Пари Сен-Жермен и Челси ги оправдаа фаворитските улоги стигнувајќи до гостински победи во второто коло од Лигата на шампионите. Челси со 4:0 триумфираше кај дебитантот во ЛШ, рускиот Краснодар, додека Пари Сен-Жермен благодарение на двата гола на Моисе Кин стигна до 0:2 победа над турскиот шампион Башашехир.

Италијанскиот напаѓач Кин, откако постигна два гола и во саботниот меч од Лига 1, беше главната ѕвезда на ПСЖ за победата во Истанбул, стрелајќи во 64. и 79. минута, за ПСЖ да се врати по незгодниот домашен пораз од Манчестер јунајтед во првото коло.

Челси во Краснодар започна со утнат пенал во 14. минута преку Жоргињо, но Калам Хадсон-Одои во 37. минута стрелаше за 1:0. Тимо Вернер во 76. минута, повторно од пенал, зголеми на 2:0, пред до крајот на мечот својот прв гол за Челси да го постигне Хаким Зијеш (79. минута), а конечните 4:0 ги постави Кристијан Пулишиќ во 90-тата минута.

ЛИГА НА ШАМПИОНИ, 2.КОЛО

ГРУПА Е

Краснодар – Челси 0:4

Севилја – Рен 21.00 ч.

ГРУПА Х

Башакшехир – Пари Сен-Жермен 0:2

Манчестер јунајтед – РБ Лајпциг 21.00 ч.

Светскиот рекет број 1, Новак Ѓоковиќ го совлада Хрватот Борна Чориќ со 7:6(11)/6:3 за пласман во четврт-финалето на Виена опен, по маратонскиот прв сет, за да го обезбеди првото место на АТП листата на крајот на 2020, израмнувајќи го рекордот на Пит Сампрас од шест години во кои календарската година ја завршил како број 1.

Единствен начин на кој ќе му биде ускратен овој рекорд ќе биде ако Рафаел Надал прифати вајлд карта за настап на Софија опен, што засега Шпанецот го нема најавено.

Ѓоковиќ спаси три брејк топки во првиот сет и не загуби брејк, за маратонски гем во кој имаше 94 поени, од кои Чориќ освои 48. Борна загуби само девет поени по првиот сервис, а Ѓоковиќ спаси три брејк топки во деветтиот и 11 гем и четири сет-топки во тај-брејкот, за да го освои првиот сет за маратонски 75 минути.

🚨BREAKING NEWS🚨

If Rafael Nadal doesn't take a wildcard into Sofia, @DjokerNole will finish 2020 as year-end No. 1 in the @FedEx ATP Rankings. pic.twitter.com/RTDCG254uy

— ATP Tour (@atptour) October 28, 2020

Роман Абрамович беше на трибините да го гледа својот Челси во дуелот од Лигата на шампионите на гости кај Краснодар, враќајќи се во својата татковина за прв меч во живо на „сините“ по финалето на Лига Европа во 2019 година.

Рускиот милијардер од 2018 година не е вратен во Велика Британија откако земјата му ја одзеде бизнис-визата, и оттогаш живее во Израел, добивајќи државјанство. Абрамович претходно имаше „тајер-1“ британска виза која дозволуваше странци кои ќе инвестираат над 2 милиони фунти во британската економија да добијат престој од 40 месеци.

Абрамович последен пат го гледаше тимот во кој вложи стотици милиони евра во Баку, Азербејџан, кога Челси ги совлада Арсенал со 4:1 за титулата од Лига Европа.

Roman Abramovich in attendance at the Chelsea game tonight. #cfc pic.twitter.com/OmRQAVuN3x

— TweetChelseaUK (@TweetChelseaUK) October 28, 2020