Јувентус и Реал Мадрид договарале размена на фудбалери, тврди „Калчомеркато“. Главна ѕвезда во оваа размена би бил Паоло Дибала.

Реал Мадрид се заинтересирани за 26-годишниот Аргентинец, но нема доволно пари за неговиот трансфер.

Поради тоа на Јувентус им понудиле помала сума на пари и двајца фудбалери.

Дибала иам договор со Јувентус до 2022 година, а досегашните обиди да ја продолжи соработката не беа успешни. Аргентинецот бара годишна плата од 15.000.000 евра, Јувентус му нудат помала сума.

Реал за Дибала биле подготвени во Торино да ги испратат Иско и Винисиус Жуниор. Иско ги потроши сите кредити кај Зинедин Зидан, додека Винисиус наводно не се вклопувал во визијата која за тимот ја има тренерот Зидан.

Фудбалскиот клуб Партизан е во преогвори со Манчестер сити околу трансферот на Филип Стевановиќ. 18-годишникот потекнува од клупската академија, а од минатата сезона е дел од првиот тим. Неодамна постигна гол во вечното дерби.

Локалните медиуми од Манчестер, пишуваат дека трансферот наскоро ќе биде реализиран. Стевановиќ, во јануари ќе потише петгодишен договор, но до крајот на сезоната ќе остане во Партизан како позајмен играч.

Од трансферот на талентираниот фудбалер Партизан ќе заработи околу шест милиони фунти.

Давид Де Хеа има најголема плата од сите голмани во Премиер лигата, покажува истражувањето на „Спотрак“. Според ова истражување првиот голман на Манчестер сити, Едерсон, неделно заработува помалку од третиот голман на Манчестер Јунајтед, Серхио Ромеро. Неверојатен е податокот дека Манчестер Јунајтед, на неделно ниво, за платите на тројцата голмани издвојува 600.000 евра.

Шпанскиот репрезентативец, Де хеа, во Манчестер Јунајтед има неделна плата од 413.000 евра. Неговата плата е за речиси 250.000 евра поголема од вториот на оваа листа, Кепа Аризабалага од Челси.

Голманот за кого Челси платија 80.000.000 евра, неделно заработува 165.000 евра. Трет на листата, на најплатени голмани во Премиер лигата е капитенот на Лестер, Каспер Шмајхел (143.000 евра неделно).

Следуваат Џордан Пикфорд од Евертон, Бернд Лено од Арсенал, Дин Хендерсон од Манчестер Јунајтед, Иго Љорис од Тотенхем и Руи Патрисои од Вулверхемптон. Овие голмани имаат неделни плати од 110.000 евра.

Според многумина најдобриот голман во Премиер лигата, Алисон Бекер од Ливерпул е деветти според платата од 99.000 евра неделно.

Неговиот колега и сонародник, Едерсон Мораеш од Манчестер сити на оваа листат се наоѓа на 12 место. Неделната плата на Едерсон изнесува 71.000 евра, што е за 6.000 евра помалку од она што го заработува третиот голман на Манчестер Јунајтед, Серхио Ромеро.