Спорт
Лацио царуваше во Софија, Андерлехт преживеа со десет играчи

Одиграно второто коло од Европа лигата.
Доцниот гол на Џонатан Лигер беше доволен Андерлехт да освои барем бод од натпреварот против Ајакс, кој и го смести на врвот во групата А. Овој резултат е сосема задоволувачки кога ќе се земе во предвид фактот дека само три минути пред голот Андерлехт остана без капитенот Џел ван Дам, а и Ајакс водеше со голот на Денис Ромедал. Во победата на Лацио во Софија против Левски од 4:0 во првото полувреме доминираше новото убиствено дуо кај „Лацијаните“ Матузалем и Зарате кои и ги постигнаа двата гола во првото полувреме. Победата ја направија поубедлива Мегани и Роки во второто полувреме. Динамо Загреб беше сигурен во Романија против Тимисоара каде со 3:0 се извади за поразот од Андерлехт во првото коло. Головите за Динамо ги постигнаа Баделј во 8-та, Самир во 52-та и Моралес во 59-та минута. Многу голови имаше и во групата Б каде Лил со 5:1 на гости ја торпедира Славија Прага.Славија водеше цело второ полувреме со голот од пенал на Белад, но во второто полувреме по автоголот на Суши, Лил се соземаа и успеаа уште четири пати да ја затресат мрежата на Славија. Два пенали беа досудени на натпреварот во Валенсија против Џенова, а конечниот резултат беше 3:2 за Валенсија благодарение на голот од пенал на Давид Вилја на десет минути пред крајот. Вилја го постигна и израмнувачкиот гол по шокот што го приреди Флокари. Натпреварот Селтик против Рапид Виена беше решен во првото полувреме. Јелавиќ рано ја шокира публиката во Глазгов но во 21-та Мекдоналд успеа да израмни. Дури шест гола беа постигнати во Хамбург против Хапоел Тел Авив. Два постигна Берг а по еден Елиа и Зе Роберто. Околу половина час пред крјот Тел Авив останаа без Бадир па Зе Роберто ја искористи можноста и го постигна четвртиот гол. Само еден гол беше постигнат во групата Д и тоа на натпреварот Спортинг Лисабон против Херта. Голот за Спортинг го постигна Адриен Силва.Фулам со голот на Дени Марфи минимално го совлада Базел.Панатинаикос со истиот резултат на гости го совлада Динамо Букурешт. Галатасарај одигра нерешено дома против Струм Грац. Беихлер погоди за водство на Струм но Барош не дозволи изненадување па погоди за израмнување во 63-та минута.Салзбург на домашен терен беше поуспешен од Вилјареал, а фенербахче на гости од Шериф. Мајсторскиот гол со глава на Мајсторовиќ беше доволен АЕК да ги освои трите бода против Бенфика, додека пак Евертон со пресвртот од Фелаини и Тим Кејхил во второто полувреме не дозволи изненадување во Белорусија против Бате Борисов.Бриж со голот на Перишиќ во судиското продолжение зграби бод од гостувањето во Тулуз. Конечниот резултат беше 2:2.Шахтјор Донетск со четири гола во мрежата на Партизан се искачи на врвот во групата Ј додека Партизан на натпреварот успеа да постигне само еден почесен гол. Фк Копенхаген со голот на Н,Доје минимално ја победи Славија Прага, а истиот резултат беше и во Ејндховен против Клуж. Драма во самиот крај на натпреварот имаше во Бремен на натпреварот Вердер Бремен против Атлетик Билбао. Хант и Налдо погодија за водство 2:0 а во судиското прдолжение се постигнаа дури два гола. Еден на Лоренте и еден од Фрингс од пенал за конечни 3:1 за Вердер. Шумахер израмни за Австрија Виена во натпреварот против Насионал. Рома со головите на Окака Чука и Перота во првото полувреме ја совлада ЦСКА Софија.Група А: Група Б: Група Ц:Андерлехт 4 Валенсија 4 Рапид Виена 4Динамо Загреб 3 Лил 4 Хамбург 3Ајакс 2 Џенова 3 Хапоел Тел Авив 3Тимисоара 1 Славија Прага 0 Селтик 1Група Д: Група Е: Група Ф:Спортинг 6 Фулам 4 Галатасарај 4Вентспилс 2 Базел 3 Панатинаикос 3Хееревен 1 Рома 3 Динамо Букурешт 3Херта 1 ЦСКА Софија 1 Струм 1Група Г: Група Х: Група И: Салзбург 6 Твенте 4 Евертон 6Лацио 3 Фенербахче 3 АЕК 3Вилјареал 3 Стеауа 2 Бенфика 3Левски 0 Шериф 1 Бате Борисов 0Група Ј: Група К: Група Л:Шахтјор 6 ПСВ 4 Вердер 6Тулуз 4 Клуж 3 Атлетик Билбао 3Бриж 1 Копенхаген 3 Национал 1Партизан 0 Спарта Прага 1 Австрија Виена 1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Тинејџер во 100.минута погоди за триумф на Ливерпул

