Спорт

Втора победа на Кома и Петерхансел, Манка со скршен череп

Објавено пред

11 година

- 8 јануари, 2010

Од

Минатогодишниот шампион во категоријата мотори на две тркала Марк Кома е победникот во шестата етапа која се возеше од Антофагаста до Икуикуе во Чиле со вкупна должина од 372 километри

Марк Кома етапата ја извозе со време од 4 часа, 46 минути и 59 секунди, пред второпласираниот Сирил Деспре од Франција и Хелдер Родригез од Португалија. Тимскиот сонатпреварувачна Кома, Лука Манца во тешка несреќа се здоби со скршеница на черепот и моментално се наоѓа на интензивна нега и сеуште нема новини за неговата состојба. Манца во вчерашната трка несебично му ја позајми својата резервна гума на колегата. Стефан Петерхансел во категоријата автомобили се врати на побеничката патека во шестата етапа која ја извозе со време од 4 часа, 23 минути и 55 секунди пред Карлос Саинз кој имаше заостанување од само 47секунди , а победникот во претходната етапа, Американецот Марк Милер, се пласира на третото место. Јамаха имаше еден-два победа во шестата етапа кај моторите на четири тркала благодарение на Маркос и Алехандро Патронели од Аргентина кои го освоија првото , односно второто место а Хосе Мануел Сантамарина исто така од Аргентина го освои третото место. И во оваа етапа ништо не се промени во категоријата камиони каде неприкосновен е Русинот Владимир Чегин победникот на петте од вкупно шесте досегашни етапи. Неговото време до целта гласеше 4.55.22 пред ривалот од Камаз, Фирдаус Кабиров и Ирдизар Мердеев исто така од Камаз. Седмата етапа ќе се вози во обратна насока од Икуикуе до Антофагаста со вкупна одлжина од 386 километри по што ќе следи еден ден одмор за натпреварувачите.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Македонија во првиот шешир за квалификациите за кошаркарското ЕП 2011 во Литванија

Претходно

Лопез Контардо ги израдува Чилеанците

Спорт

Веќе нема сомнеж, Хамилтон е подобар од Шуми – Луис го освои Портимао

Објавено пред

46 минути

- 25 октомври, 2020

Од

TopSport.mk

Иако стартот на трката ни најави дека е можна дождлива трка и неочекуван победник, на крајот работите си дојдоа на своето место и Луис Хамилтон триумфираше на Португалското ГП во Портимао, остварувајќи ја својата 92. победа во кариерата.

Со овој триумф пред својот колега Валтери Ботас и Макс Ферстапен во Ред бул, Хамилтон го помина рекордот на Михаел Шумахер од 91 победа во кариерата, и сега убедливо маршира кон својата седма титула, со што исто така би се израмнил рекордот кој многумина мислеа дека ќе трае вечно.

Стартот не беше најдобар за Британецот, откако дождот кој почна да паѓа на патеката, му дозволи на Карлос Саинс Јуниор во Мекларен шокантно да избие на првото место, а Хамилтон беше поминат и од колегата Валтери Ботас. Меѓутоа, по неколку круга, ситуацијата си дојде на своето место и Ботас и Хамилтон го поминаа Шпанецот, по што Хамилтон успеа да го помине и Финецот и да не дозволи изненадување.

Ферстапен не успеа да ги предизвика возачите на Мерцедес, но сепак, успеа да се соземе од судирот со Серхио Перез во Рејсинг поинт во првиот круг за да го освои третото место, додека зад него беше Шарл Леклер, пред одличниот Пјер Гасли во Алфа Таури.

Во поени уште завршија и Перез на шестото место, Саинс заврши како седми, пред двојката на Рено, Естебан Окон и Даниел Рикардо и Себастијан Фетел (Ферари).

Прикажи повеќе...

Спорт

Морбидели со маестрална победа во Арагонија, Мир без триумф останува лидер!

Објавено пред

3 часа

- 25 октомври, 2020

Од

TopSport.mk

Возачот на Петронас Јамаха, Франко Морбидели стигна до својата втора победа оваа сезона во Мото ГП, откако вторпат на патеката во Арагонија, овојпат на Теруел ГП трката, победи пред Алекс Ринс во Сузуки, додека Жоан Мир со нов подиум на третото место остана лидер во генерален пласман на само три трки пред крајот на шампионатот.

Лудата скратен Мото ГП сезона досега во 11 трки имаше осум различни победници, но во Арагонија, Морбидели не дозволи да има и деветти победник, откако беше супериорен и од стартот на трката го остави Ринс зад себе за втора победа. Тој е само втор возач со над една победа оваа сезона по трите триумфи на Фабио Квартараро.

Лоша среќа имаше освојувачот Такаки Накагами кој падна уште во првиот круг, додека во аут беше и Алекс Маркез, кој падна во моментите кога имаше шанса да се бори а подиум.

Мир со подиумот останува прв со 137 поени во генерален пласман, Квартараро по уште една лоша трка во која заврши на осмото место е втор со 123 поени, Маверик Вињалес е втор со 117 поени, додека победникот Морбидели е четврти на 25 поени заостанување (112).

What an explosive opening lap! 💥@FrankyMorbido12 leads while his team-mate is surrounded by Hondas! 🙌#AlcanizGP 🏁 pic.twitter.com/UFwT3mmtNg
— MotoGP™🏁 (@MotoGP) October 25, 2020

That could be a key move! 👊@JoanMirOfficial picks off @JohannZarco1 for third! 💪#AlcanizGP 🏁 pic.twitter.com/DaxpPdT0Jr
— MotoGP™🏁 (@MotoGP) October 25, 2020

Championship lead up to 14 points! 👏
From 12th on the grid to the podium! Stunning ride @JoanMirOfficial! 🥉#AlcanizGP 🏁 pic.twitter.com/EJtwTJy4rd
— MotoGP™🏁 (@MotoGP) October 25, 2020

Прикажи повеќе...

Спорт

Пеп го има најлошиот старт на една лигашка сезона

Објавено пред

5 часа

- 25 октомври, 2020

Од

TopSport.mk

По саботното 1:1 реми со Вест хем, Пеп Гвардиола може да се „пофали“ дека го има најлошиот старт на една лигашка сезона во неговата славна тренерска историја.

Ремито со „чеканите“ значи дека Сити имаат освоено само осум поени од првите пет кола, и уште поневеројатно немаат позитивна гол-разлика. Уште позначајно, до Нова Година, Сити ги очекуваат минимум два меча неделно и Пеп мора да реагира многу бргу.

„Веќе загубивме седум поени, што навистина е многу. Но, страдаме од повеќе причини и ќе видиме како ќе оди сезоната“, вели Гвардиола.

Ова е најлош старт на една сезона на Сити од 2014 година, и напорниот календар по кратката летна пауза поради корона вирусот се покажува на тимот на Гвардиола. Кајл Вокер, Родри, Ријад Марез и Фил Фоден се единствените четири фудбалери кои беа достапни сите мечеви оваа сезона за Сити. Вокер ги имаше одиграно сите минути пред да биде заменет против Вест хем, а Гвардиола призна дека преморен.

„Повеќе би сакал да имам позитивен резултат, но морам да ја анализирам ситуацијата во која се наоѓаме. Имаме многу повредени фудбалери, малку подготовки, тешки мечеви“, додава Гвардиола.

Прикажи повеќе...