Откако мина во Манчестер јунајтед, англиските медиуми со интерес ја следат играта на 30-годишниот Велшанец, своевремено најталентираниот британски фудбалер

Вниманието е насочено дали Мајкл Овен ќе успее да избори место во англиската репрезентација за настап Светското првенство што летово ќе се одржи во Јужна Африка. Според медиумите од Островот најголемиот проблем на Овен е што игра во клуб кој има многу добри напаѓачи, а секако најголем е што играчки потсетува на Вејн Руни, кому безгранично му верува менаџерот на „бебињата“, сер Алекс Фергусон. Според Фергусон, голгетерски расположениот оваа сезона Руни го загрозува репрезентативниот повик за Овен. Англискиот селектор Фабио Капело, изјави претходно дека нема да ги повика играчите кои не играат постојано. А Мајкл Овен кој во 89 меча во дресот на „Гордиот Албион“ има постигнато 40 голови и со тоа е на 4-то место на „вечната лсита“ на англиските репрезентативни стрелци, сезонава тешко се изборува за место во првиот тим на Манчестер јунајтед.„Знам дека Мајкл сака да оди на Светското првенство и ние ќе се обидеме да го однесеме таму. Иако е тешко да се најде место за него покрај Руни. Тие се сличен тип играчи и мене ми е потребен Димитар Бербатов како втор шпиц. Повеќе ми се чини подобар нападот Бербатов – Руни или Бербатов – Овен од кој и да е друг. Ако заиграат Руни и Овен заедно, тогаш морам Руни да го повлечам подлабоко на теренот, а повеќе сакам кога е во самиот шпиц“, изјавил Фергусон за британскиот печат. Овен беше еден од најперспективните млади играчи во Велика Британија, најдобар стрелец во историјата на сите младински категории. Ѕвездените шампионски моменти ги доживеа во Ливерпул, а потоа замина во Реал Мадрид. Во „Галактико“ неговите способности малку дојдоа за израз, па потоа во Премиер лигата го облече дресот на Њу касл, од каде лани премина во Јунајтед.