Спорт
Уште едно изненадување на Лидс во ФА Купот

Во 4-то коло на англискиот ФА Куп, фудбалерите на третолигашот Лидс јунајтед приредија уште едно изненадување, ремизирајќи во Лондон со домашниот Тотенхем, откако во претходно коло во Манчестер го елиминираше славниот Јунајтед
Иако Тотенхем двапати бил во водство на својот „Вајт-Харт лејн“, настапот во следното коло ќе мора да го бара на гостувањето на адресата „Еланд роуд“ во Лидс. Таму домашниот третолигаш, некогаш претставник на најдобрата англиска фудбалска школа Лидс јунајтед ќе се обиде да го подобри резултатот и да докаже дека елиминацијата на Манчестер јунајтед не била само случајност.Тотенхем повел пред крајот на првото полувреме со голот на Крауч во 42. минута. Во 52-та изедначил Бекфорд, а Пављученко во 75-тата повторно ги довел домашните во водство. Во шестата минута од судиското продолжување, Бекфорд од пенал по вторпат го изедначил резултатот и му овозможува на својот клуб да направи уште едно изненадување.Второто изненадување вечерва го направи четвртолигашот Нотс каунти кој дома го пречека премиер лигашот Виган и одигра нерешено 2:2, но речиси е без шанси во реваншот на гости. Болтон на свој терен во истото натпреварување вечерва го совладал второлигашот Шефилд јунајтед со 2:0, со што со еден натпревар според пропозициите на ФА Купот се пласира во осминафиналето. Во другите мечеви на ова натпреварување се постигнати главно очекувани резултати: Пристон норт енд (2 лига) – Челзи 0:2; Рединг (2) – Барнсли 1:0; Астон вила – Брајтон & Хов Албион (3.) 3:2; Дерби каунти (2) – Дончестер роверс (2) 1:0; Евертон – Бирмингем 1:2; Вилверхептон – Кристал палас (2) 2:2; Кардиф (2) – Лечестер (2) 4:2; Саутептон (3) – Испвич (2) 2:1; Вест броумвич албион (2) – Нукасл јунајтед (2) 4:2; Портсмут – Сандерленд 2:1; Акрингтон стенли (4) – Фулам 1:3. Во недела во истото натпреварување играат Сток сити – Арсенал и Сканторф јунајтед од втората лига со Манчестер сити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Легендарниот Џејми Варди се сели во Серија А

Фудбалскиот клуб Кремонезе, по пауза од три години се врати во Серија А. Новата сезона во елитното друштво на италијанскиот фудбал, Кремонесе ја започна со сензационална победа на „Сан Сиро“ против Милан (1:2).
И покрај тоа што сезоната започна Кремонезе планира да донесе уште неколку играчи до крајот на преодниот рок. Кремонезе започна преговори со легендарниот напаѓач на Лестер, Џејми Варди (38), кој е слободен откако го напушти англискиот клуб, пишува „Скај Спорт Италија“.
Иако го прослави својот 38-ми роденден во јануари, Варди верува дека сè уште може да игра на највисоко ниво.
Тој стана достапен на пазарот откако му истече договорот со Лестер, клубот каде што помина 13 години и со кој, под водство на тренерот Клаудио Раниери, сензационално ја освои титулата во Премиер лигата во 2016 година.
Искуството од работата со италијанскиот стручњак би можело да го охрабри да се испроба во Серија А, што е она на што се надеваат во новиот италијански прволигаш.
Добро познатиот експерт за трансфери Џанлука Ди Марцио потврди дека преговорите се во тек и дека Кремонезе вложува големи напори да го убеди англискиот напаѓач дека доаѓањето во Италија е вистинскиот чекор за продолжување на кариерата.
Варди не е единственото големо име поврзано со клубот. Кремонезе наводно е блиску до договор за позајмица со право да го купи камерунскиот напаѓач Фарис Мумбања (25) од Олимпик Марсеј.
Спорт
Венус испадна од Ју-ес опен па потврди дека ќе се омажи

Пред 25 години, Венус Вилијамс ја освои првата од двете последователни титули на Ју-ес опен, сега освои еден сет во поразот од Каролина Мухова, но подвигот е речиси идентичен. Бидејќи легендарната Американка има 45 години и ова беше нејзин прв Гренд слем по двегодишна пауза, таа имаше и 16-месечна пауза во кариерата.
„Иако не победив, многу сум горда на тоа како играв“, рече Венус откако загуби со 6:3, 2:6, 6:1 од ривалка која не беше ни родена кога таа го имаше своето професионално деби во 1994 година.
„Не верувам дека публиката некогаш била со мене како денес. Целиот свет навиваше за мене и тоа е одлично чувство“.
По речиси 18 месеци пауза, Венус се врати на теренот минатиот месец во Вашингтон, каде што забележа една победа. Речиси е сигурно дека нема да игра до крајот на сезоната, но дали ќе игра подоцна?
„Дали има уште еден турнир во Америка оваа година? Донесете еден“ – истакна таа дека не сака да патува далеку.
„Австралија опен? Има уште многу време дотогаш. Обожувам да играм тенис, а нивото на мојата игра значително се подобри во споредба со Вашингтон“.
Наскоро ја чека многу поважен настан, во септември ќе се омажи за 37-годишниот италијански пејач Андреа Прети на брегот на Амалфи, недалеку од Неапол.
Foto/ EPA/BRIAN HIRSCHFELD
Спорт
Каспер Руд: Тешко е да се игра кога сè околу тебе мириса на марихуана

Норвешкиот тенисер Каспер Руд коментираше дека мирисот на марихуана многу му пречи на Отвореното првенство на САД.
Откако употребата на марихуана беше легализирана во Њујорк во 2021 година, Отвореното првенство на САД речиси секоја година го следи истата приказна – тенисерите се жалат на мирисот што доаѓа од трибините и околу терените.
Каспер Руд се пласираше во второто коло на Ју-ес опен со победата над Офнер со 6:1, 6:2, 7:6 (5) по помалку од два часа игра, а моментално 13-от играч во светот призна дека таквата атмосфера сериозно му пречи додека се наоѓа на теренот..
„Најголема деградација на турнирот во Њујорк е што сега сè мириса на марихуана. Дури и во објектите на турнирот. Мора да се помирите со тоа, но тоа не е мојот омилен мирис“, рече Руд.
Тој додаде дека проблемот е особено изразен за време на натпреварите.
„Навистина е иритирачки кога ќе излезете на теренот и ќе почувствувате мирис на некој што пуши џоинт. Не е забавно за играчите, особено кога сте уморни и мора да го вдишувате тој мирис. За жал, не можеме ништо да направиме додека не се промени законот, а се сомневам дека тоа ќе се случи“, нагласи Норвежанецот.