Спорт
Портсмут дефинитивно во стечај

Англискиот премиерлигаш Портмуст стана првиот клуб од најелитното натпреварување во Британија кој заврши во стечај а англиската фудбалска федерација им одзема девет бодови со што уште повеќе се оддалечи од спасување од испаѓање од лигата
Портсмут во моментот е должен меѓу 70 и 80 милиони евра и единствен излез од целата ситуација беше стечајот.„Се наоѓаме во тешка, речиси очајна ситуација. Но мораме да се обединиме за да се обидеме да најдеме излез“, изјавил спортскиот директор Марк Џејкоб.Навивачите на „помпеите“страхуваат дека тоа е само првиот чекор кон гаснењето на клубот кој е основан пред 112 години. Неговиот сегашен сопственик, веќе четврти во последната година, хонхоншкиот бизнисмен Бaлрам Чаинраи веќе еден месец безуспешно се обидува да го продаде клубот, но засега понуда нема а по одземањето и на минималните шанси за опстанок, најверојатно е дека тешко ќе се најде заинтересиран, бидејќи клубот и досега беше .последен на табелата и сега има само седум бодови. Чаинраи, во вторникот издаде соопштение во кое наведе дека заедно со другите инвеститори се во преговори со неколку потенцијални купувачи на Портсмут, но и дека е многу малку веројатно дека ќе биде постигнат договор до 1-ви март кога судот ќе решава за стечај на клубот. Новиот би бил петти сопственик оваа сезона. Порстмут е тужен од страна на државата за неплатен данок во вредност од 11 милиони фунти. Клубот е исто така во потрага по нов, и според зборовите на извршниот директор Питер Стори, клубот има две сериозни понуди. Минатата седмица раководството на Портсмут побара од челниците на англиската Премиер лига дозвола за продажба на играчите надвор од преодниот рок за да соберат пари и да го спасат клубот. На продажба тие ги ставаат најдобрите играчи, како Дејвид Џејмс, Надир Белхаџ и Кевин-Принс Боатенг.А претходно сосопственикот на англискиот премиерлигаш Вест хем јунајтед, Дејвид Голд, изјави дека е подготвен да му позајми 11,5 милиони евра на финансиски речиси банкротираниот Портсмут.Меѓутоа, раководството на натпреварите во англиската Премиер лига го одби барањето да ги продава играчите пред преодниот рок за да собере пари за враќање на долговите. На Портсмут инаку претходно му беше даден еден рок точно до 16 часот на 17-ти февруари да најде нов сопственик, и да докаже дека е способен да ги отплати кредиторите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ги елиминира Фенербахче од Лигата на шампионите, па потпиша договор со нив

Во денот кога Фенербахче му врачи отказ на тренерот Жозе Мурињо, турските медиуми објавија дека клубот го договорил трансферот на поранешниот играч на Галатасарај, Керем Актуркоглу.
Бенфика ќе добие фиксни 22.500.000 и низ бонусите уште 2.500.000 евра.
Интересно, Актуркоглу на некој начин му го потпиша отказот на Жозе Мурињо.
Во средата, тој го постигна единствениот гол во плејоф двомечот меѓу Бенфика и Фенербахче. Овој гол и овозможи на Бенфика да игра во Лигата на шампионите, а Фенербахче го испрати во Лига Европа.
Актуркоглу од семејни причини инсистираше да трансферот.
Foto/ EPA/ERDEM SAHIN
Спорт
Миовски се враќа во Шкотска, ќе потпише за Глазгов Ренџерс

Македонскиот репрезентативец Бојан Миовски се враќа во Шкотска. Џирона и Глазгов Ренџерс го договориле трансферот. Миовски ќе гоо стави потписот на договорот со „полицајците“ кога ќе ги мине лекарските прегледи, кои се најавени до крајот на денот.
Бојан Миовски две сезони блескаше во дресот на Абердин, во кои постигна 44 гола. Минатото лето реши да се пресели во Шпанија, за да игра во Лигата на шампионите. Џирона за него на Абердин му плати 8.500.000 евра.
Во Каталонија немаше добра сезона, постигна четири гола во 25 натпревари во сите натпреварувања, но речиси не играше во вториот дел од сезоната, поради повредите, но и поради одлука на тренерот.
Неговиот статус не се смени ниту во новата сезона и покрај тоа што беше стартер во првото коло против Рајо Ваљекано (0:2). Миовски одигра 45 минути, а потоа беше заменет кога голманот Газанига доби црвен картон.
Во второто коло и убедливиот пораз од Виљареал, Миовски воопшто не беше во составот на Џирона и тогаш беше јасно дека во клубот повеќе не сметаат на него.
Џирона реши да го продаде напаѓачот и покрај тоа што имаше до јуни 2028 година.
Глазгов Ренџерс за Миовски на Џирона ќе и плати 5.000.000 евра.
Foto/ EPA
Спорт
Челниците закажале состанок со Аморим

Манчестер јунајтед, во средата доживеа шокантна елиминација од Лига купот од членот на Четвртата лига Гримзби.
Поразот во медиумите беше означен како најголем срам во клупската историја. Логично е дека елиминацијата предизвика потреси во клубот.
Рубен Аморим не успева да ги спроведе своите идеи, а за време на репрезентативната пауза се очекува да разговара со клупските челници, објавува „Дејли меил“.
Португалецот истакна дека нешто мора да се промени, но да се сменат 22 играчи е невозможно. Медиумите оваа изјава ја протолкуваа како знак на заминување.
Сепак, во клубот не размислува за такво сценарио, иако Аморим нема победа во првите две кола од Премиер лигата. Ќе видиме дали оваа шлаканица во Купот ќе ги раздвижи „црвените ѓаволи“, кои потрошија повеќе од 200.000.000 евра во овој преоден рок.
Фото/ Принтскрин