Актуелниот шампион во Формула 1, Макс Ферстапен мораше да плати речиси еден милион евра за да се натпреварува во овогодинешниот шампионат.

Главен услов за сите возачи да учествуваат во Формула 1 е да имаат супер лиценца, која мора да ја платат. За да се натпреварува ваа сезона возачот на Ред Бул го чини 835.681 фунти или 994.210 евра.

Холанѓанецот плаќа речиси двојно повеќе за лиценцата од најуспешниот Формула 1 возач Луис Хамилтон и дури 90 пати повеќе од дебитантите, односно, возачи кои се уште не возеле трка во Ф1.

Супер лиценцата за седумкратниот светски шампион, Хамилтон чини 512.912 евра, а дебитантите Кими Антонели, Габриел Бортолето, Џек Дуан и Исак Хаџар платија 11.141 евра.

Останатите дебитанти плаќаат повеќе, бидејќи возе една или неколку трки во претходните две сезони, но и поради нивните резултати: Оли Берман плаќа 26.892 евра, а Лиам Лосон 20.141 евра.

Парите што секој возач треба да ги плати за суперлиценца се пресметуваат врз основа на освоените бодови во претходната сезона. Се верува дека основната цена за лиценцата е токму сумата што ја плаќаат дебитантите, а секој поен чини околу 2.250 евра. Исто така, иако супер лиценцата е за возачите, неа ја плаќаат екипите.

Главниот ривал на Ферстапен минатата сезона, Ландо Норис од Мекларен плаќа 825.675 евра за супер лиценца, а неговиот тимски колега Оскар Пјастри 668.167 евра, додека возачот на Ферари, Шарл Леклер треба да плати 812.174 евра.

Новиот возач на Вилијамс, Карлос Саинц Јуниор супер лиценцата го чини 663.667 евра, Џорџ Расел од Мерцедес 562.414, а двократниот светски шампион Фернандо Алонсо 168.647 евра.

Селекторот на Англија, Томас Тухел, го објави списокот на играчи за првите натпревари во квалификациите за СП 2026 година.

Англија на стартот од квалификациите, во групата К, ќе одигра два натпревари на домашен терен, на 21. март против Албанија и три дена подоцна 24 против Летонија.

Англија на 9. септември ќе гостува во Србија, додека на 13. ноември ќе им биде домаќин на „орлите“.

Победникот од групата ќе обезбеди директен пласман на Светското првенство, додека втропласираниот ќе се пласира во баражот.

За првите натпревари, Тухел повика 26 играчи, вклучувајќи ги и дебитантите Ден Бурн и Мајлс Луис-Скили.

Голмани: Џордан Пикфорд, Дин Хендерсон, Џејмс Трафорд, Арон Рамсдејл;

Дефанзивци: Ден Бурн, Рис Џејмс, Марк Гуеи, Џарел Кванза, Мајлс Луис-Скели, Тино Ливраменто, Леви Колвил, Езри Конса, Кајл Вокер;

Играчи од средниот ред: Џуд Белингем, Џордан Хендерсон, Еберечи Езе, Кол Палмер, Деклан Рајс, Морган Роџерс, Кертис Џонс, Џерод Бовен;

Напаѓачи: Хари Кејн, Ентони Гордон, Фил Фоден, Маркус Рашфорд, Доминик Соланке.

Returning to the #ThreeLions squad

Welcome back, lads! pic.twitter.com/k1AZaTkjeF

— England (@England) March 14, 2025

Жозе Мурињо е огорчен по драматичната елиминација од Лига Европа. Во првиот осминафинален натпревар неговиот Фенербахче загуби со 1:3 од Ренџерс во Истанбул, синоќа во реваншот победи со 2:0 во реваншот во Глазгов. Конечниот победник беше решен по изведувањето пенали, во кои поуспешни беа домаќините кои победија со 3:2.

Откако со неговиот тим доживеа елиминација Мурињо изјави: „Се надевам дека се што ми се случува во европските натпреварувања не е последица на финалето на Лига Европа во 2023 година во Будимпешта, туку дека тоа е случајност. Затоа што по финалето во Будимпешта и откако бев суспендиран, почнаа да ми се случуваат чудни работи“, рече Португалецот и дополни.

„Не игравме во Лигата на шампионите поради пенал во 120. минута, кој го виде само четвртиот судија. Сега стигнавме на реваншот од осминафиналето на Лига Европа, а за ВАР беше задолжен еден од најдобрите меѓу видео асистентите (Кристијан Дингерт). Тој ВАР судија не виде ниту еден од трите пенали. Се надевам дека е случајност. Ја платив суспензијата од 2023 година и се надевам дека конечно ќе заврши. Се молам дека сето ова е само несреќен случај“.

За потсетување, финалето за кое тој зборува е финалето на Лига Европа, тогашниот клуб на Мурињо, Рома по изведувањето пенали загуби од Севилја, а Португалецот беше бесен на судиите по завршувањето на натпреварот, а имаше вербална пресметка на паркингот со судијата Ентони Тејлор.

Во третото квалификациско коло, оваа сезона, Фенербахче во првиот меч загубија од Рен со 2:1. Во реваншот во Истанбул имаа водство од 1:0 во финишот на продолѓенијата, кога за Рен беше досуден пенал. Францускиот клуб го претвори во гол и со тоа ги исфрли Мурињо и Фенербахче во Лига Европа.