Спорт
Барселона и Ливерпул на колена
Европскиот шампион Барселона како и Ливерпул се поразени во третото коло од Лигата на шампиони.
Барселона вчера на Ноу Камп претрпе тежок пораз од екипата на Рубин Казан во рамките на третото коло од Лигата на шампионите. Александар Рајазантсев уште во втората минута на натпреварот ја шокира Барселона со прекрасниот гол од речиси 40 метри и донесе молк на Ноу Камп. Рубин водеше се до почетокот на второто полувреме, кога големото засилување на Барса, Златан Ибрахимовиќ со убав гол го поправи впечатокот и за малку се мислеше дека Барселона ќе успее да го сврти на тпреварот во своја полза. Но, екипата на Рубин се созема и го возврати ударот, преку Гокдениц Карадениз, во 73-та минута, за резултат од 2:1 за Рубин Казан, а тој резултат остана се до крајот на натпреварот. Во групата Б, Интер одигра уште еден нерешен резултат, овојпат пртоив Динамо Киев. Исто како и на Ноу Камп така и на Џузепе Меаца, гостите рано го отворија резултатот, овојпат преку Тарас Микхалик, а Дејан Станковиќ израмни во 35-та минута. На почетокот на второто полувреме, автоголот на Лусио ги израдува гостите од Киев, но Волтер Самуел не дозволи ново изненадување во групата Б.Ливерпул е уште еден гигант кој претрпе пораз на домашен терен, сега од Олимпик Лион, и покрај фактот што водеа од 41-та минута со голот на Јуси Бенајун. Лион имаше убиствен финиш со головите од Доналон и Делгадо кон крајот на натпреварот. Вториот на Дегадо беше постигнат во судиското продолжение на натпреварот на Енфилд.Дури седум гола беа постигнати на натпреварот Дебрецен против Фиорентина, шест во првото полувреме, а во само првите десет минути дури три гола. Петер Цвитковиц ги доведе унгарците во водство, уште во втората минута, Адријан Муту израмни по само 4 минути, а Алберто Џилардино ја доведе Фиорентина во водство во 10-та минута. Муту го зголеми водството во 20-та а Гергели Рудолф повторно намали на 2:3 во 28-та минута. Сантана погоди за 2:4 и конечно во 88-та минута Адамо Коулбалу постигна гол за конечни 3:4.Во групата Г, двата домаќини изгубија од гостите.На натпреварот во Глазгов, беа постигнати дури три автогола, а конечниот резултат беше Глазгов 1, Униреа Урзицени 4. Севилја го победи Студгарт на гости со три гола во мрежата на Леман. Сквилачи погоди во двете полувремиња а Навас измеѓу двата гола. Елсон само го облажи поразот за Штудгарт. Арсенал доживеа непријатно изненадување кон крајот на натпреварот во Холандија со израмнувачкиот гол на Мендес во судиското продолжение. Олимпијакос со пресврт дојде до трите бода против Стандард, благодарение на головите од Митроглоу и Стотидис во двете пролувремиња.
Денес се играат натпреварите од групите А,Б,Ц,Д.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пјастри го освои спринтот во Катар пред Расел и Норис
Оскар Пјастри го освои спринтот на патеката „Лосаил“, во пресрет на утрешната Голема награда на Катар. Австралиецот оствари хет-трик во спринтот на оваа патека, победи и претходните две сезони. Пјатри, до победата дојде пред возачот на Мерцедес, Џорџ Расел и тимскиот колега, Ландо Норис.
Апсолутно никакви возбудувања не донсе спринтот во Катар. Првите тројца ги задржаа своите позиции, напредуваше, што беше и очекуано, Макс Ферстапен од шестото на четвртото место.
Во текот на трката, Андреа Кими Антонели успеа да ја поправи својата позиција, стартуваше седми, заврши на шестото место.
Бодови покрај најдобрите тројца, односно Ферстапен и Цунода, освоија и Антонели (Мерцедес), Фернандо Алонсо (Астон Мартин) и Карлос Саинц (Вуилијамс).
Вечерва од 19.30 часот, на програмата се квалификациите за главната трка. Големата награда на Катар се вози утре од 17 часот.
Во генералниот пласман води Норис со 396 поени, има 22 поени повеќе од Пјастри и 25 од Ферстапен. Доколу Норис утре победи ќе ја освои шампионската титула.
Foto/ EPA
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.

