Спорт
Фудбалскиот судија Генов суспендиран од УЕФА

Aнтон Генов, фудбалскиот судија кој е осомничен за местење на пријателскиот натпревар помеѓу Македонија и Канада, е суспендиран од страна на УЕФА на неодредено време и му е изречена забрана за судење се’ додека не се заврши истрагата, пренесува бугарски Фокус
УЕФА во соопштение за медиумите објавила дека „постоеле очигледни неправилности и шеми за обложување“ за време на натпреварот, а тие неправилности се однесувале за бројот на постигнати голови и бројот на досудени пенали.Портпаролот на УЕФА, Роб Фалконер, пак, изјави дека одлучиле да не го назначат Антон Генов за арбитер на претстојните натпревари во Европа се до следното известување.Спортските обложувалници дале известување за премногу уплатени ливчиња на кои имало минимум три постигнати гола, колку што и беа постигнати на натпреварот, а исто така и за бројот пенали кои ќе бидат досудени од страна на судијата, а беа досудени четири пенали. Канадските фудбалери промашија два пенали кои им беа досудени. Генералниот секретар на Канадската фудбалска асоцијација, Питер Монтополи, изјави дека ниту еден тренер или фудбалер не бил контактиран од официјалните лица во врска со скандалот. Портпаролот на Фудбалската федерација на Македонија, Зоран Николовски потврди дека никој од фудбалерите или тренерот не биле контактирани од УЕФА. Американскиот дневен весник USA Today, пишува: „Интересен детал е што ден пред отстранувањето на Генов од Европскиот комитет на фудбалски судии, Бугарскиот фудбалски сојуз беше распуштен, а членовите беа ослободени од должност“. Еуроспорт, пак, тврди дека Генов бил суспендиран откако УЕФА успеала да ја докаже неговата вмешаност во скандалот, што други медиуми тоа не го објавија.Македонската фудбалска репрезентација ја победи репрезентацијата на Канада со 3:0 на пријателскиот натпревар кој се одигра на 17 ноември во Струмица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Жестока тепачка на натпреварот Комо – Бетис

Бетис и Комо вчера одиграа контролен натпревар во Кадиз, а според сцените од тепачката што се случи на теренот и споделени на социјалните мрежи, натпреварот беше се, само не беше пријателски. Голем број играчи од двата тима учествуваа во големата тепачка.
По завршувањето на првото полувреме, во кое Комо водеше со 2:0 благодарение на головите на Асане Диао и Лукас де Куња, се случи тепачка откако Пабло Форналс и Масимо Пероне разменија удари.
Во моментите на тепачката, видеото покажаува дека напаѓачот на Бетис, Кучо Ернандез, влета во толпата со намера да удри еден од играчите на италијанскиот тим, но наместо тоа успеа да го удри соиграчот Натан.
Форналс, и покрај тоа што прв удри, избегна исклучување, додека Пероне доби црвен картон на стадионот „Естадио Мунисипал де Ла Линеа де ла Консепсион“. Сепак, Бетис остана со еден играч помалку бидејќи Хектор Белерин беше исклучен.
Натпреварот заврши со победа на Комо (3:2).
Real Betis v Como in a friendly tonight 🤛 pic.twitter.com/PxH2jhZSPu
— 𝐂𝐚𝐬𝐮𝐚𝐥 𝐔𝐥𝐭𝐫𝐚 𝐎𝐟𝐟𝐢𝐜𝐢𝐚𝐥 (@thecasualultra) August 6, 2025
Спорт
„Телеграф“: Перишиќ преговара со Нови Пазар

Хрватскиот фудбалер Иван Перишиќ наводно преговара со Нови Пазар во врска со трансфер во српскиот клуб.
Како што неофицијално дознава „Телеграф“, менаџерот на фудбалерот е во напредна фаза од преговорите со Нови Пазар, каде што треба да го замени Адем Љајиќ, кој ќе ја продолжи кариерата во Сараево.
Истиот извор наведува дека Перишиќ веќе бил во Србија и дека станува збор за бизнис што вклучува повеќемилионски суми. Се додава дека работата би можела да биде завршена во наредните денови.
Перишиќ моментално е играч на ПСВ, со кого има договор до 2027 година, а зад себе има одлична сезона во Ередивизие. Претходно во текот на летото, дури беше поврзуван и со Барселона.
Дополнително, веста за неговиот трансфер во Нови Пазар звучи како фикција, но ако се случи, веројатно ќе претставува најголем трансфер во историјата на српскиот клупски фудбал. Барем кога станува збор за 21 век.
Во својата кариера, Перишиќ играл за Клуб Бриж, Борусија Дортмунд, Волфсбург, Интер, Баерн, Тотенхем, Хајдук и ПСВ.
Момчето од Сплит одигра 144 натпревари за Хрватска и постигна 36 гола.
Спорт
Димитриевски би можел да се пресели во Елче

Столе Димитриевски до крајот на преодниот рок ќе ја напушти Валенсија. Целта на македнскиот репрезентативец е да остане во Шпанија.
Димитриевски, минатото лето како слободен играч пристигна во Валенсија од Рајо Ваљекано. Претходно клубот го продаде Георги Мамардашвили во Ливерпул, но клубот од Англија репи да го остави голманот на позајмица.
Кога клубовите се договорија јасно беше дека Димитриевски ќе биде резерва. Бранеше само на натпреварите во Купот и на неколу натпревари во првенството кога Грузиецот беше повреден.
Статусот на Димитриевски не се подобри ниту по завршувањето на сезоната, Мамардашвили замина, но Валенсија реши на позајмица од Атлетик Билбао да го донесе младиот голман Хулен Агирезабала.
Поради ваквата одлука на клубот македонскиот репрезентативец сака да ја напушти „Местаља“.
Шпанските медиуми пишуваат дека постои шанса Димитриевски новата сезона да ја мине на позајмица во Елче. Клубот по пауза од една година се врати меѓу шпанската елита и бара искусен голман за предизвиците во Примера.
Foto/ EPA/Rodrigo Jimenez