Спорт
Олиќ ги врати надежите на Баерн
Ивица Олиќ ги подгреа надежите на Баерн Минхен дека можеби и ќе се квалификуваат во нок аут фазата од лигата на шампионите откако Јувентус беше поразен од Бордо во вчерашниот натпревар од петтото коло
Баерн Минхен минимално со голот на Ивица Олиќ во 62-та минута ја совлада Макаби Хаифа, и сега се наоѓа на само бод пред Јувентус кој изгуби од тимот на Бордо со конечен резултат од 2:0. „Мислам дека за квалификување сега шансите се 50-50“ изјави тренерот на Баерн, Луис Ван Гал.Јувентус пак е во многу незгодна позиција откако го претрпе првиот пораз во лигата на шампионите оваа сезона, од тимот на Бордо.Фернандо во 54-та минута го постигна првиот гол, а Шаман вториот во судиското продолжение од второто полувреме. „Жал ми е за овој пораз. Имам сеуште надеж дека ќе се квалификување во последниот натпревар. Ќе играме на домашен терен и нема да се задоволиме со нерешен резултат.“ изјави Чиро Ферара. ЦСКА Москва со пресврт дојде до трите бода во натпреварот против Волфсбург, и си ги задржа шансите за пласман во нок аут фазата.Един Џеко во 19-та минута го доведе Волфсбург во водство, а во второто полувреме Томаш Нецид и Милош Красиќ погодија за победа и три бода за ЦСКА. Волфсбург и ЦСКА имаат по 7 бода на табелата пред Манчестер Јунајтед со 10 бода.Манчестер пак изгуби од Бешикташ во натпревар кој ништо не смени за „црвените ѓаволи“. Тимот на Сер Алекс Фергусон остана на првата позиција во групата Б.Милан и Олимпик Марсеј одиграа нерешено во Милано. Бориело погоди за водство на Милан во 10-та минута а Гонзалез израмни по само 6 минути.Единствениот гол на Игуаин беше сосема доволен за Реал Мадрид да ги освои трите бода од натпреварот против ФК Цирих. Реал се наоѓа на првото место во Ц со 10 бода.АПОЕЛ Никозија и Атлетико Мадрид одиграа реми со резултат 1:1 во Никозија. Миросавлевиќ ги доведе домаќините во водство уште во 5-та минута, а Симао израмни во 65-та.И двата тима немаат никакви шанси за продолжување на натпреварувањето во Лигата на шампионите, но ќе се борат за Европа лигата. Челзи со единствениот гол од Анелка обезбеди нови три гола на гостувањето против Порто, и убедлива предност пред останатите конкуренти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Спорт Италија: Се подготвуваат револуционерни промени во Наполи
Наполи, минатата сезона ја освои Серија А. Тоа беше трета титула во клупската историја и прва од 1990 година. Сезоната по освојувањето на титулата е вистински кошмар за Наполитанците. Во финишот на сезоната, Наполи се наоѓа на осмото место со 49 бодови, дури 37 помалку од новиот шампион Интер.
„Спорт Италија“, пишува дека Наполи оваа сезона доживеа „огромно разочарување“ поради што во летниот преоден рок ќе „има ревилуционерни промени“. Претседателот на клубот Аурелио Де Лаурентис изјави дека ниту еден играч не е недопирлив, што значи дека сите би можеле да бидат продадени.
„Постои сериозна опасност од револуција која може да ги вклучи дури и клучните играчи кои го освоија Скудетото, како Џовани Ди Лоренцо (30) и Франк Ангуиса (28)“, пишува „Спорт Италија“.
Ди Лоренцо е репрезентативец на Италија и капитен на Наполи, со кого има договор до летото 2028 година. „Трансфермаркт“ неговата вредност ја проценува на 18 милиони евра. Во Наполи е од 2019 година, а претходно во кариерата играше за Кунео, Калабрија, Матера и Емполи.
Ангуиса е камерунски централен играч за врска чиј договор е до 2025 година, но постои опција да се продолжи за уште две сезони. Во кариерата играше во Марсеј, Фулам и Виљареал. Според „Трансфермаркт“ тој е проценет на 30 милиони евра.
„Спорт Италија“, тврди дека главната ѕвезда на Наполи, Виктор Осимхен (25) се поврзува со клубови како ПСЖ и Баерн, а Де Лаурентис неколку пати изјави дека за него ќе бара повеќе од 100 милиони евра. Тој има договор до летото 2026 година, „Трансфермаркт“ го проценува на 110 милиони евра.
Познато е веќе дека Пјотр Зјелински како слободен играч ќе се пресели во Интер.
Спорт
„Бевме пијаници, а потоа дојдоа нутриционистите…“
Легендите на Манчестер Јунајтед, Рој Кин и Гери Невил, во еден подкаст открија дека дека со денови се пијанеле по натпреварите во Премиерлигата. Станува збор за периодот кој некии го нарекуваат и златна ера на тимот кој тогаш го предводеше сер Алекс Фергусон.
„Луѓето велеа дека сум добар професионалец, но некои работи што ги правев беа апсолутно срамни – покајано вели Кин.
Детално опиша како се пијанчел, особено во нефудбалските денови.
„Многу пати одев во сабота по натпреварот, во недела, понеделник, вторник… Да бидам фер, би ја поставил границата во среда“, откри освојувачот на седум Премиер лиги, четири ФА купови и Лигата на шампиони.
Во 2002 година, Ирецот во својата автобиографија „Второто полувреме“ призна:
„Имаше период, во раните 90-ти, кога бев алкохоличар. За среќа, успеав да се извлечам од тој виор. Сега пијам само вода.“
Гери Невил го надополни соиграчот, велејќи дека многу од најдобрите играчи биле озлогласени алкохоличари.
„Причината поради која се извлекувавме е што другите тимови го правеа истото. Сè додека секој можеше да испие десет големи кригли, бевме на исто ниво на кондиција“, раскажа трофејниот десен бек од „Олд Трафорд“.
„Знаете… Јас го анализирам периодот пред сезоната 1995/96 година, сите играчите го правеа истото. Помеѓу 1996 и 2000 година фудбалот стана многу професионален и дојдоа нутриционистите…“
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.