки ако се посвети на одредени операции во Барселона.