Неверојатен натпревар и голема победа за Ливерпул против Њукасл, со голот на тинејџерот Енгумоа, кој погоди во десеттата минута од судиското продолжение во второто полувреме за конечни 2:3.
Њукасл и Ливерпул одиграа фантастичен натпревар на затворањето на второто коло од Премиер лигата, во кој „стралките“ малку ги делеше од неверојатен подвиг.
Ливерпул не одигра ништо, дури и во ситуација кога имаше играч повеќе, Њукасл доминираше, особено во првите 35 минути, кога со високиот пресинг ја загушија играта на ривалот.
Грабенберг погоди за 0:1 во 35-та минута, а десет минути подцна Гордон поради невнимателен старт доби црвен картон.
По 20 секунди игра Екетике ја зголеми предноста на ливерепул.
Њукасл немаше намера да се рпедаде, се вратија домашните во мечот со головите на Гимараеш во 57. и Осула во 88-та минута. Ја посакуваа домашните победата, и по израмнувањето напаѓаа но без бод останаа во 100-тата минута.
Ги шокира 17-годишниот тинејџер Енгумоа, кој четири минути претходно влезе на теренот. По додавањето на Салах и брилијантно промашената топка на Собослаи, тинејџерот го постигна првиот гол во сениорска конкуренција.
foto/ EPA/ADAM VAUGHAN
Спорт
(Видео) Интер со „петарда“ ја започна новата сезона

Фудбалерите на Интер го затворија првото коло од италијанската Серија А со убедлива победа над Торино со 5:0 (2:0).
„Неро-азурите“ му ја предадоа круната на Наполи минатата сезона, а со овој почеток испраќаат јасна порака дека сакаат да го вратат „Скудетото“ во своите витрини.
„Биковите“ беа целосно инфериорни на „Џузепе Меаца“, а серијата голови отвори Алесандро Бастони во 18-та минута.
Уште толку време му беше потрбно на Маркус Тирано за да го постигне својот прв гол на оваа средба.
Во раната фаза од второто полувреме, Лаутаро Мартинез ја искористи големата грешка на одбраната на Торино за да го зголеми резултатот 3:0, а потоа Тирам постигна убав гол во 62-та минута.
Торино целосно потона, а во 72-та минута „петардата“ ја комплетираше новодојдениот Французин Бони, само пет минути по влегувањето на теренот.
Foto/ EPA/MATTEO BAZZI
Спорт
Богати премии ќе добијат играчите на Црвена звезда ако се пласираат во ЛШ

Црвена звезда загуби од Пафос во Белград со 1:2 во првиот натпревар од плејофот за пласман во Лигата на шампионите. Жоао Кореја и Пепе постигнаа голови за кипарскиот клуб, додека српскиот тим ја намали предноста со голот на Бруно Дуарте.
Српскиот шампион ќе има тешка задача во вторник во 21:00 часот на Кипар, каде што ќе се обиде да го надомести дефицитот и да се пласира во елитното клупско натпреварување.
Доколку успеат во ова, фудбалерите на Црвена звезда ќе добијат големи премии. Според информациите на „Спортклуб“, играчите на Звезда кои ги играат главните улоги ќе бидат наградени со по 100 илјади евра. Премиите наводно ќе се зголемат на 120.000 евра ако се квалификуваат во Лигата на шампионите без продолженија и пенали.
Доколку Црвена звезда испадне, ќе оди во главната фаза на Лигата на Европа, додека Пафос ќе игра во главната фаза на Лигата на шампионите.
Учеството во групната фаза на Лигата на шампионите носи многу пари. Црвена звезда минатата сезона освои шест бода во осум натпревари и го освои 29-то место во конкуренција на 36 клуба. Од УЕФА заработи 32 милиони евра, а тоа не ги вклучува парите што клубот ги заработил на натпреварите што ги одигра на домашен терен.
Во јули оваа година, генералниот директор на белградскиот клуб Звездан Терзиќ потврди дека настапот во Лигата на Европа ѝ носи на Црвена звезда околу 15 милиони евра, односно половина од она што го носи пласманот во Лигата на шампионите.