Осум тима од Европа, и по два од Африка и Јужна Америка ќе се борат за последните шест слободни места кои водат кон Јужна Африка

Мирослав Блажевиќ од своите играчи побара во Зеница да ги нападнат португалците како гладни волци. Босна и Херцеговина го загуби првиот натпревар во Португалија со резултат од 1:0. „ Во наредните неколку дена јас ќе морам да креирам атмосфера помеѓу играчите за тие да ги напаѓаат португалците како гладни волци“ изјави Блажевиќ за Дневни Аваз пред само неколку дена. Португалците па од друга страна ќе бидат без својата најголема ѕвезда Кристијано Роналдо.Украина на домашен терен ќе ја пречека Грција, и по ремито без голови во Грција, Украина мора да се потруди за да се пласира на С.П. во Јужна Африка 2010 година. „Во Атина, игравме многу добро во одбраната, и верувам дека можеме да го повториме перформансот во Донетск. Грците дома играа со физички силен стил, но тоа беше дер игра без грубости. Можеме да очекуваме дека грците ќе продолжат со истиот стил во Донетск, и ние ќе бидеме подготвени“ изјави Андриј Шевченко. За реваншот во Донетс, тренерот Алексеј Михаиличенко може да смета на сите играчи освен на Григориј Јармаш кој се пожали на настинка, а неизвесен ќе биде настапот на Тарас Микхалик кој на претходниот натпревар го повреди десното колено. Тренерот на Русија, Гус Хидинк е оптимистички расположен дека ќе Русија ќе се пласира на С.П. во Јужна Африка и покрај гол предноста од гостувањето на словенците во Москва.„Се разбира дека бев разочаран со резултатот. Водевме 2:0 и имавме многу шанси да го зголемиме водството. Но сепак, не треба да одиме во екстреми, сепак го добивме натпреварот, и нема место за паника“.изјави холанѓанецот пред реваншот во Марибор. И Џовани Трапатони е оптимист пред натпреварот на Ирска против Франција, иако ирците дома загубија во првиот натпревар. Иако Трапатони е познат по катанаџо стилот на игра, дури и тој призна дека Французите се за класа подобри противници, барем на хартија.„Мораме да се потпреме на нашите силни точки и да се обидеме да ги искористиме слабите точки на Франција“ изјави Трепатони. Џовани Трапатони нема проблеми со составувањето на тимот, но тоа не може да го каже и Рејмодн Доменеш кој мака мачи со повредите на Џереми Тулалан и Еерик Абидал, а денес се потврди дека и играчот на Арсенал Абу Диаби ќе го пропушти натпреварот со Ирска.Во КОНКАКАФ зоната Уругвај има гол предност на гостински терен во пресрет на реваншот против Коста Рика, а Египет на домашен терен постигна предност од 2:0 против Египет во првиот натпревар, па во реваншот ќе има удобна предност.